வரலாற்றில் இன்று உலக உணவு தினம்!

First topic message reminder :

பெப்ரவரி 19
1600 - பெருவின் ஹுவாய்நப்பூட்டினா என்ற எரிமலை வெடித்தது.
1674: இங்கிலாந்துக்கும் நெதர்லாந்துக்கும் இடையில் கையெழுத்திடப்பட்ட ஒப்பந்தம் மூலம் 3 ஆவது ஆங்கில – டச்சு யுத்தம் முடிவுக்கு வந்தது. இந்த ஒப்பந்தத்தின் விளைவாக டச்சு காலனியான அமெரிக்காவின் நியூ ஆம்ஸ்டர்டம் பிராந்தியம் இங்கிலாந்துக்கு ஒப்படைக்கப்பட்டு, அதன் பெயர் நியூ யோர்க் என மாற்றப்பட்டது.
1807: அமெரிக்க முன்னாள் உப ஜனாதிபதி ஆரோன் பர் கைது செய்யப்பட்டார்.
1819 - பிரித்தானியாவின் நாடுகாண் பயணி வில்லியம் ஸ்மித் தெற்கு ஷெட்லாந்து தீவுகளைக் கண்டுபிடித்தார்.
1861: ரஷ்யாவில் பண்ணை அடிமை முறை ஒழிக்கப்பட்டது.
1876 - ஆங்கில இதழ் யாழ்ப்பாணம் கத்தோலிக்க கார்டியன் (Jaffna Catholic Guardian) முதலாவது இதழ் வெளியிடப்பட்டது.

1878 - கிராமபோனின் காப்புரிமத்தை தோமஸ் எடிசன் பெற்றார்.

1915 - முதலாம் உலகப் போர்: கலிப்பொலி போர் ஆரம்பமாயிற்று.
1942: சுமார் 250 ஜப்பானிய விமானங்கள், அவுஸ்திரேலியாவின் டார்வின் நகரை தாக்கின. 243 பேர் பலி.
1945 - இரண்டாம் உலகப் போர்: இவோ ஜீமா சண்டை - 30,000 ஐக்கிய அமெரிக்க கடற்படையினர் இவோ ஜீமா தீவில் தரையிறங்கினர்.
1959: பிரிட்டனிடமிருந்து சைப்பிரஸ் சுதந்திரம் பெற்றது.
1968 - சைப்பிரசின் லனார்க்கா விமான நிலையத்தில் கடத்தப்பட்ட எகிப்திய விமானத்தை விடுவிக்க சைப்பிரசின் முன் அநுமதியின்றி தாக்குதலில் ஈடுபட்ட எகிப்திய அதிரடிப் படைகளை சைப்பிரஸ் இராணுவத்தினர் தாக்கியட்தில் 15 எகிப்திய படைகள் கொல்லப்பட்டனர்.
1978: தீவிரவாதிகளால் கடத்தப்பட்ட சைப்பிரஸில் நிறுத்திவைக்கப்பட்டிருந்த விமானமொன்றை எகிப்திய படையினர் மீட்க முயன்றபோது இரு நாடுகளின் படைகளுக்கும் ஏற்பட்ட மோதலில் 15 எகிப்திய வீரர்கள் பலி.
1985: ஸ்பெய்ன் விமானமொன்று விபத்துக்குள்ளானதில் 148 பேர் பலி.
1986: மீர் விண்வெளி நிலையத்தை சோவியத் யூனியன் விண்ணுக்கு ஏவியது.

செப்டெம்பர் 25
1493: அமெரிக்காவை நோக்கி தனது இரண்டாவது பயணத்தை 17 கப்பல்களுடன் கொலம்பஸ் ஆரம்பித்தார்.

1639: அமெரிக்காவில் முதல் அச்சகம் திறப்பு.

1911: துருக்கிக்கு எதிராக இத்தாலி யுத்தப் பிரகடணம்.

1919: அமெரிக்க ஜனாதிபதி உட்ரோ வில்ஸன் பக்கவாதத்திற்குள்ளானார்.

1950: 3 மாதகாலம் வடகொரியாவின் பிடியிலிருந்த தென்கொரிய தலைநகர் சியோலை ஐ.நா. படைகள் கைப்பற்றின.

1959: இலங்கைப் பிரதமர் எஸ்.டபிள்யூ.ஆர்.டி. பண்டாரநாயக்க தல்துவே சோமாராம தேரரினால் சுடப்பட்டார். மறுநாள் பண்டாரநாயக்க மரணமடைந்தார்.

1959: அத்திலாந்திக் சமுத்திரத்திற்கிடையில் (கனடா -ஸ்கொட்லாந்து) கடலடி தொலைபேசி கம்பிகள் செயற்படத் தொடங்கின.

1990: ஈராக்கிற்கு எதிராக ஐ.நா. வான் பறப்புத் தடை விதித்தது.

தகவலுக்கு நன்றி உறவே

---------------
தென்கொரிய தலைநகர் சியோல்
-----------------------------------
தொலைக்காட்சி பெட்டிகள் தயாப்பில் உலகின் இரண்டாவது
மிகப்பெரிய நிறுவனமாக இருக்கும் எல்ஜி எலெக்ட்ரானிக்ஸ்
1958 ஆம் ஆண்டு நிறுவப்பட்டது.
-
தென் கொரியாவில் உள்ள சியோல் நகரைத் தலைமையிடமாக
கொண்ட உலகளாவிய மின்னணு நிறுவனம். இதுவாகும்
-

நன்றி தகவலுக்கு ##*

செப்டெம்பர் 26
1820: தக்காளி நச்சுத்தன்மை அற்றது என்பதை கேணல் ரொபர்ட் கிப்பன் என்பவர் அமெரிக்க நியூ ஜேர்ஸி மாநில நீதிமன்றமொன்றின் படிகட்டுகளில் வைத்து பல தக்காளிகளை உட்கொண்டதன் மூலம் நிரூபித்தார்.

1954: ஜப்பானிய கப்பலான 'டோயா மாரு' சுகாரு நீரிணையில் மூழ்கியதால் 1172 பேர் பலி.

1959: பௌத்த பிக்கு ஒருவரால் முதல்நாள் சுடப்பட்ட இலங்கை பிரதமர் எஸ்.டபிள்யூ.ஆர்.டி. பண்டாரநாயக்க உயிரிழந்தார்.

1960: முதல் தடவையாக தொலைக்காட்சியில் ஒளிபரப்பான அமெரிக்க ஜனாதிபதித் தேர்தல் வேட்பாளர்களுககிடையிலான விவாதத்தில் ரிச்சர்ட் நிக்ஸன், ஜோன் எவ் கென்னடி ஆகியோர் பங்குபற்றினர்.

