நேற்று இந்தியர் நிலவில் கால்பதித்த 28ம் ஆண்டு தினம்

by **நண்பன்** Wed 4 Apr 2012 - 5:49

நேற்று இந்தியர் நிலவில் கால்பதித்த 28ம் ஆண்டு தினம்

உலகின் முதன் முதலாக நிலவை சுற்றி பார்த்துவிட்டு பூமி திரும்பியவர் யூரி ககாரின்
(1961) என்றால், நிலவில் முதன் முதலாக தனது கால் தடத்தை பதித்தவர் நீல் ஆம்ஸ்
ஸ்ட்ரோங் (1969) ஆவார்.

அதே போன்று நிலவில் கால் தடம் பதித்த முதல் இந்தியர் ராகேஷ்
ஷர்மா ஆவார். இப்பெருமையினை பெற்றதன் 28வது ஆண்டு தினம் நேற்று. கடந்த 1984 ஆம்
ஆண்டு ஏப்ரல் 3ம் திகதி ரஷ்யாவின் சோயூஸ் விண்கலம் வாயிலாக விண்ணிற்கு செல்லும்
குழுவில் இந்தியாவின் ராகேஷ் ஷர்மா (63) இடம்பெற்றார். இவர் தான் விண்ணிற்கு
அனுப்பிவைக்கப்பட்ட முதல் இந்தியர் என்ற பெருமையினை பெறுகிறார்.
பஞ்சாப் மாநிலம் பாட்டியாலாவைச் சேர்ந்த ராகேஷ் ஷர்மா 1949 ஆம் வருடம் ஜனவரி 13ம்
திகதி பிறந்தார். தமது 21 வயதிலேயே (1970) இந்திய விமானப்படையில் சேர்ந்தார்.
பின்னர் படிப்படியாக பல்வேறு விமானப்படையில் பல்வேறு பொறுப்புக்களை வகித்து அன்றைய
சோவியத் யூனியன் (ரஷ்யா), பிரான்ஸ் மற்றும் வார்சா ஒப்பந்த நாடுகளுக்கு போர்
விமானங்கள் குறித்த பயிற்சிக்கு சென்றார்.
கடந்த 1982 ஆம் ஆண்டு செப்டம்பர் மாதம் 20 ஆம் திகதி ரஷ்ய விண்வெளி ஆய்வு மையம்,
நிலவிற்கு மனிதனை அனுப்பும் முயற்சியில் இறங்கியது. இதற்காக சோயூஸ் விண்கலம்
தயாரானது. இதில் அந்நாட்டைச் சேர்ந்த இரு விண்வெளி வீரர்களில் மூன்றாவது வீரராக
இந்தியாவின் ராகேஷ் ஷர்மாவும் தேர்வு செய்யப்பட்டார்.
இதன்படி ரஷ்யாவின் கஜகஸ்தான் மாகாணத்தின் பைகானூர் விண்வெளி நிலையத்திலிருந்து
சோயூஸ் டி. 11 விண்கலம் கடந்த 1982 ஆம் ஆண்டு ஏப்ரல் 3ம் திகதி விண்ணில் புறப்படத்
தயாரானது. மொத்தம் 7 தொன் எடைகொண்ட இந்த விண்கலத்தில் விண்வெளி விஞ்ஞானிகள்
கையசைத்து வழியனுப்பி வைக்க விண்ணில் பறந்தார் ஷர்மா. மொத்தம் 7 நாட்கள், 21
மணிநேரம், 40 நிமிடங்கள் விண்வெளியில் பயணித்தார்.
இதன் மூலம் விண்ணில் கால் தடம் பதித்த முதல் இந்தியர் என்ற பெருமையினை பெற்றார்.
விண்வெளிக்கு சென்று வெற்றிகரமாக பூமிக்கு திரும்பினார். ஷர்மாவுக்கு அப்போதைய
பிரதமர் இந்திரா பாராட்டினார்.
ரஷ்யாவின் உயரிய விருது, இந்தியாவில் அசோக் சக்ரா விருது உள்ளிட்ட பல்வேறு விருதுகள்
வழங்கி கெளரவிக்கப்பட்டது.
இதன் பின்னர் இந்தியாவின் கல்பனா செளலா, சுனிதா வில்லிம்ஸ் ஆகியோர் விண்வெளிக்கு
சென்றிருந்தாலும், இவர்கள் அமெரிக்க வாழ் இந்திய வம்சாவழியினர் ஆவர். ஆனால் ராகேஷ்
ஷர்மா இந்தியர் என்பதால் இவருக்கு இப்பெருமை உள்ளது.