பரவியது காட்டுத் தீ! கட்டுப்படுத்தத் திண்டாடும் பொலிஸ் தரப்பு!!

June 9th, 2012 அன்று பிரசுரிக்கப்பட்டது.

காட்டுத் தீ பரவியதால் அதனைக் கட்டுப்படுத்த முடியாத நிலையில் பொலிஸ் தரப்புத் திண்டாடி வருகின்றது. இச் சம்பவம் கதிர்காமம் கதிரமலைக்கு அருகிலுள்ள காட்டில் இடம்பெற்றுள்ளது.

அந்த பகுதியில் வீசும் கடும் காற்று காரணமாகவே இத் தீயினை கட்டுப்படுத்துவது கடினமாகியுள்ளதாக பொலிஸார் தெரிவிக்கின்றனர்.

வனஜீவராசிகள் திணைக்களம், வீரவில விமானப்படை முாகம், காவன்திஸ்புர இராணுவ முகாம் அதிகாரிகளின் உதவியுடன் தீயை கட்டுப்பாட்டுக்குள் கொண்டுவரும் முயற்சியில் ஈடுபட்டுள்ளதாக கதிர்காமம் பொலிஸார் குறிப்பிட்டுள்ளனர்.

இதேவேளை, அம்பாறை புத்தங்கல சரணாலயத்தில் தீ பரவி வருதாக இடர் முகாமைத்துவ நிலையம் தெரிவித்துள்ளது.

வனஜீவராசிகள் திணைக்களம் மற்றும் பொலிஸாரின் ஒத்துழைப்புடன் தீயை கட்டுப்பாட்டுக்குள் கொண்டுவர இடர் முகாமைத்துவ நிலையத்தின் அம்பாறை அலுவலகம் நடவடிக்கை மேற்கொண்டுள்ளதாக, இடர் முகாமைத்துவ நிலையத்தின பணிப்பாளர் பிரதீப் கொடிப்பிலி தெரிவித்துள்ளார்.