1960: சோவியத் யூனியனை கியூபா ஆதரிக்கும் என பிடெல் காஸ்ட்ரோ அறிவித்தார்.

1962: யேமன் அரபு குடியரசு ஸ்தாபிக்கப்பட்டது.

1983: சோவியத் அணுவாயுத தாக்குதல் கண்காணிப்பு பொறிமுறை எழுப்பிய அபாய எச்சரிக்கை கணினி கோளாறினால் ஏற்பட்டது எனவும் அமெரிக்க அணுவாயுத ஏவுகணையினால் ஏற்பட்டது அல்ல எனவும் சோவியத் இராணுவ அதிகாரி ஸ்டானஸ்லோவ் பெட்ரோவ் கண்டறிந்ததன் மூலம்

1984: ஹொங்கொங்கை சீனாவிடம் ஒப்படைக்க பிரிட்டன் சம்மதித்தது.

1997: இந்தோனேஷிய விமான விபத்தில் 234 பேர் பலி.

2002: காம்பியா கடல்பகுதியில் செனகல் கப்பலான எம்.வி. ஜூலா கவிழ்ந்ததால் 1863 பேர் பலி.

2007: பிலிப்பைன்ஸ், வியட்நாம், கம்போடியா, லாவோஸ், தாய்லாந்து நாடுகளில் வீசிய சூறாவளியினால் சுமார 700 பேர் பலி.

செப்டம்பர் 14 முதல் வரலாறு முடிந்தது என்று நினைத்தேன் மிக்க நன்றி தொடர்ந்தமைக்கு
அன்பு
மீனுகா

செப்டெம்பர் 27
1290: சீனாவில் ஏற்பட்ட பூகம்பத்தால் சுமார் ஒரு லட்சம் பேர் பலி.

1590: பாப்பரசராக தெரிவு செய்யப்பட்டு 13 நாட்களில் 7ஆம் ஆர்பன் மரணம்.

1821: ஸ்பெய்னிடமிருந்து மெக்ஸிகோ சுதந்திரம் பெற்றது.



1928: சீனக் குடியரசு அமெரிக்காவினால் அங்கீகரிக்கப்பட்டது.

1940: இரண்டாம் உலக மகா யுத்தத்தின் போது ஜேர்மனி, ஜப்பான், இத்தாலி ஆகிய நாடுகளுக்கிடையில் 'முச்சக்தி ஒப்பந்தம்' பேர்லின் நகரில் கையெழுத்திடப்பட்டது.

1943: ஜேர்மனியில் அமெரிக்காவின் முதலாவது விமான தாக்குதல் இடம்பெற்றது.

1959: ஜப்பானின் ஹொன்ஸு தீவில் வீசிய சூறாவளியினால் சுமார் 5,000 பேர் மரணம்.

1970: ஜோர்டானில் அந்நாட்டுப் படைகளுக்கும் பலஸ்தீன விடுதலை இயக்கத்திற்கும் இடையிலான மோதலை முடிவுக்குக் கொண்டுவரும் விதமாக எகிப்தின் தலைநகர் கெய்ரோவில் ஜோர்தான் மன்னர் ஹுஸைனும் பலஸ்தீன விடுதலை இயக்கத் தலைவர் யஸீர் அரபாத்தும் சமாதான உடன்படிக்கையொன்றில் கையெழுத்திட்டனர்.

1988: சியோல் ஒலிம்பிக் 100 மீற்றர் ஓட்டத்தில் தங்கப்பதக்கம் வென்ற பென் ஜோன்ஸன், ஊக்கமருந்து சோதனையில் வெற்றி பெறத் தவறியதால் அவரின் பதக்கம் பறிக்கப்பட்டது.

1996 : 3 பல நாட்கள் நடந்த கடும் சண்டையின் பின் ஆப்கானிஸ்தான் தலைநகர் காபூலை தலிபான்கள் கைபற்றினர்.

1998: உலகின் மிகப்பெரிய இணைய தேடல் தளமான கூகுள் ஆரம்பிக்கப்பட்டது.

2002: கிழக்கு திமோர் ஐ.நா.வில் இணைந்தது.

செப்டெம்பர் 28
1066: பிரான்ஸில் பிறந்த முதலாம் வில்லியம் இங்கிலாந்தின் மீது படையெடுக்க ஆரம்பித்தார். பின்னர் பின்னர் இவர் 1087 வரை இங்கிலாந்தை ஆட்சி செய்தார்.

1867: கனடாவின் டொரண்டோ நகரம், ஒன்டாரோறியோ மாநிலத் தலைநகராகமாகியது.

1892: அமெரிக்காவில் முதலாவது இரவு நேர கால்பந்தாட்டப் போட்டி மின்னொளியில் நடைபெற்றது. மேன்ஸ்பீல்ட் ஸ்டேட் நோர்மல் பாடசாலை மற்றும் வியோமிங் செமினரி ஆகிய அணிகள் இதில் பங்குபற்றின.

1915: மெசெபத்தேமியாவில் துருக்கியை பிரிட்டன் தோற்கடித்தது.

1924: அமெரிக்காவின் இரு இராணுவ விமானங்கள் முதல் தடவையாக உலகைச் சுற்றிப் பறக்கும் திட்டத்தை பூர்த்தி செய்தன. இப்பயணம் 175 நாட்கள் நீடித்தது.

1939: போலந்தை பிரிப்பது தொடர்பாக ஜேர்மனிக்கும் சோவியத் யூனியக்கும் இடையில் ஒப்பந்தம்.

1978: பாப்பரசர் அருளப்பர் சின்னப்பர் பாப்பரசராக தெரிவு செய்யப்பட்டு 33 நாட்களே கடந்த நிலையில் மாரடைப்பால் காலமானார். வரலாற்றில் மிகக் குறுகிய காலம் பாப்பரசராக விளங்கியவர் இவர்.

1987: இஸ்ரேலிய ஆக்கிரமிப்புக்கு எதிரான பலஸ்தீனர்களின் முதலாவது 'இன்டிபாதா' எழுச்சிப் போராட்டம் ஆரம்பம்.

1991: அணுவாயுதங்களைக் குறைக்கும் அமெரிக்க ஜனாதிபதி புஷ்ஷின் திட்டத்திற்கிணங்க சோவியத் யூனியனும் தனது அணுவாயுதங்களைக்குறைக்கும் என சோவியத் யூனியன் ஜனாதிபதி மிகைல் கொர்பசேவ் அறிவித்தார்.

1992: நேபாளத்தில் பாகிஸ்தான் விமானமொன்று விபத்துக்குள்ளானதால் 167 பேர் பலி
.
1994: பால்டிக் கடலில் எஸ்டோனிய படகொன்று கவிழ்ந்ததால் 900 பேர் பலி.

