சர்ச்சைக்குரிய சவூதி இளவரசரின் புதுமையான முதலீடு _

by **முனாஸ் சுலைமான்** Tue 20 Dec 2011 - 6:38

பாலியல் சர்ச்சையில் சிக்கியுள்ள சவூதி நாட்டு இளவரசரான சவூதி இளவரசர் அல்வாலிட் பின் டல்பால் பின் அப்துல் அசிஸ் அல் சவுத், மற்றும் அவரது முதலீட்டு நிறுவனமும் இணைந்து டுவிட்டரில் சமூக வலையமைப்பில் 300 மில்லியன் அமெரிக்க டொலர்களை முதலிட்டுள்ளது.

வேகமாக வளர்ச்சியடைந்துவரும் நம்பிக்கைக்குரியதும் உலகளாவிய ரீதியில் தாக்கம் செலுத்தியுள்ளதுமான ஒரு வியாபாரத்தில் முதலீடு செய்வதாக இளவரசர் அல்வாலிட் தெரிவித்துள்ளார்.

இதேவேளை மத்திய கிழக்கு நாடுகளில் அண்மையில் இடம்பெற்ற புரட்சிகளின் போது தகவல் பரிமாற்றத்தில் டுவிட்டர் முக்கிய பங்குவகித்திருந்தது.

அல்வாலிட்டின் கே.எச்.சி (Kingdom Holding Company) நிறுவனமானது சிட்டி குழுமம், அப்பிள், நியூஸ் கோர்ப்பரேஷன் ஆகிய மிகப்பெரிய நிறுவனங்களின் பங்குகளை வைத்துள்ளது.

சவூதி நாட்டு இளவரசரான அல்வாடிட் மீதான பாலியல் புகார் வழக்கு கடந்த சில தினங்களுக்கு முன்னர் மீண்டும் ஆரம்பமாகியது.

அவர் 2008 ஆம் ஆண்டு 20 வயது மொடல் அழகியொருவரை ஸ்பெயினின் லிபிஷா தீவுப்பகுதியில் சொகுசுப் படகொன்றினுள் வைத்து போதையூட்டி பாலியல் வல்லுறவுக்குட்படுத்தியதாக ஸ்பெயின் நாட்டின் நீதிமன்றமொன்றில் வழக்குத் தொடுக்கப்பட்டுள்ளது.

சவூதி இளவரசரான அல் வாலிட் உலகின் 26 ஆவது மிகப்பெரும் பணக்காரராகவும், அரபு நாடுகளின் பெரும் பணக்கார நபராகவும் கருதப்படுவதோடு இவரது சொத்து மதிப்பு 19.4 பில்லியன் அமெரிக்க டொலர்கள் என்பதும் குறிப்பிடத்தக்கது. _ ___