பிரித்தாளப் பார்க்கிறது காங்கிரஸ்: பா.ஜ.க. குற்றச்சாட்டு

பிரித்தாளப் பார்க்கிறது காங்கிரஸ்: பா.ஜ.க. குற்றச்சாட்டு
உத்தரப்பிரதேச மாநில சட்டப் பேரவை பொதுத் தேர்தலில் கணிசமான தொகுதிகளைக் கைப்பற்றிவிட வேண்டும் என்பதற்காக மக்களை மத அடிப்படையில் பிரிக்கப்பார்க்கிறது காங்கிரஸ் என்று மாநிலங்களவை எதிர்க் கட்சித் தலைவர் அருண் ஜேட்லி (பாஜக) சாடினார். இதர பிற்படுத்தப்பட்ட (ஒ.பி.சி) வகுப்பினருக்கு ஒதுக்கப்பட்டுள்ள 27% இடங்களில் முஸ்லிம்களுக்காக 9% ஒதுக்கப்படும் என்று காங்கிரஸ் பிரசாரம் செய்து வருவதை அவர் கடுமையாகக் குறை கூறினார். இட ஒதுக்கீடு வரலாறு “சமூக அமைப்பில் ஆண்டாண்டு காலமாக ஜாதி அடிப்படையிலும் வேறு வகையிலும் ஒடுக்கப்பட்ட மக்களுக்கு வாய்ப்பு தர வேண்டும் என்பதற்காகத்தான் தாழ்த்தப்பட்ட பழங்குடி வகுப்பினருக்கு இட ஒதுக்கீடு கொண்டுவரப்பட்டது. சமூகத்தில் அடுத்த நிலையில் பின் தங்கியிருந்த இதர பிற்படுத்தப்பட்ட வகுப்பினரை முன்னேற்றத்தான் 27% இட ஒதுக்கீடு அமுல்படுத்தப்பட்டது.

மத அடிப்படையில் இட ஒதுக்கீடு வழங்கக்கூடாது என்று நாட்டின் அரசியல் சட்டத்திலேயே கூறப்பட்டிருக்கிறது. இந்த நிலையில் முஸ்லிம்களின் வாக்கு வங்கியை கவர்ந்துவிட வேண்டும் என்பதற்காக அவர்களுக்கு 9% இட ஒதுக்கீடு தரப்படும்என்று காங்கிரஸ் பிரசாரம் செய்கிறது. மத அடிப்படையில் இடங்களை ஒதுக்க முடியாது, நீதிமன்றம் அனுமதிக்காது என்று காங்கிரஸ¤க்குத் தெரியும்.

பிற்படுத்தப்பட்ட மக்களுக்கு ஒதுக்கப்பட்டிருக்கும் 27% இடங்கள் குறைவு. இதில் மேலும் மற்றவர்களுக்குக் கொடுத்தால் பிற்படுத்தப்பட்ட வகுப்பினரின் முன்னேற்றமும் தடைப்படும் என்றும் காங்கிரஸ¤க்குத் தெரியும். இருந்தும் தன்னுடைய வாக்கு வங்கியைத் தற்காலிகமாக உயர்த்திக் கொள்ள வேண்டும் என்பதற்காக இப்படி தவறான வாக்குறுதியை அளிக்கிறது. மத அடிப்படையில் மக்களைப் பிரித்துவைத்து ஆட்சி செய்ய நினைக்கிறது.

ஏழரை ஆண்டுகளாக சும்மா இருந்தது ஏன்? பிரதமர் மன்மோகன் சிங் தலைமையில் ஐக்கிய முற்போக்குக் கூட்டணி மத்தியில் ஆட்சிக்கு வந்து ஏழரை ஆண்டுகள் ஆகின்றன. முஸ்லிம்களுக்கு இடங்களை ஒதுக்குவதை ஆட்சிக்கு வந்த நாளிலிருந்தே செய்ய வேண்டாம் என்று யார் தடுத்தார்கள்? உத்தரப்பிரதேசத் தேர்தல் திகதி அறிவித்து, தேர்தல் நடைமுறைகள் தொடங்கிய பிறகு, “இட ஒதுக்கீடு அவசியம்” என்று காங்கிரஸ் பேசுவதற்குக் காரணம்தான் என்ன? இரட்டை வேடம்: இப்படிப் பேசுவது தேர்தல் நடத்தை நெறிகளுக்கு முரணாக இல்லையா என்று தேர்தல் கமிஷன் கேட்டால் “சல்மான் குர்iத் மத்திய அமைச்சராக இருந்தாலும் காங்கிரஸ் தலைவர் என்ற வகையில்தான் பொதுக் கூட்டத்தில் இதை வாக்குறுதியாக அளித்தார்” என்று காங்கிரஸ் பதில் தருகிறது.

இந்த இட ஒதுக்கீடு முஸ்லிம்களுக்கு அவசியம் என்று காங்கிரஸ் நினைத்தால் அதை நாடாளுமன்றத்தில் அறிவித்து சட்டமாக்குவதில் என்ன பிரச்சினை? ஏன் இப்படி இரட்டை வேடம் போட வேண்டும்?

பட்லா ஹவுஸ் விவகாரம்: இதில் மட்டும் அல்ல தில்லியில் பட்லா ஹெப்ஸ் பகுதியில் தீவிரவாதிகளுக்கும் பொலிஸாருக்கும் நடந்த மோதல் விசயத்திலும் இதே இரட்டை நிலையைத்தான் கடைப்பிடிக்கிறது. தில்லியில் பட்லா ஹவுஸில் தங்கியிருந்த தீவிரவாதிகளைப் பொலிஸார் சண்டையில்தான் கொன்றனர் என்று உள்துறை அமைச்சர் ப. சிதம்பரம் ஆவணங்களைப் பரிசீலித்து விட்டுக் கூறுகிறார்.