1995: காஸா பகுதியில் பலஸ்தீன சுயாட்சி தொடர்பாக இஸ்ரேலிய பிரதமர் யிட்சாக் ரபின், பாலஸ்தீன விடுதலை இயக்கத் தலைவர் யஸீர் அரபாத் ஆகியோருக்கிடையில் ஒப்பந்தம் வாஷிங்டனில் கையெழுத்திடப்பட்டது.

1999: கினியாவில் இராணுவத்தினருடனான மோதலில் 157 ஆர்ப்பாட்டக்காரர்கள் பலி.

செப்டெம்பர் 29

1227: புனித ரோமப் பேரரசன் இரண்டாம் பிரெடெரிக் சிலுவைப் போரில் பங்குபற்றாமல் போனதை அடுத்து
திருத்தந்தை ஒன்பதாம் கிரகரி அவனை மதவிலக்கம் செய்தார்.

1567: பிரான்சில் இரண்டாம் சமயப் போர் ஆரம்பமானது.

1833: மூன்று வயதுள்ள இரண்டாம் இசபெல்லா ஸ்பெயின் அரசியாக முடிசூடினாள்.

1848: ஹங்கேரியப் படையினர் குரொவேசியர்களை பாகொஸ்ட் என்ற இடத்தில் இடம்பெற்ற ஹங்கேரிப் புரட்சிப்
போரில் தோற்கடித்தனர்.

1850: இங்கிலாந்திலும் வேல்சிலும் ரோமன் கத்தோலிக்க உயர்சபையை திருத்தந்தை ஒன்பதாம் பயஸ் மீண்டும்
அமைத்தார்.

1885: உலகின் முதலாவது மின்சார திராம் வண்டி இங்கிலாந்தில் பிளாக்பூல் நகரில் சேவையை ஆரம்பித்தது.

1911: இத்தாலி, ஒட்டோமான் பேராட்சிக்கெதிராகப் போர் தொடுத்தது.

1916: ஜோன் ரொக்பெல்லர் உலகின் முதலாவது கோடீஸ்வரர் ஆனார்.

1918: முதலாம் உலகப் போர் பல்கேரியா கூட்டுப் படைகளுடன் அமைதி ஒப்பந்தத்தை ஏற்படுத்தியது.

1938: செக்கோசிலாவாக்கியாவின் சுடெட்டென்லாந்துப் பகுதியை ஆளும் உரிமையை ஜேர்மனிக்கு வழங்குவதற்கான உடன்படிக்கையில் பிரித்தானியா, பிரான்ஸ், ஜேர்மனி, மற்றும் இத்தாலி ஆகியன கைச்சாத்திட்டன.

1941: உக்ரேனின் கீவ் நகரில் குறைந்தது 33,771 யூதர்கள் நாசி ஜேர்மனியரினால் கொல்லப்பட்டனர்.

1943: அமெரிக்க தளபதி ஜெனரல் ஐஸனோவருக்கும் இத்தாலிய தளபதி பியட்ரோ படோக்லியோவுக்கும் இடையில் பிரித்தானிய கப்பலான நெல்சனில் வைத்து போர் நிறுத்த ஒப்பந்தம் கையெழுத்திடப்பட்டது.

1949: சீன மக்கள் குடியரசின் எதிர்கால பொதுத் திட்டங்களை சீன கம்யூனிஸ்ட் கட்சி வரைந்தது.

1951: அமெரிக்காவில் விளையாட்டு நிகழ்ச்சியொன்று முதன்முதலாக நேரடியாக தொலைக்காட்சியில்
ஒளிபரப்பப்பட்டது. இரு கல்லூரிகளுக்கிடையிலான கால்பந்தாட்டப்போட்டியே இவ்வாறு நேரடி
ஒளிபரப்பு செய்யப்பட்டது.

1960: கொங்கோ பிரச்சினையில் ஐ.நா. படைகள் தலையிட்டமைக்கு எதிர்ப்பு தெரிவித்து சோவியத் யூனியன்
பிரமர் நிக்கிட்டா குருசேவ் ஐ.நா.வில் ஆவேசமாக செயற்பட்டார். ஐ.நா. செயலாளர் நாயகம் டேக்
ஹம்மர்ஸ்க் ஜோல்டை பதவி நீக்க வேண்டுமெனவும் குருசேவ் கூறினார்.

1962: கனடாவின் முதலாவது செய்மதி அலூட் 1 ஏவப்பட்டது.

1971: அரபுக் கூட்டமைப்பில் ஓமான் இணைந்து கொண்டது.

1972: ஜப்பான் மக்கள் சீனக் குடியரசுடனான தூதரக உறவை மீள அமைத்து, சீனக் குடியரசுடனான உறவை
முறித்துக் கொண்டது.

1975: அமெரிக்காவில் முதல் தடவையாக கறுப்பினத்தவரை உரிமையாளராகக் கொண்ட தொலைக்காட்சி
நிலையம் (WGPR) ஆரம்பம்.

1979: அயர்லாந்துக்கு முதல் தடவையாக பாப்பரசர் இரண்டாம் அருளப்பர் சின்னப்பர் விஜயம். வட அயர்லாந்து
விவகாரத்தில் வன்முறையை கைவிடும்படி இரு தரப்பினரையும் அவர் கோரினார்.

1991: ஹெய்ட்டியில் இராணுவப் புரட்சி இடம்பெற்றது.

1992: பிரேஸில் ஜனாதிபதி பெர்னாண்டோ கொலோர் மெல்லோவுக்கு எதிராக நாடாளுமன்றத்தில் குற்றவியல்
பிரேரணை நிறைவேற்றப்பட்டது. ஜனாதிபதி இராஜினாமா.

1993: மகாராஷ்டிரா மாநிலத்தில் ஏற்பட்ட நிலநடுக்கத்தில் 10,000 பேர் கொல்லப்பட்டனர்.

2003: சூறாவளி ஜுவான் கனடாவின் ஹொலிபாக்ஸ் துறைமுகத்தைத் தாக்கிப் பேரழிவை விளைவித்தது.

2006: பிரேஸிலில் இரு விமானங்கள் நடுவானில் மோதியதால் 154 பேர் பலி.

2008: லீமன் பிரதர்ஸ் மற்றும் வொஷிங்டன் மியூசுவல் நிதி நிறுவனங்கள் வங்குரோத்ததைத் தொடர்ந்து
அமெரிக்க பங்குச்சந்தையில் பாரிய வீழ்ச்சி ஏற்பட்டது.

