அலரிமாளிகை பொங்கல் விழாவில் அமைச்சர் கிருஷ்ணா பங்கேற்பு

by *சம்ஸ் Tue 17 Jan 2012 - 6:41

அலரிமாளிகை பொங்கல் விழாவில் அமைச்சர் கிருஷ்ணா பங்கேற்பு
லக்ஷ்மி பரசுராமன்
உத்தியோகபூர்வ விஜயத்தை மேற்கொண்டு நேற்று பிற்பகல் இலங்கை வந்த இந்திய வெளிவிவகார அமைச்சர் எஸ். எம். கிருஷ்ணா அலரி மாளிகையில் நேற்று மாலை நடைபெற்ற பொங்கல் விழாவில் கலந்துகொண்டார்.

ஜனாதிபதி மஹிந்த ராஜபக்ஷ அவர்கள் தலைமையில் அலரிமாளிகையில் பொங்கல் விழா நேற்று மாலை வெகு விமர்சையாக கொண்டாடப்பட்டது.

இந்நிகழ்வில் ஜனாதிபதி அவரது குடும்பத்தாருடன் கலந்துகொண்டார். இந்நிகழ்வில் இந்திய வெளிவிவகார அமைச்சருடன் இலங்கைக்கான இந்திய உயர் ஸ்தானிகர் அசோக் கே காந்தா மற்றும் உயரதிகாரிகள் பலரும் கலந்து கொண்டமை குறிப்பிடத்தக்கது.

இந்திய வெளிவிவகார அமைச்சர் எஸ். எம். கிருஷ்ண நேற்று பிற்பகல் கட்டுநாயக்க சர்வதேச விமான நிலையத் தினூடாக இலங்கை வந்தடைந்தார். இலங்கை வந்தடைந்த இவரை வெளி விவகார அமைச்சர் ஜி. எல். பீரிஸ் விமான நிலையத்திற்கு சென்று வரவேற்றார்.

வெளிவிவகார அமைச்சர் எஸ். எம். கிருஷ்ணாவுடன் உயர் மட்ட அதிகாரிகள் குழுவொன்றும் இலங்கை வந்துள்ளது. கட்டுநாயக்க விமான நிலையத்தில் இவர் களுக்கு மகத்தான வரவேற்பளிக்கப்பட்டது.

நான்கு நாள் உத்தியோகபூர்வ விஜயம் மேற்கொண்டு இலங்கை வந்திருக்கும் இந்திய வெளிவிவகார அமைச்சர் இன்று காலை ஜனாதிபதி மஹிந்த ராஜபக்ஷவை சந்தித்து பேச்சு நடத்துவார். அதனைத் தொடர்ந்து பிரதமர் தி. மு. ஜயரட்னவையும் அவரது அலுவலகத்தில் வைத்து எஸ். எம். கிருஷ்ண, சந்திக்க ஏற்பாடாகியிருப்பதாக வெளிவிவகார அமைச்சின் பேச்சாளர் கூறினார்.

வெளிவிவகார அமைச்சிற்கு வருகை தரும் இவர் அமைச்சர் ஜி. எல். பீரிஸ¤டனான இருதரப்பு சந்திப்பினைத் தொடர்ந்து இரு நாடுகளுக்குமிடையிலான பல உடன்படிக்கைகளிலும் கைச்சாத் திடவுள்ளார்.

அதனையடுத்து வெளிவிவகார அமைச்சர் களான எஸ். எம். கிருஷ்ணாவும் ஜி. எல். பீரிஸ¤ம் இணைந்து செய்தியாளர் மாநாடொன்றை நடத்தவிருப்பதாகவும் அமைச்சின் பேச்சாளர் குறிப்பிட்டார்.

எதிர்வரும் 18ம் திகதி புதன்கிழமை காலை வட மாகாணத்தின் யாழ்ப்பாணம் மற்றும் கிளிநொச்சி ஆகிய மாவட் டங்களுக்கு நேரில் விஜயம் செய்து அங்கு நடைபெறும் பல்வேறு முக்கிய நிகழ்வுகளில் அமைச்சர் எஸ். எம். கிருஷ்ணா கலந்து கொள்ளவுள்ளார்.

இந்திய அரசின் நிதியுதவியுடன் வடக் கில் முன்னெடுக்கப்பட்டு வரும் பல்வேறு அபிவிருத்தித் திட்டங்களை பார்வை யிடுவதுடன் முதற் கட்டமாக நிர்மாணிக்கப் பட்ட வீடுகள், பாடசாலைக் கட்டடங்கள் மற்றும் பல கோடி ரூபா பெறுமதியான மருத்துவ உபகரணங்களை பயனாளிகளுக்கு வழங்கி வைக்கவுள்ளார்.

19 ஆம் திகதி காலை காலிக்கு விஜ யம் செய்யும் இந்திய வெளிவிவகார அமைச் சர் அங்கு தெற்கு ரயில் பாதை அபிவிருத் திப் பணிகளை ஆரம்பித்து வைப்பாரெனவும் எதிர்பார்க்கப்படுவதாக அமைச்சின் அதிகாரியொருவர் கூறினார். இதற்கிடையில் அமைச்சர் கிருஷ்ணா இலங்கை தமிழ்த் தேசிய கூட்டமைப்பு, ஸ்ரீலங்கா முஸ்லிம் காங்கிரஸ் பிரதிநிதிகளையும் சந்தித்து உரையாடவுள்ளார்.