விடுகதைகளுக்கு விடை தெரிந்தவர்கள் சொல்லுங்கள்..

by **rammalar** Mon 24 Sep 2012 - 2:57

அனைத்து விடுகதைக்குமே, விடைகள் 'கை' என்னும் எழுத்தில் முடிய
வேண்டும்.
(விடை --அடுத்த பதிவில்)
--------------------------------------------
-
1)உடம்பில் இல்லாத கை
ஊரு கொண்டாடும் கை
அடிக்கடி வராத கை
அனைவருக்கும் பிடித்த கை -
என்ன கை?
-
2) சின்னஞ்சிறிய தொகை
செலவில்லாத தொகை
இன்பமளிக்கும் தொகை
அது என்ன தொகை?
-
3) மூன்றெழுத்துக்குச் சொந்தம்
மூன்றாம் எழுத்து உடலின் உறுப்பு
முதலும் மூன்றும் நட்புக்கு எதிரி
ஒன்றும் இரண்டும் நிறைய தரும்
மூன்றும் சேர்ந்தால் உட்கார உதவும்
அது என்ன கை?
-
4) இளையவள் ஒருத்தி
மூத்தவள் ஒருத்தி
மொத்தமோ இரண்டு கைகள்
அவர்கள் யார்?
-
5) ஊர் ஊராய்ச் செல்லும் கை
ஊருக்குப் பிடித்த கை
விஷயங்கள் உள்ள கை
கடைகளில் விற்கும் கை
அது என்ன கை?
-
6) காலையிலும் வரும் கை
மாலையிலும் வரும் கை
ஊர்தோறும் செல்லும் கை
உலகத்தைக் கொண்டு வரும் கை
அது என்ன கை?
-
7) மூன்றெழுத்துக் கை இது
பிழியப்பட்ட கை இது
பழங்களில் உள்ள கை இது
பயனற்ற கை இது
என்ன கை?
-
-------------------------------------------