2009: பசுபிக் சமுத்திர நாடான சமோவாவில் 8.0 ரிச்டர் அளவிலான பூகம்பம் ஏற்பட்டது. இப்பூகம்பம் மற்றும்
சுனாமியினால் 189 பேர் இறந்தனர்.

செப்டெம்பர் 30
1399: இங்கிலாந்தின் மன்னராக நான்காம் ஹென்றி தன்னை பிரகடனப்படுத்திக்கொண்டார்.

1882: உலகில் முதலாவது வர்த்தக ரீதியான நீர்மின்சார நிலையம் அமெரிக்காவின் அப்பிள்டன் நகரில் செயற்படத் தொடங்கியது.

1938: பிரிட்டன், பிரான்ஸ், ஜேர்மனி, இத்தாலி ஆகிய நாடுகள் அதிகாலை 2 மணியளவில் மூனிச் உடன்படிக்கையில் கையெழுத்திட்டன். இதன் மூலம் செக்கஸ்லோவாக்கியாவின் சுடென்லன்ட் பிராந்தியத்தை ஜேர்மனி ஆக்கிரமிப்பதற்கு அனுமதி வழங்கப்பட்டது.

1943: சோவியத் யூனியனின் பாபி யராவின் (தற்போதைய உக்ரேன்) நகரில் 3721 யூதர்கள் உயிருடன் புதைக்கப்பட்டனர்.

1947: பாகிஸ்தான், யேமன் ஆகிய நாடுகள் ஐ.நாவில் இணைந்தன.

1989: செனகாம்பிய என்ற பெயரில் 1982 முதல் இணைந்திருந்த செனகலும் காம்பியாவும் மீண்டும் பிரிந்தன.

1968: போயிங் 747 விமானம் முதல் தடவையாக தொழிற்சாலையிலிருந்து வெளியே கொண்டுவரப்பட்டு காட்சிப்படுத்தப்பட்டது.

1981: தென்கொரியாவின் சியோல் நகரம் 1988ஆம் ஆண்டு ஒலிம்பிக் போட்டிகளை நடத்துவதற்கான நகரமாக தெரிவு செய்யப்பட்டது.

1993: இந்தியாவின் மஹாராஸ்டிரா மாநிலத்தின் லத்தூர் மற்றும் ஒஸ்மனாபாத் மாவட்டங்களில் பூகம்ப தாக்கத்தால் சுமார் 8000 பேர் பலி.

1994: அமெரிக்காவிலிருந்து மொஸ்கோவுக்கு செல்லும் வழியில் அயர்லாந்தில் அந்நாட்டுப் பிரதமரை சந்திப்பதற்கு ரஷ்ய ஜனாதிபதி போரிஸ் யெல்ட்சின் இணங்கினார். ஆனால் விமானத்தில் யெல்ட்ஸின் ஆழ்ந்த உறக்கத்திலிருந்ததன் காரணமாக இச்சந்திப்பு இடம்பெறவில்லை.

1999: ஜப்பானின் டொகைமுரா அணு உலையில் அணுக்கசிவு ஏற்பட்டது. இதனால் ஒருவர் கொல்லப்பட்டதுடன் 49 பேர் பாதிப்புக்குள்ளாகினர். ஆயிரக்கணக்கானோர் சொந்த வீடுகளிலிருந்து வெளியேற்றப்பட்டு வாரக்கணக்கில் வேறு இடத்தில் தங்க வைக்கப்பட்டனர்.

2005: டென்மார்க் பத்திரிகையான ஜீலண்ட் போஸ்ட்டில் - முஹம்மது நபி குறித்த சர்ச்சைக்குரிய கேலிச் சித்திரம் வெளியானது.

ஒக்டோபர் 1
கி.மு. 331: மகா அலெக்ஸாண்டர் மன்னன், பேர்சியாவின் 3ஆம் டேரியஸை கௌகமேளா போர்க்களத்தில் தோற்கடித்தார்.

கி.மு. 959: முழு இங்கிலாந்துக்குமான மன்னனாக எட்கார் தெரிவு செய்யப்பட்டார்.

1273: ரோமன் கந்தோலிக்க மதத்தினைச் சேர்ந்த ஏர்ல் ரூடொல்ஃப் வொன் ஹப்ஸ்பேர்க் - ஜேர்மனியின் மன்னனாகினார்.

1653: உக்ரேனை ரஷ்யாவுடன் இணைப்பதற்கு ரஷ்ய நாடாளுமன்றம் அங்கீகாரம்.

1795: பெல்ஜியத்தை பிரான்ஸ் கைப்பற்றியது.

1843: லண்டனில் நியூஸ் ஒவ் த வேர்ல்ட் பத்திரிகை முதல் தடவையாக வெளியாகியது.

1830: நெதர்லாந்தின் ஆம்ஸ்ரெடம் நகரில் பொது வர்த்தக சஞ்சிகை வெளியீடு ஆரம்பிக்கப்பட்டது.

1864: கொல்கத்தாவில் பாரிய சூறாவளி தாக்கத்தினால் 70,000 பேர் உயிரிழப்பு.

1869: உலகின் முதலாவது தபாலட்டையை ஆஸ்திரியா வெளியிட்டது.

1888: தேசிய புவியியல் சஞ்சிகை முதன்முதலாக வெளியிடப்பட்டது.

1893: அமெரிக்காவின் மிசிசிப்பியில் ஏற்பட்ட பாரிய புயலினால் 1800 பேர் உயிரிழப்பு.

1949: சீன மக்கள் குடியரசு மாவோ சேதுங்கினால் பிரகடணம்.

1958: அமெரிக்காவில் தேசிய விண்வெளி ஆலோசனைக் குழுவுக்குப் பதிலாக அமைக்கப்பட்ட தேசிய விண்வெளி ஆராய்ச்சி நிலையம் (நாசா) செயற்படத் தொடங்கியது.

1962: அமெரிக்காவின் மிசிசிப்பி பல்கலைக்கழகத்தில் முதல்தடவையாக கறுப்பின மாணவர் ஒருவர் சேர்க்கப்பட்டதையடுத்து இடம்பெற்ற நிறவெறி மோதல்களில் இருவர் கொல்லப்பட்டு, 75 இற்கும் அதிகமானோர் காயமடைந்தனர்.

1970: மாரடைப்பால் காலமான எகிப்திய ஜனாதிபதி கமால் நாஸரின் இறுதி ஊர்வலத்தில் லட்சக்கணக்கானோரில் சன நெரிசலில் சிக்கி 48 பேர் பலி.

1975: முஹமட் அலிக்கும் அவரின் பிரதான போட்டியாளருக்கும் இடையில் மணிலாவில் நடைபெற்ற புகழ்பெற்ற குத்துச்சண்டை போட்டியில் அலி வெற்றிபெற்றார். 14 சுற்றுகளுக்கு இப்போட்டி நீடித்தது.

