மன அழுத்தத்தில் சிக்கித் தவிக்கும் இங்கிலாந்து மக்கள்

இங்கிலாந்தில் மன அழுத்தம் காரணமாக ஏராளமானோர் தூக்கம் வராமல் தவிக்கின்றனர். இதற்காக தூக்க மாத்திரைகளை பயன்படுத்துகின்றனர்.கடந்தாண்டு தூக்க மாத்திரைக்கு மட்டும் ரூ.430 கோடி செலவிடப்பட்டுள்ளதாக அரசு தெரிவித்துள்ளது.

இங்கிலாந்து சுகாதாரத் துறை சமீபத்தில் வெளியிட்டுள்ள அறிக்கையில்
கூறியிருப்பதாவது, பொருளாதார நெருக்கடி உள்பட பல்வேறு பிரச்னைகள் காரணமாக
இங்கிலாந்தில் பெரும்பாலான மக்கள் மன அழுத்தத்தில் உள்ளனர்.

இதனால் தூக்க மாத்திரை இல்லாமல் பலரால் இருக்க முடியவில்லை. பொருளாதார
நெருக்கடியால் உடல்ரீதியாகவும் மன ரீதியாகவும் பலர் பாதிக்கப்படுகின்றனர்.

செலவுக்கு பணம் பற்றாக்குறை, வேலை நிரந்தரமாக இருக்குமா என்ற பயம் போன்ற
காரணங்களால் பலர் பாதிக்கப்பட்டுள்ளனர். இதனால் இங்கிலாந்தில் தூக்க
மாத்திரை சாப்பிடுவோரின் எண்ணிக்கை அதிகரித்துள்ளது.

கடந்தாண்டு மட்டும் தூக்க மாத்திரைகளுக்கு 152 பிரைமரி கேர் டிரஸ்ட்கள்
ரூ.430 கோடி செலவிட்டுள்ளன. டாக்டர்களின் பரிந்துரை இல்லாமல் தூக்க
மாத்திரைகள் சாப்பிடுவதை தவிர்க்க வேண்டும்.

ஏனெனில் சில தூக்க மாத்திரைகள் தற்காலிக நிவாரணத்துக்காக
வழங்கப்படுகின்றன. அவற்றை தொடர்ந்து சாப்பிட்டால், மனநிலை பாதிக்கும்
அபாயம் உள்ளது என்று எச்சரித்துள்ளது.

தகவலுக்கு நன்றி ஹாசிம்