மீண்டும் பூமிக்கு அடியில் அணு சோதனை நடத்தும் வடகொரியா!

by **mufees** Tue 10 Apr 2012 - 21:40

பூமிக்கு அடியில் மூன்றாவது முறையாக அணு சோதனை நடத்தும் நடவடிக்கைகளில் வடகொரியா ஈடுபட்டுள்ளதாக தென்கொரியா குற்றஞ்சாட்டியுள்ளது.

கொரிய தீபகற்பத்தில் எப்போது வேண்டுமானாலும் போர் நிகழலாம் என்ற பரபரப்பு ஏற்பட்டு வருகின்ற நிலையில், தென்கொரியா அரசாங்கம் நேற்று வெளியிட்டுள்ள செய்தியில், இந்த குற்றச்சாட்டு முன்வைக்கப்பட்டுள்ளது.

இது தென்கொரியாவின் உளவு செயற்கை கோள் வாயிலாக தெரியவந்துள்ளதாகவும் குறிப்பிடப்பட்டுள்ளது.

இது தவிர ஐக்கிய நாடுகளின் ஒப்பந்தத்தினை மீறி ரொக்கட் சோதனை நடத்திவருவதாகவும் தென் கொரிய அரசாங்கம் தெரிவித்துள்ளது.

இதேவேளை, தென் கொரியாவின் இந்தத் தகவல் அமெரிக்காவை அதிர்ச்சியடைய வைத்துள்ளதாக தெரிவிக்கப்படுகின்றது.

வடகொரியா ஏற்கனவே கடந்த 2006 மற்றும் 2009 ஆகிய ஆண்டுகளில் அணுசோதனை நடத்தியிருந்த நிலையில் இதற்கு அமெரிக்கா தனது அதிருப்தியை வெளியிட்டிருந்தமை குறிப்பிடத்தக்கது. மீண்டும் பூமிக்கு அடியில் அணு சோதனை நடத்தும் வடகொரியா! North-600x337

மீண்டும் பூமிக்கு அடியில் அணு சோதனை நடத்தும் வடகொரியா! North-600x337