1979: பனாமா கால்வாயின் இறைமை அமெரிக்காவிடமிருந்து பனாமாவுக்கு வழங்கப்பட்டது.

2005: இந்தோனேஷியாவின் சுற்றுலாத்தலமான பாலி தீவில் இடம்பெற்ற குண்டுவெடிப்பில் 26 பேர் பலி.

ஒக்டோபர் 2
1187: ஜெருசலேம் நகரம் சலாடினினால் கைப்பற்றப்பட்டது.

1869: மகாத்மா காந்தி பிறந்தார்.

1941: மொஸ்கோ மீது ஜேர்மனி பாரிய தாக்குதலை ஆரம்பித்தது.

1944: வார்ஸோ எழுச்சியை அடக்கி, போலந்தை ஹிட்லரின் நாஸிப் படைகள் கைப்பற்றின.

1964: புகைத்தலினால் புற்றுநோய் ஏற்படுமென விஞ்ஞானிகள் முதன்முதலாக அறிவித்தனர்.

1967: அமெரிக்காவின் உயர்நீதிமன்ற இணை நீதிபதியாக முதலாவது ஆபிரிக்க அமெரிக்கரான துர்ஹூட் மார்ஸல் பதவியேற்றார்.

1968: மெக்ஸிகோவில் ஒலிம்பிக் போட்டிகள் சில தினங்களில் ஆரம்பிக்கவிருந்த நிலையில் நடந்த வன்முறையில் குறைந்தபட்சம் 25 பேர் பலி.

1970: அமெரிக்காவின்; விசிட்டா மாநில பல்கலைக்கழக கால்பந்தாட்ட அணி நிர்வாகிகள், ஆதரவாளர்களை ஏற்றிச் சென்ற விமானம் விபத்துக்குள்ளானதில் 31 பேர் பலி.

1972: சொச்சி - கருங்கடலுக்கு அருகில் இடம்பெற்ற விமான விபத்தில் 105பேர் பலி.

1975: தமிழக முன்னாள் முதலமைச்சர் காமராஜர் காலமானார்.

1990: சைனீஸ் எயார்லைன்ஸ் நிறுவனத்துக்குச் சொந்தமான விமானமொன்று குவாங்ஸு விமான நிலையத்தில் கடத்தப்பட்டு வேறு இரு விமானிகளுடன் மோதியதில் 132 பேர் பலி.

1993: ரஷ்யாவில் தீவிர கம்யூனிஸ்ட் ஆதரவு ஆர்ப்பாட்டக்காரர்களுக்கும் ஜனாதிபதி பொரிஸ் யெல்ட்சினுக்கு ஆதரவான படைகளுக்கும் இடையில் நடந்த மோதலில் 25 பொலிஸார் 5 ஆர்ப்பாட்டக்காரர்கள் பலி.

1996: இலத்திரனியல் தகவல் சுதந்திர சட்டத்திருத்தத்தில் அமெரிக்க ஜனாதிபதி பில் கிளிண்டன் கையெழுத்திட்டார்.

1997: ஐரோப்பிய ஒன்றியத்தின் ஆம்ஸ்டர்டாம் உடன்படிக்கை கையெழுத்திடப்பட்டது.

இடைக்கிடை ப்றேக் விடப்படுகிறது
அன்பு நன்றிகள் அகமட்
தொடருங்கள்.
#heart

தகவலுக்கு நன்றி உறவே!

ஒக்டோபர் 3
1739: மூன்றாண்டு கால ரஷ்ய – துருக்கி யுத்தத்தின் இறுதியில் ஒட்டோமான் பேரரசுக்கும் ரஷ்யாவுக்கும் இடையிலான 'நீஸ்ஸா ஒப்பந்தம்' கையெழுத்திடப்பட்டது.

1922: தொலைபேசி கம்பி வழியாக முதலாவது தொலைநகல் புகைப்படம் வொஸிங்டனில் அனுப்பப்பட்டது.

1929: சேர்பியா, குரோஷியா, ஸ்லோவேனியா ஆகியன இணைந்த இராஜ்ஜியத்திற்கு யூகோஸ்லாவிய இராஜ்ஜியம் என பெயர் மாற்றம் செய்யப்பட்டது.

1932: பிரிட்டனிடமிருந்து ஈராக் சுதந்திரம் பெற்றது.

1935: ஜெனரல் டி போனோ தலைமையில், எத்தியோப்பியா மீது இத்தாலி படையெடுத்தது.

1940: அமெரிக்காவில் பராசூட் அணி ஆரம்பிக்கப்பட்டது.

1942: ஜேர்மனியினால் வி-2 ரொக்கட் விண்ணில் ஏவப்பட்டது. மனிதர்களால் உருவாக்கப்பட்டு விண்வெளியை அடைந்த முதல் பொருள் இது.

1944: ஜேர்மனியிடம் போலந்து சரணடைந்தது.

1945: தொழிற்சங்கங்களின் உலக கூட்டமைப்பு நிறுவப்பட்டது.

1952 பிரிட்டன் வெற்றிகரமாக அணுவாயுதத்தை பரீட்சித்தது.

1990: இரண்டாம் உலக யுத்தத்தின் பின்னர் கிழக்கு, மேற்காக பிரிக்கப்பட்ட இரு ஜேர்மனிகளும் மீண்டும் ஒன்றிணைந்தன.

1995: அமெரிக்க றக்பி கால்பந்தாட்ட நட்சத்திரமான ஓ.ஜே.சிம்ஸன், தனது மனைவி நிகோலையும் அவரின் நண்பர் ரொனால்ட் கோல்ட்மனையும் கொலை செய்ததாக கூறப்பட்ட வழக்கில் சிம்ஸன் குற்றமற்றவர் என பரபரப்பான தீர்ப்பு வழங்கப்பட்டது.

ஒக்டோபர் 4
1537: ஆங்கில மொழியில் முதலாவது முழுமையான பைபிள் சுவிற்சர்லாந்தின் சூரிச் நகரில் அச்சிடப்பட்டது.

1582: பாப்பரசர் 13ஆம் கிறகரி, கிறகரியன் கலண்டரை அமுலுக்குக் கொண்டுவந்தார்.

1824: மெக்ஸிக்கோ குடியரசானது.

1830: நெதர்லாந்திலிருந்து பிரிந்த பெல்ஜியம் தனி நாடாகியது.

1854: ஆப்ரகாம் லிங்கன் தனது முதலாவது அரசியல் உரையினை இல்லினொய்ஸ் மாநிலத்தில் நிகழ்த்தினார்.

