மோசடி நிறுவனங்களின் 651 ஈமு கோழிகள் ஏலம்

சத்தியமங்கலம்: ஈரோடு மாவட்ட நிர்வாகம் பராமரித்து வரும் 12 ஆயிரம் ஈமு கோழிகளை 12ம் தேதி பொது ஏலம் விடப்படுகிறது. இதில் கிடைக்கும் வருமானம் முதலீட்டாளர்களுக்கு பிரித்து கொடுக்கப்படுகிறது. ஏராளமான ஈமு கோழி நிறுவனங்கள் முதலீட்டாளர்களிடம் லட்சக்கணக் கில் பணம் பெற்று மோசடி செய்தன. இதுவரை 22 நிறுவனங்கள் மீது 6000 புகார்களின் பேரில் ஈரோடு மாவட்ட பொருளாதார குற்றப்பிரிவு போலீசார் வழக்குப்பதிவு செய்துள்ளனர். மொத்தம் ஸீ800 கோடி வரை மோசடி நடந்திருப்பது தெரிய வந்துள்ளது. மோசடி நிறுவனங்களை நடத்திய வர்களின் அசையும் மற்றும் அசையா சொத்துக்களை பறிமுதல் செய்தும் ஈமு கோழிகளை ஏலம் விட்டு கிடைக்கும் தொகையை யும் முதலீட்டாளர்களுக்கு கோர்ட் மூலம் வழங்க அரசு திட்டமிட்டுள்ளது. இதுகுறித்து மாவட்ட நிர்வாகம் தரப்பில் கூறியதாவது: சுசி ஈமு நிறுவனத்தின் 7 ஆயிரம் கோழிகள், குயின் ஈமு நிறுவனத்தின் 2 ஆயிரம் கோழிகள் உட்பட 12 ஆயிரம் ஈமு கோழிகள் மா வட்ட நிர்வாகத்தால் பராமரிக்கப்பட்டு வருகிறது. ஈமு கோழிகளை ஏலம் விட்டு கிடைக்கும் தொகையை கோவை டான்பிட் கோர்ட்டில் செலுத்த திட்டமிடப்பட்டது. அதன்படி மோசடி நிறுவனங்களில் இருந்து பறிமுதல் செய்யப்பட்ட ஈமு கோழிகளின் விபரத்தை நிறுவனம் வாரியாக பட்டியலிட்டு அவற்றை ஏலம் விட கோர்ட்டில் அனுமதி கோரப்பட்டது. அதன்படி முதற்கட்டமாக பவானி அல்மா ஈமு, பெருந்துறை நிதி ஈமு பார்ம்ஸ், பி.ஜி.புதூர் டிவிஎஸ் பார்ம்ஸ் ஆகிய 3 நிறுவனங்களுக்கு சொந்தமான 651 ஈமு கோழிகள் வரும் 12ம் தேதி ஏலம் விடப்படும். மீதமுள்ள ஈமு கோழிகள் கோர்ட்டில் அனுமதி பெற்று பின்னர் ஏலம் விடப்படும். ஈரோடு மாவட்ட வருவாய் அலுவலகம் அல்லது ஈரோடு கோட்டாட்சியர் அலுவலகத்தில் வரும் 12ம் தேதி ஏலம் நடைபெறும். இவ்வாறு தெரிவிக்கப்பட்டது.

தினகரன்.

முதலீட்டாளர்களுக்கு ஓரளவு திருப்திகரமாக பணம்
கிடைக்கட்டும்...
-