டெல்லியில் 5 வயது சிறுமி கற்பழிப்பு: மேலும் ஒரு காமக்கொடூரன் கைது

புதுடெல்லி, ஏப். 22-

டெல்லியின் கிழக்கு பகுதியில் உள்ள காந்தி நகரில் கடந்த திங்கட் கிழமை 5 வயது சிறுமியை 2 வாலிபர்கள் கடத்தி சென்று கற்பழித்த சம்பவம் நாடெங்கும் அதிர்ச்சியை ஏற்படுத்தியுள்ளது.

சுமார் 40 மணி நேரம் அந்த சிறுமி பாலியல் வன் கொடுமைக்கு ஆளாக்கப்பட்டுள்ளாள். 2 காமக் கொடூரர்களிடம் சிக்கி சிதைந்த அந்த சிறுமி ஆழ்ந்த மயக்க நிலைக்கு சென்று விட்டாள். அந்த சிறுமி இறந்து விட்டதாக நினைத்த 2 வாலிபர்களும் டெல்லியில் இருந்து தங்கள் சொந்த மாநிலமான பீகாருக்கு தப்பி ஓடிவிட்டனர்.

புதன்கிழமை அன்று மீட்கப்பட்ட அந்த சிறுமி டெல்லி எய்ம்ஸ் மருத்துவமனையில் சேர்க்கப்பட்டு தீவிர சிகிச்சை பெற்று வருகிறாள். தற்போது அந்த சிறுமி உடல்நிலை தேறிவருகிறது. சிறுமிக்கு நோய் எதிர்ப்பு மருந்துகள் கொடுக்கப்பட்டு வருகின்றன. சிறுமியின் உள்உறுப்புகள் சேதம் அடைந்துள்ளதால் அறுவை சிகிச்சை செய்ய டாக்டர்கள் திட்டமிட்டுள்ளனர். அது முடிந்ததும் 2 வாரங்கள் கழித்து சிறுமி ஆஸ்பத்திரியில் இருந்து டிஸ்சார்ஜ் செய்யப்படுவாள் என்று எதிர்பார்க்கப்படுகிறது.

இதற்கிடையே சிறுமியை கற்பழித்த காமக்கொடூரன்கள் இருவரும் மனோஜ்குமார், பிரதீப் என்று டெல்லி போலீசார் கண்டுபிடித்தனர். இவர்களில் மனோஜ்குமாரை பீகார் மாநிலம் முசாபர் நகரில் கடந்த சனிக்கிழமை போலீசார் கைது செய்தனர்.

பீகாரில் இருந்து டெல்லி அழைத்து வரப்பட்ட அவன் நேற்று மாஜிஸ்திரேட் முன்பு ஆஜர்படுத்தப்பட்டான். அவனைவரும் மே 4-ந்தேதி வரை கோர்ட் காவலில் வைக்க மாஜிஸ்திரேட் உத்தரவிட்டார்.

இந்த நிலையில் 5 வயது சிறுமி கற்பழிக்கப்பட்ட சம்பவம் டெல்லி மக்களிடம் கடும் கொந்தளிப்பை ஏற்படுத்தியது. மன்மோகன்சிங், சோனியா வீடுகள் முற்றுகையிடப்பட்டன.

இதையடுத்து அடுத்த குற்றவாளியையும் பிடிக்க டெல்லி போலீசாரும் பீகார் மாநில போலீசாரும் ஒருங்கிணைந்து தீவிர தேடுதல் வேட்டை நடத்தினார்கள். பீகார் மாநிலம் சீதாமர்கி என்ற கிராமத்தை சேர்ந்த பிரதீப், லக்கிசாரை எனும் ஊரில் பதுங்கி இருப்பது தெரியவந்தது.

போலீசார் அங்கு அவனை சுற்றி வளைத்து கைது செய்தனர். இன்று தர்பன்கா மாவட்ட கோர்ட்டில் ஆஜர்படுத்தப்பட்டு பிறகு டெல்லி அழைத்துச் செல்லப்படுகிறான்.

சிறுமி கற்பழிக்கப்பட்ட சம்பவத்தில் நேற்று பிடிபட்ட பிரதீப்தான் மிக முக்கிய குற்றவாளி என்பது போலீஸ் விசாரணையில் தெரியவந்துள்ளது. இவன் சிறுமியிடம் மிக மோசமாக பாலியல் வன்கொடுமையில் ஈடுபட்டது கண்டுபிடிக்கப்பட்டுள்ளது. காமக்கொடூரனாகவே இவன் டெல்லியில் வலம் வந்துள்ளான்.

இவனும் மனோஜும் டெல்லிக்கு ரெயிலில் வரும்போது இந்த ஆண்டு தொடக்கத்தில் நண்பர்கள் ஆகி இருக்கிறார்கள். இருவருக்கும் மதுகுடிக்கும் பழக்கம் இருந்ததால் நண்பர்களாகி விட்டனர்.

குடித்து முடித்ததும் பிரதீப் தன் செல்போனில் உள்ள ஆபாச படங்களை மனோஜுக்கு காட்டுவது வழக்கம். இப்படி இளம்வயதில் மனம் கெட்டு சீரழிந்த பிரதீப், மனோஜ் இருவரும் கடந்த சில மாதங்களாக பாலியல் பலாத்காரங்களில் ஈடுபட தொடங்கியுள்ளனர்.

ஆனால், கடைசியில் அவர்களது காம வெறிக்கு 5 வயது சிறுமி பாதிக்கப்பட்டு விட்டாள். காமகொடூரர்கள் இருவரிடமும் தீவிர விசாரணை நடத்தப்பட்டுள்ளதாகவும், அவர்களுக்கு உரிய தண்டனை பெற்றுத் தரப்படும் என்றும் டெல்லி மாநகர போலீஸ் கமிஷனர் நீரஜ் குமார் கூறினார்.

எனினும், டெல்லி மக்கள் இதை ஏற்கவில்லை. இன்றும் டெல்லியில் பல்வேறு இடங்களில் போராட்டங்கள் நடந்து வருகின்றன. இதையொட்டி டெல்லியின் முக்கிய பகுதிகளில் பலத்த போலீஸ் பாதுகாப்பு ஏற்பாடுகள் செய்யப்பட்டுள்ளது.

மாலைமலர்

ஆனால், கடைசியில் அவர்களது காம வெறிக்கு 5 வயது சிறுமி பாதிக்கப்பட்டு விட்டாள். காமகொடூரர்கள் இருவரிடமும் தீவிர விசாரணை நடத்தப்பட்டுள்ளதாகவும், அவர்களுக்கு உரிய தண்டனை பெற்றுத் தரப்படும் என்றும் டெல்லி மாநகர போலீஸ் கமிஷனர் நீரஜ் குமார் கூறினார்.

ஏன்யா அவன்கிட்ட என்ன விசாரணை பண்ணப் போறீங்க

பானுகமால் wrote:

ஆனால், கடைசியில் அவர்களது காம வெறிக்கு 5 வயது சிறுமி பாதிக்கப்பட்டு விட்டாள். காமகொடூரர்கள் இருவரிடமும் தீவிர விசாரணை நடத்தப்பட்டுள்ளதாகவும், அவர்களுக்கு உரிய தண்டனை பெற்றுத் தரப்படும் என்றும் டெல்லி மாநகர போலீஸ் கமிஷனர் நீரஜ் குமார் கூறினார்.

ஏன்யா அவன்கிட்ட என்ன விசாரணை பண்ணப் போறீங்க

நல்லா விசாரணை செய்யட்டும் பதில் ஒன்றுதான் இருக்கும்

.# .#