1880: கலிபோர்னியா பல்கலைக்கழகம் லொஸ் ஏஞ்சல்ஸ் நகரில் நிறுவப்பட்டது.

1910: போர்த்துக்கல் குடியரசாக பிரகடணம். மன்னர் மனுவல் பிரிட்டனுக்கு தப்பிச்சென்றார்.

1949: ஐக்கிய நாடுகள் சபையின் நிரந்தரக் கட்டடம் நியூயோர்க்கில் திறந்து வைக்கப்பட்டது.

1957: உலகின் முதல் செய்மதி ஸ்புட்னிக்-1 சோவியத் யூனியனால் விண்ணுக்கு ஏவப்பட்டது.

1965: பாப்பரசர் 6ஆம் போல், அமெரிக்காவுக்கு விஜயம். அமெரிக்காவுக்கு விஜயம் செய்த முதல் பாப்பரசர் இவர்.

1966: பஸுடோலாண்ட் பிரிட்டனிடமிருந்து சுதந்திரம் பெற்றுதுடன் அதன் பெயர் லெசெத்தோ என மாற்றப்பட்டது.

1993: ரஷ்யாவில் ஜனாதிபதி யெல்ட்ஸினுக்கும் நாடாளுமன்றத்திற்கும் இடையில் மோதல் தீவிரம். ரஷ்ய இராணுவத் தாங்கிகள் நாடாளுமன்றக் கட்டிடத்தின் மீது தாக்குதல் நடத்தின.

ஒக்டோபர் 05
1582: பாப்பரசர் 13 ஆம் கிறகரி, கிறகரியன் கலண்டரை அமுல்படுத்தியதால் அதை பின்பற்றிய இத்தாலி, போலந்து, போர்த்துக்கல், ஸ்பெயன் ஆகிய நாடுகளில் ஒக்டோபர் 4 ஆம் திகதிக்குப்பின் மறுநாள் ஒக்டோபர் 15 ஆம் திகதியாக மாற்றப்பட்டது. எனவே இந்நாடுகளில் 1582 ஆம் ஆண்டு ஒக்டோபர் 5 முதல் 14 வரையான திகதிகள் இருக்கவில்லை.

1789: பிரெஞ்சு புரட்சியின்போது, பாண் விலை குறைப்பு உட்பட பல கோரிக்கைகளை வலியுறுத்தி 16 ஆம் லூயி மன்னனுக்கு எதிராக வேர்செய்ல்ஸ் அரண்மனையை நோக்கி பெண்கள் மாபெரும் பேரணியொன்றை ஆரம்பித்தனர்.

1864: கொல்கத்தா நகரில் சூறாவளியினால் பேரழிவு: 60,000 பேர் பலி.

1905: ரைட் சகோதரர்களில் ஒருவரான வில்பர் ரைட் தமது விமானத்தில் 39 நிமிடங்களில் 24 மைல்தூரம் பறந்தார். 1908 ஆம் ஆண்டுவரை அது உலக சாதனையாக இருந்தது.

1947: முதல்தடவையாக தொலைக்காட்சியில் ஒளிபரப்பப்பட்ட வெள்ளை மாளிகை உரையை அமெரிக்க ஜனாதிபதி ஹரி ட்ரூமன் நிகழ்த்தினார்.

1948: சோவியத் யூனியனின் அஸ்காபாத்தில் (தற்போது துருக்மேனிஸ்தானின் பிராந்தியம்) இடம்பெற்ற பூகம்பத்தில் 111,000 பேர் பலி.

1962: முதலாவது ஜேம்ஸ்பான்ட் திரைப்படம் - டொக்டர் நோ- வெளியாகியது.

1994: சுவிட்ஸர்லாந்தில் மத அமைப்பொன்றைச் சேர்ந்த 48 பேர் கூட்டாக தற்கொலை.

2000: சேர்பியாவின் பெல்கிறேட் நகரில் ஜனாதிபதி ஸ்லோபோடன் மிலோசவிக்கை இராஜினாமாச் செய்யக்கோரி பாரிய ஆர்ப்பாட்டம் இடம்பெற்றது.

2001: பத்திரிகையாளர் ரொபர்ட் ஸ்டீவன்ஸன் (63), அமெரிக்காவில் அந்ரெக்ஸ் தாக்குலில் பலியான முதல் நபரானார்.

ஒக்டோபர் 06
1683: அமெரிக்காவில் முதல் தடவையாக 13 ஜேர்மனிய குடும்பங்கள் குடியேறின. இதனால் இன்றைய தினம் ஜேர்மன் அமெரிக்க தினமாக கொண்டாடப்படுகிறது.

1789: பிரெஞ்சு புரட்சியின்போது ஒக்டோபர் 5 ஆம் திகதி நடைபெற்ற பெண்களின் எழுச்சிப்போராட்டத்தையடுத்து, 16 ஆம் லூயி மன்னன் வேர்செய்ல்ஸிலிருந்து பாரிஸ் நகருக்குத் திரும்பினார்.

1889: தோமஸ் அல்வா எடிசன் முதல்தடவையாக அசையும் படத்தை காண்பித்தார்.

1908: பொஸ்னியாவையும் ஹேர்சகோவினாவையும் ஆஸ்திரியா தன்னுடன் இணைத்துக்கொண்டது.

1973: சிரியா, எகிப்து ஆகிய நாடுகளின் படைகள் இஸ்ரேல் மீது பாரிய தாக்குதல் நடத்தின.

1977: மிக்-29 ரக போர் விமானம் முதல் தடவையாக பறந்தது.

1979: பாப்பரசர் இரண்டாம் அருளப்பர் சின்னப்பர் வெள்ளைமாளிகைக்கு விஜயம் செய்த முதல் பாப்பரசரானார்.

1981: எகிப்திய ஜனாதிபதி அன்வர் சதாத், இராணுவ அணிவகுப்பொன்றை பார்வையிட்டுக் கொண்டிருந்த வேளை துப்பாக்கிதாரிகளினால் சுட்டுக்கொல்லப்பட்டார்.

1987: பிஜி குடியரசாகியது

2000: யூகோஸ்லாவிய ஜனாதிபதி ஸ்லோபோடன் மிலோசவிக் இராஜினாமா.

2000: ஆர்ஜென்டீன ஜனாதிபதி கார்லோஸ் அல்வாரெஸ் இராஜினாமா.

ஒக்டோபர் 07
336: பாப்பரசர் மார்க் காலமானார்.

