மாசி மாத அமாவாசை தினத்தில் ஆடு, கோழிகள் ரத்தம் குடித்து பக்தர்கள் ஆக்ரோஷ ஊர்வல,,,

சேலம் மாவட்டத்தில் ஆண்டுதோறும் மாசி மாத
அமாவாசை தினத்தில் மயானக்கொள்ளை திருவிழா கோலாகலமாக கொண்டாடப்பட்டு
வருகிறது.




இதையொட்டி,பக்தர்கள்
அம்மன் வேடமிட்டு, பொதுமக்கள் நேர்த்திக் கடனாக கொடுக்கும் ஆடு, கோழிகளின்
ரத்தத்தை ஆக்ரோஷமாக குடித்தபடி சுடுகாடுகளுக்கு செல்வது வழக்கம். சேலம்
தேர்மண்டி வீதியில் இருக்கும் ஸ்ரீ அங்காளம்மன் கோயிலில் நேற்று காலை 9
மணிக்கு பல்வேறு கோயில்களில் இருந்து பக்தர்கள் அம்மன் வேடமிட்டு வந்தனர்.
கோயிலில் சிறப்பு பூஜை நடத்தினர். அம்மன் வேடமிட்ட பக்தர்கள் தங்கள்
பகுதியில் உள்ள சுடுகாட்டிற்கு ஆடியபடி பக்தி பரவசத்துடன் சென்றனர்.


அங்காளம்மன் கோயிலில்
வேடமிட்ட பக்தர்கள் மேள தாளங்கள் முழங்க ஆடிப்பாடியபடி காக்காயன்
சுடுகாட்டுக்கு சென்றனர். அம்மன் வேடமிட்ட ஆண் பக்தர்கள் முகத்தில்
வண்ணங்களை பூசி கொண்டும் மேலாடையாக ஜாக்கெட், பாவாடை, சேலை அணிந்து மயில்
இறகில் அலங்கரித்த காவடியை ஊர்வலமாக சுமந்து வந்தனர்.


அப்போது வழிநெடுக
நின்றிருந்த மக்கள் தங்களது வேண்டுதலை நிறைவேற்ற வேண்டி வேடமிட்ட
பக்தர்களுக்கு ஆடு,கோழிகளை உயிருடன் வழங்கினர். இவற்றினை பக்தர்கள் கடித்து
ரத்தம் குடித்தபடி ஆக்ரோஷத்துடன் சுடுகாட்டுக்கு சென்றனர்.


இந்த சமயத்தில்
அம்மன் வேடமிட்டவர்கள் மக்களை தாண்டிச் சென்றால் திருமண தடை நீங்கும்.
குழந்தை பாக்கியம் கிடைக்கும் தீராத நோய்கள் தீரும் என்பது நம்பிக்கை.
இதனால் ஆண், பெண்கள் என ஆயிரக்கணக்கான மக்கள் சுடுகாட்டு பகுதியில்
படுத்திருந்தனர். அவர்களை வேடமிட்ட பக்தர்கள் தாண்டி சென்றனர்.


அம்மன்
வேடமிட்டவர்களுக்கு தலைவாழை இலை போட்டு அதில் சாப்பாடு, கருவாடு, மீன்
குழம்பு, அவரை கூட்டு வைத்து படையல் வைக்கப்பட்டது. சுடுகாட்டில் எடுத்த
சாம்பலை உருண்டையாக பிடித்து இலையில் வைத்து அதன் பின்னர் படையலை
சாப்பிட்டனர்.


விழாவை முன்னிட்டு
பெரும்பாலான பக்தர்கள் முன்னோர்கள் சமாதிக்கு சென்று வழிபடுவதையும்
வழக்கமாக கொண்டுள்ளனர். நேற்றும் ஏராளமானோர் முன்னோர்கள் சமாதிக்கு சென்று
அவரை, இளநீர், பழங்கள், கொள்ளு ஆகியவை படையலிட்டு வழிபட்டனர்.

இரத்தம் குடிக்கிறார்களே :+:-:

சுத்துற தலைக்குக்
குத்திடு முறை
கத்திப்பின் கரையும்
வலி,,,

மக்களின் நம்பிக்கையை குறை சொல்ல வரவில்லை .....அவர்கள் வழி அவர்களுக்கு ஆனால் சுகாதார முறையில் பார்க்கவேண்டுமானால் ரத்தம் கிருமிகளை எளிதாக ஈர்த்துவிடும் பொருள் .அதில் சேரும் கிருமிகள் எளிதில் சாவது இல்லை .எனவேதான் எந்த மாமிசமாக இருந்தாலும் அதை ரத்தம் முழுதும் வெளியேறிய பின் நன்றாக சமைத்து உண்ண இஷ்லாம் சொல்லுகிறது .ஆனால் பச்சை ரத்ததை குடிப்பது நாமே கிருமிகளை அள்ளி நமது உடலில் புகுத்திக்கொள்வதுபோல் ஆகும் .மக்கள் இதில் விழிப்புணர்வு அடைய வேண்டும் .அரசாங்கமாவது இது பற்றிய விழிப்புணர்வை மக்களிடம் பரப்ப வேண்டும் .

{)) {))