ஆர்ப்பாட்டக்காரர்களுக்கு இடையில் சிக்கிய ஆஸி. பிரதமர்: மெய்ப்பாதுகாவலர்கள் மீட்பு

by *சம்ஸ் Fri 27 Jan 2012 - 9:31

ஆர்ப்பாட்டக்காரர்களுக்கு இடையில் சிக்கிய ஆஸி. பிரதமர்: மெய்ப்பாதுகாவலர்கள் மீட்பு
நூற்றுக்கணக்கான ஆர்ப்பாட் டக்காரர் களுக்கு இடையில் சிக்கிய அவுஸ்திரேலிய பிரதமர் ஜுலியா கில்லார்ட்டை அவரது மெய்க்காவலர்கள் மீட்டு பாதுகாப்பான இடத்திற்கு அழைத்துச் சென்றனர்.

அவுஸ்திரேலியாவின் கெம்பரா நகரில் அவுஸ்திரேலிய தினம் கொண்டாடப்படும் நேற்றைய தினம் காலை இச்சம்பவம் இடம்பெற்றது.

கெம்பரா ஹோட்டலின் வரவேற்பறையில் எதிர்க்கட்சித் தலைவர் டொனி அபொட்டுடன் பிரதமர் கில்லார்ட் பேச்சுவார்த்தையில் ஈடுபட்டுக் கொண்டிருந்த போது அங்கு 200க்கும் மேற்பட்ட ஆர்ப்பாட்டக்காரர்கள் பிரதமரை சூழ்ந்து கொண்டனர்.

இதனைத் தொடர்ந்து பிரதமரின் மெய்ப்பாது காவலர்கள் பிரதமரை மீட்டு அழைத்துச் சென்றனர். இதன்போது பிரதமரின் காலனி மற்றும் கழுத்துப்பட்டி ஆகியன தொலைந்து போயின.

இதனைத் தொடர்ந்து கலகம் அடக்கும் பொலிஸார் அங்கு வரவழைக்கப்பட்டு பாதுகாப்பு பலப்படுத்தப்பட்டது. அவுஸ்திரேலிய பழங்குடி இன உரிமை கோரிக்கையை முன்வைத்தே இந்த ஆர்ப்பாட்டம் நடத்தப்பட்டுள்ளது.