1916: அமெரிக்காவில் கால்பந்தாட்டப் போட்டியொன்றில் கம்பர்லாண்ட் பல்கலைக்கழக அணியை ஜோர்ஜியா டெக் அணி 220 - 0 விகிதத்தில்
தோற்கடித்தது. அமெரிக்க கல்லூரிகளுக்கிடையிலான கால்பந்தாட்ட வரலாற்றில் மிகவும் ஒருபக்கச்சார்பான போட்டி இது.

1985: பலஸ்தீன தீவிரவாதிகள், இத்தாலிய உல்லாசப் கப்பலான அச்செல் லோராவை 420 பயணிகளுடன் மத்தியத்தரைக் கடலில் வைத்து
கடத்தினர். இஸ்ரேலிய சிறைகளிலுள்ள தமது சகாக்கள் 50 பேரை விடுவிக்குமாறு அவர்கள் கோரினர்.

1919: நெதர்லாந்தின் கே.எல்.எம். விமான சேவை ஆரம்பம். தனது ஆரம்பப் பெயருடன்
இன்னும் இயங்கும் மிகப் பழைமையான விமான சேவை இது.

1920: சுவால்கி உடன்படிக்கையில் போலந்தும் லிதுவேனியாவும் கையெழுத்திட்டன.

1933: 5 விமான சேவை நிறுவனங்களை இணைத்து எயார் பிரான்ஸ் நிறுவனம்
தோற்றுவிக்கப்பட்டது.

1949: ஜேர்மன் ஜனநாயக குடியரசு (கிழக்கு ஜேர்மனி) ஸ்தாபிக்கப்பட்டது.

1958: பாகிஸ்தானில் ஜெனரல் அயூப்கானின் உதவியுடன் ஜனாதிபதி ஸ்கந்தர் மிர்ஸா,
அரசியலமைப்பை இடைநிறுத்தி இராணுவ சட்டத்தைப் பிறப்பித்தார்.

1959: சோவியத் யூனியனின் 'லூனா-3' விண்கலம் பூமியிலுள்ளவர்களுக்குத் தென்படாத,
சந்திரனின் மறுபக்கத்தை படம்பிடித்தது.

1960: ஐ.நா. சபையில் நைஜீரியா இணைந்தது.

1971: ஐ.நா. சபையில் ஓமான் இணைந்தது.

2001: ஆப்கானிஸ்தானில் தலிபான்களுக்கு எதிரான அமெரிக்க இராணுவத் தாக்குதல்கள் ஆரம்பம். இந்த யுத்தம் 11 வருடங்களாக இன்னும்
தொடர்கிறது.

ஒக்டோபர் 08
1856 : சீனாவுக்கும் மேற்குலக நாடுகளுக்கும் இடையில் இரண்டாவது ஓபியம் யுத்தம் ஆரம்பமானது.

1821: பெரு நாட்டில் ஜெனரல் ஜோஸ் டி சான் மார்ட்டினினால் கடற்படை ஸ்தாபிக்கப்பட்டது.

1912: முதலாவது பால்கன் யுத்தம் ஆரம்பம்: துருக்கிக்கு எதிராக மொன்டினெக்ரோ யுத்தப் பிரடனம்.

1932 இந்திய கடற்படை ஸ்தாபிக்கப்பட்டது.

1932: போலந்தை ஆக்கிரமித்த ஜேர்மனி, அதை தன்னுடன் இணைத்துக்கொண்டது.

1952: பிரிட்டனின் ஹரோவ், வீல்ட்ஸ்டோன் நகரங்களில் இடம்பெற்ற ரயில் விபத்துகளில் 112 பேர் பலி.

1962: ஐ.நா.வில் அல்ஜீரியா இணைந்தது.

1967: கெரில்லா தலைவர் சே குவேராவும் அவரின் சகாக்களும் பொலிவிய படையினரால் கைது செய்யப்பட்டனர்.

2001: அமெரிக்க ஜனாதிபதி ஜோர்ஜ் டபிள்யூ புஷ், உள்நாட்டு பாதுகாப்புத் திணைக் களத்தை உருவாக்கினார்.

2003: கலிபோர்னிய மாநில ஆளுநராக ஹொலிவூட் நடிகர் ஆர்னோல்ட் ஸ்வார்ஷ்நெகர் தெரிவானார்.

ஒக்டோபர் 9
1760: ரஷ்ய படைகள் பேர்லின் நகரை கைப்பற்றின.

1799: 240 பேருடன் எச்.எம்.எஸ். லட்டின் கப்பல் கடலில் மூழ்கியது.

1806: பிரான்ஸுக்கு எதிராக பிருஷ்யா யுத்தப் பிரகடனம்.

1812: அமெரிக்கப் படையினரால் இரு பிரித்தானிய கப்பல்கள் கைப்பற்றப்பட்டன.

1824: கொஸ்டாரிக்காவில் அடிமைமுறை ஒழிக்கப்பட்டது.

1874: உலக அஞ்சல் ஒன்றியம் சுவிற்ஸர்லாந்தின் பேர்ன் நகரில் நிறுவப்பட்டது.

1911: சீனாவின் ஹான்காவ் நகரில் தற்செயலாக வெடித்த குண்டொன்று சீனாவின் கிங் வம்ச ஆட்சியை முடிவுக்கு கொண்டுவர வழிவகுத்தது.

1934: யூகோஸ்லாவிய மன்னர் அலெக்ஸாண்டர் -1 பிரான்ஸின் மார்செய்லே நகரில் வைத்து படுகொலைசெய்யப்பட்டார்.

1941: ஜேர்மன் விமானங்கள் இரவு நேரத்தில் லண்டன் நகரம் மீது குண்டுத்தாக்குதல் நடத்தின.

1947: நகரும் கார் மற்றும் விமானங்களில் முதலாவது தொலைபேசி உரையாடல் ஆரம்பம்

1962: உகண்டா சுதந்திரம் பெற்றது.

1963: இத்தாலியில் ஏற்பட்ட மண்சரிவில் 2000 பேர் பலி.

1967: பொலிவிய படையினரால் மார்க்ஷிச புரட்சியாளர் சே குவேரா கைது செய்யப்பட்டதற்கு மறுநாள் சுட்டுக்கொல்லப்பட்டார்.

1983: தென்கொரிய ஜனாதிபதி சுன் டூ ஹ்வானை பர்மாவில் வைத்து குண்டுத்தாக்குதல் மூலம் படுகொலை செய்ய முயற்சி. இதில் ஜனாதிபதி ஹ்வான் தப்பினார். எனினும் 22 பேர் கொல்லப்பட்டனர்.

ஒக்டோபர் 10
1780: மேற்கிந்தியத் தீவுகளில் வீசிய சூறாவளியினால் 20,000-30,000 பேர் பலி.

1845: அமெரிக்க கடற்படை பயிற்சிக் கல்லூரி 50 மாணவர்கள் 7 பேராசிரியர்களுடன் செயற்படத் தொடங்கியது.

