குடும்பங்களை இணைக்கும் மின்வெட்டு!

by **ahmad78** Mon 28 Jan 2013 - 15:34

நம்ம தோஸ்த் ஒருத்தரு, இங்க குவைத்ல குடும்பம்-குட்டிகளோட சந்தோசமா இருந்தாரு. திடீர்னு அவரோட தங்கமணிக்கு 'சொர்க்கமே என்றாலும், அது நம்மூரைப் போல வருமா?'ன்னு ஞானோதயம் வந்துச்சு.'ச்சீ..இதென்ன வாழ்க்கை..நாலு சுவத்துக்குள்ளயே குந்திக்கிட்டு..'ன்னு சொல்லிட்டு பிள்ளைகளைக் கூட்டிட்டுக் கிளம்பிடுச்சு.

போகும்போது, "மவனே(புருசனைத்தான்!), ஒழுங்கா வேலையை ரிசைன் பண்ணிட்டு, ஊருக்கு வர்ற வழியைப் பாரு..நம்ம ஊருல வேற வேலை பார்த்துக்கலாம்"-ன்னும் சொல்லிட்டுப் போயிருச்சு. நண்பரு ஒரு புராஜக்ட்ல பாதில இருந்ததால ரிசைன் பண்ண முடியலை.

அந்தம்மா போய்ட்டு ரெண்டு வாரம் கழிச்சு போஃன் பண்ணி, "ரிசைன் பண்ணியாச்சா, இல்லியா?"ன்னு மிரட்டுச்சு. அப்புறம் ரெண்டு வாரம் கழிச்சு "ஏங்க, ரிசைன் பண்ணிட்டிங்களா?"ன்னு கேட்டுச்சு. அப்புறம் ஒருவாரம் தான்..போன் பண்ணி "ஏங்க, ரிசைன் பண்ணிடலைல்ல?"ன்னு பரிதாபமாக் கேட்டுச்சு.

"ஏன்ம்மா?"-ன்னு கேட்டா, ஓ-ன்னு ஒரே அழுகை."இங்க ஒருநாளைக்கு 2 மணி நேரம் தாங்க கரண்ட் இருக்கு..ஒரு பேஃன் போட முடியலை. .மிக்ஸீல சட்னி அரைக்க முடியலை. பிள்ளைங்க தூங்கமுடியலை..மொத்தத்துல, முடியலை"ன்னுச்சாம்.

அப்புறம் என்ன, உடனே விசா எடுத்து இங்க வந்தாச்சு. குடும்பம் திரும்பி வந்ததுல நண்பருக்கு சந்தோசம்னாலும், ஒரே ஒரு வருத்தம். அந்த வருத்தம் தந்த குற்றவுணர்ச்சில மனுசனுக்கு தூக்கமே வரலை. அது என்னன்னா.....

போன சட்டமன்றத்தேர்தலப்போ, அவரு இங்க தான் இருந்தாரு. ஓட்டுப்போட ஊருக்குப் போகலை. 'இப்போ நம்ம குடும்பம் இணைஞ்சதுக்கு யாரு காரணம்? நம்மை ஆட்சி செய்ற இதயதெய்வம் புரட்சித்தலைவி நமது விடிவெள்ளி டாக்டர் அம்மா
அவர்கள் (ஸ்ஸ்..அப்பாடி!) தானே?..அவங்களுக்கு ஒரு ஓட்டுப்போடாம விட்டுட்டமே!'ன்னு தான் நண்பருக்குக் கவலை. அதனால அடுத்த தேர்தலப்போ எமர்ஜென்ஸி லீவுல போயாவது அம்மைக்குஓட்டுப் போடணும்னு முடிவு பண்ணியிருக்காரு.

இப்படியே ஒவ்வொரு வெளிநாடுவாழ் தமிழனும் முடிவு பண்ணிட்டா, அம்மாவை யாராலயும் அசைச்சுக்க முடியாது..அசைச்சுக்க முடியாது!
http://sengovi.blogspot.com/2013/01/blog-post_27.html