தனியாக பயணம் செய்யும் பெண்களின் கவனத்திற்கு!

ஆண்களுக்கு இணையாக பெண்கள் அனைத்து துறைகளிலும் தங்கள் கால்தடங்களை பதித்து வரும் அதே வேலையில் அவர்களின் பாதுகாப்பும் நிலையும் பல இடங்களில் கேள்விக்குறியாக உள்ளது என்பதை உணரவேண்டும். தொழில் ரீதியாகவும், குடும்பம், கல்வி, வேலை என்ற பல்வேறு காரணங்களால் பெண்கள் தனியாக பயணிக்கவேண்டிய சூழல் உள்ளது. அதனை தவிர்க்க இயலாது. ஆனால், பயணங்களின் போது நம்மை நாம் பாதுகாத்துக்கொள்வது பற்றி சிறிது விழிப்புணர்வு தேவை புதிய இடங்களுக்கு செல்லும் போது ஒரு வழிகாட்டி கையேடுசிறந்த துணையாக இருக்கும்.அந்த பகுதியின் தெருக்கள்,கலாச்சாரம் போன்றவற்றை தெரிந்துவைத்துக்கொள்ளலாம். தங்குவதற்கு சிறந்த இடம் எங்கே, என்ன பொருட்கள் கிடைக்கும் என்பதனை இந்த வழிகாட்டி கையேடுகளின் உதவியால் தெரிந்துகொள்ள இயலும்.
முன்பின் தெரியாத இடங்களில் பெண்கள் தங்கள் உள்ளுணர்வை நம்புவது நல்லது. குறிப்பிட்ட பகுதிகளில் பேசப்படும் மொழி நமக்கு புரியாமல் இருக்கலாம். ஆனால் ஒருவர் நட்பு முகம் காட்டுவது நன்மை செய்யவா அல்லது வேறுமாதிதியா என்பதனை உள்ளுணர்வு வெளிப்படுத்தும் அப்போதே அலர்ட் ஆகிவிடுங்கள்.
உங்களின் சுற்றுச்சூழல், உங்களை சுற்றியுள்ள நபர்கள் குறித்து கவனமாகயிருங்கள். அதற்காக எப்போதும் பீதியிலேயே இருக்கவேண்டும் என்றில்லை.ஆனால் மற்றவர்களின் ஒருவர் உங்கள் மீது கூடுதல் கவனம் செலுத்துகிறார் என்றாலோ, திரும்ப திரும்ப ஒரு முகம்ஆங்காங்கே தோன்றுகிறது என்றாலோ எச்சரிக்கையாகிவிடுங்கள்.
மக்கள் நடமாட்டம் இருக்கும் இடத்திலேயே பயணப்படுங்கள். இது பொதுவாக கூறப்படுவது தான் என்றாலும் இதுவே அதிகமாக புறக்கணிக்கப்படுகிறது. மக்கள் நடமாடும் பகுதிகளில் மக்களோடு மக்களாக கலந்துவிடலாம். ஆபத்தான நேரங்களில் ஏதேனும் உதவி தேவைப்பட்டாலும் கிடைக்கும்.
பெண்கள் தனியாக செல்வது த்ரில்லிங்காக இருக்கும்தான். ஆனால் சற்று தொலைதூரமான இடங்களுக்கு செல்லும் போது ஒரு துணை இருந்தால் நல்லது. ஏதாவது எதிர்பாராதசூழலில் மாட்டிக்கொண்டால்கூட துணை இருந்தால் சமாளிக்கலாம்.
சூட்கேஸ் மற்றும் பைகளில் உங்கள் முகவரியை எழுதுகிறிர்கள் என்றால் அது பளிச் சென்று தெரியும்படி இருக்கவேண்டாம். அத்துடன் சொந்த வீட்டு முகவரிக்குப் பதிலாக நீங்கள் பணிபுரியும் அலுவலக முகவரியை எழுதிவைக்கலாம். புதிய இடத்தில் நீங்கள் எங்கே தங்கியிருக்கிறீர்கள் என்று மற்றவர்களுக்கு தெரியவேண்டாம். முக்கியமானபொருட்களை விடுதியில் பாதுகாப்பிலேயே விட்டுச்செல்லுங்கள்.

சிறந்த தகவல் பகிர்விற்கு நன்றி

நல்ல தகவல் நன்றி