தஞ்சையில் 4 வயது சிறுமி பாலியல் பலாத்காரம்: காவலாளி கைது

by *சம்ஸ் Mon 6 May 2013 - 7:47

தஞ்சாவூர், மே.6-

தஞ்சையை அடுத்த தங்கப்ப உடையான்பட்டி வடக்குத்தெருவை சேர்ந்தவர் சந்திரசேகர். விவசாயி. இவரது மனைவி செந்தமிழ்செல்வி. இவர்களது மகள் அமுதா (வயது 4) (பெயர் மாற்றப்பட்டுள்ளது).

இந்நிலையில் நேற்று செந்தமிழ்செல்வி, மகள் அமுதாவை அழைத்து கொண்டு தஞ்சையை அடுத்த சூரியம்பட்டியில் உள்ள ஒரு மாந்தோப்பில் வேலை செய்து வந்தார். செந்தமிழ்செல்வி, தோப்பில் மும்முரமாக வேலை செய்து கொண்டிருந்தார். அப்போது அங்கு விளையாடிக் கொண்டிருந்த அமுதாவை திடீரென காணவில்லை.

இதனால் அதிர்ச்சி அடைந்த அவர் குழந்தையை செந்தமிழ்செல்வி தேடினார். அப்போது அங்குள்ள பம்பு செட் மோட்டார் அறையில் வைத்து சிறுமி அமுதாவை, தோப்பின் காவலாளி சுந்தரராஜ்(55) பாலியல் பலாத்காரம் செய்து கொண்டிருந்தார்.

இதை நேரில் பார்த்த செந்தமிழ்செல்வி அதிர்ச்சி அடைந்தார். அவரது அலறல் சத்தத்தை கேட்ட காவலாளி சுந்தரராஜ் அங்கிருந்து தப்பி ஓடிவிட்டார். இதையடுத்து செந்தமிழ் செல்வியும் , அங்கிருந்தவர்களும் சிறுமி அமுதாவை மீட்டு தஞ்சை மருத்துவக் கல்லூரி மருத்துவமனையில் சிகிச்சைக்காக சேர்த்தனர்.

இதுகுறித்து செந்தமிழ் செல்வி, தஞ்சை தாலுகா போலீசில் புகார் செய்தார். அதன்பேரில் போலீசார் சம்பவ இடத்திற்கு விரைந்து சென்று தலைமறைவாக இருந்த காவலாளி சுந்தரராசை கைது செய்தனர்.

மாலைமலர்