1846: வில்லியம் லஸேல்லினால் நெப்டியூனின் சிறுகோளான ட்ரைடொன் கண்டுபிடிக்கப்பட்டது.

1892: ஹொங்கொங்கின் தேசிய கிரிக்கெட் அணி வீரர்கள் அனைவரும் தாய்வானிலிருந்து கப்பலில் வருகையில், கப்பல் உடைந்து விபத்து ஏற்பட்டதால் உயிரிழந்தனர்.

1913: அமெரிக்க ஜனாதிபதி வுட்ரோ வில்சன் பனாமா கால்வாய் நிர்மாணப் பணிகளை ஆரம்பித்து வைத்தார்.

1913: சீனாவின் முதலாவது ஜனாதிபதியாக ஜுவான் சிகாய் பதவியேற்றார்.

1933: அமெரிக்காவின் யுனைட்டெட் எயார்லைன்ஸுக்கு சொந்தமான விமானமொன்றில் வைக்கப்பட்டிருந்த குண்டினால் தகர்க்கப்பட்டதால் 7 பேர் பலி. வர்த்தக விமானசேவை வரலாற்றின் முதல் விமானமொன்று நாசவேலை மூலம் தகர்க்கப்பட்டமை இதுவே முதல் தடவை.

1942: அவுஸ்திரேலியாவுடன் சோவியத் யூனியன் இராஜதந்திர உறவுகளை ஆரம்பித்தது.

1944: நாஸிகளால் ஜிப்ஸி இன பிள்ளைகள் 800 பேர் கொல்லப்பட்டனர்.

1957: கானா நாட்டின் நிதியமைச்சருக்கு சேவை வழங்க டெலேவர் மாநில உணவு விடுதியொன்று மறுத்தமைக்காக அமெரிக்க ஜனாதிபதி ஐஸன்ஹோவர் மன்னிப்பு கோரினார்.

1964: டோக்கியோ ஒலிம்பிக் போட்டி முதல் தடவையாக செய்தி மூலம் நேரடியாக ஒளிபரப்பப்பட்டது.

1970: பிஜி சுதந்திர நாடாகியது.

1975: பப்புவா நியூகினியா ஐ.நா.வில் இணைந்தது.

1986: எல்சல்வடோரில் பூகம்பத்தினால் 1500 பேர் பலி.

1997: உருகுவேயில் விமானமொன்று வெடித்துச் சிதறியதில் 74 பேர் பலி.

1998: கொங்கோவில் விமானமொன்று சுட்டுவீழ்த்தப்பட்டதால் 41 பேர் பலி.

2008: பாகிஸ்தானில் இடம்பெற்ற தற்கொலை குண்டுத்தாக்குதலொன்றில் 110 பேர் பலி.

2009: 200 வருடங்களாக தமது எல்லைகளை மூடிவைத்திருந்த ஆர்மேனியாவும் துருக்கியும் சுவிட்சர்லாந்தில் உடன்படிக்கையொன்றில் கையெழுத்திட்டபின் தமது எல்லைகளை திறந்தன.

வேலைப்பளுவின் காரணமாக அதிகம் வர இயலவில்லை.

ahmad78 wrote:வேலைப்பளுவின் காரணமாக அதிகம் வர இயலவில்லை.

நேரம் கிடைக்கும் போது வாருங்கள் உங்களின் அருமையான பதிவுகளை தாருங்கள். :+=+:

ஒக்டோபர் 11
1138: சிலியின் அலேப்போ பிரதேசத்தில் பாரிய பூமியதிர்ச்சி ஏற்பட்டது.

1737: பூமியதிர்வில் 3 லட்சம் மக்கள் கொல்கத்தாவில் கொல்லப்பட்டதுடன் கொல்கொத்தாவின் அரைப்பகுதி பாதிப்புக்கும் உள்ளாகியது.

1852: அவுஸ்திரேலியாவின் மிகப்பழைய பல்கலைக்கழகமான சிட்னி பல்கலைக்கழகம் ஆரம்பிக்கப்பட்டது.

1868: தோமஸ் அல்வா எடிசன் தனது முதலாவது கண்டுபிடிப்பான இலத்திரனியல் குரல் இயந்திரத்திற்கு காப்புரிமை பெற்றார்.

1910: அமெரிக்க ஜனாதிபதி தியோடர் ரூஸ்வெல்ட் ரைட் சகோதரர்கள் உருவாக்கிய விமானத்தில் பறந்ததன் மூலம் விமானத்தில் பறந்த முதல் ஜனாதிபதியானார்.

1939: அணுகுண்டுக்கான சாத்தியம் குறித்து அமெரிக்க ஜனாதிபதி பிராங்களின் டி ரூஸ்வெல்டுக்கு விஞ்ஞானி அல்பர்ட் ஐன்ஸ்டைன் அறிவித்தார்.

1954: முதலாவது இந்தோசைனா யுத்ததத்தில் வியட்மின் படைகள் வட வியட்நாமை தமது கட்டுப்பாட்டுக்குள் கொண்டுவந்தன.

1958: நாசாவின் முதலாவது சந்திர ஆய்வுக்கலமான பயனீர் -1 ஏவப்பட்டது.(இக்கலம் பூமிக்குத் திரும்பி எரியுண்டது)

1960: கிழக்கு பாகிஸ்தானில் வீசிய சூறாவளியில் 6000 பேர் பலி.

1968: அப்பலோ பயணத் தொடரில் மனிதர்களைக் கொண்ட முதலாவது விண்கலம் (அப்பலோ -7) ஏவப்பட்டது.

1882: 545ஆம் ஆண்டு பிரான்ஸுடனான யுத்தத்தின்போது மூழ்கிய இங்கிலாந்தின் எட்டாம் ஹென்றி மன்னனின் கொடிக்கப்பல் 447 ஆண்டுகளின்பின் கடலடியிலிருந்து மீட்கப்பட்டது.

1987: தமிழீழ விடுதலைப் புலிகளிடமிருந்து யாழ்ப்பாணத்தைக் கைப்பற்றுவதற்காக இந்திய அமைதிப்படைகள் ஒபரேஷன் பூமாலை நடவடிக்கையை ஆரம்பித்தன.

1986: பனிப்போர் காலத்தில் அமெரிக்க ஜனாதிபதி ரொனால்ட் ரீகனும் சோவியத் யூனியன் ஜனாதிபதி மிகைல் கொர்பசேவும் ஏவுகணை குறைப்பு நடவடிக்கை குறித்து கலந்துரையாடுவதற்காக ஐஸ்லாந்தில் சந்தித்தனர்.