ஜப்பான் அரசு மேலும் ரூ. 107 மில்லியன் நிதி

by *சம்ஸ் Sat 9 Feb 2013 - 8:24

வடக்கு கண்ணிவெடி அகற்றல் நடவடிக்கை:

ஜப்பான் அரசு மேலும்
ரூ. 107 மில்லியன் நிதி

மகேஸ்வரன் பிரசாத்

வடபகுதியில் முன்னெடுக்கப்பட்டுவரும் கண்ணிவெடி அகற்றும் பணிகளுக்கு ஜப்பான்
அரசாங்கம் மேலும் 107 மில்லியன் ரூபாவை வழங்கியுள்ளது. கண்ணிவெடி அகற்றும் பணிகளில்
ஈடுபட்டிருக்கும் ஹலோடிரஸ்ட் அமைப்பின் ஊடாக இந்நிதியுதவி வழங்கப்படவிருப்பதாக
இலங்கைக்கான ஜப்பானியத் தூதுவர் நொபுஹிட்டோ ஹொபோ தெரிவித்தார்.
கண்ணிவெடிகள் அற்ற நாடாக இலங்கையை மாற்றும் அரசாங்கத்தின் நடவடிக்கைக்கு உதவும்
வகையிலேயே இந்நிதியுதவி வழங்கப்படவிருப்பதாக அவர் கூறினார். இந்நிதியுதவி தொடர்பில்
கைச்சாத்திடும் வைபவம் கொழும்பிலுள்ள ஜப்பானியத் தூதரகத்தில் நேற்று நடைபெற்றது.
2003 ஆம் ஆண்டிலிருந்து இதுவரை இலங்கையின் கண்ணிவெடி அகற்றும் பணிகளுக்காக ஜப்பான்
அரசாங்கம் 3,025 மில்லியன் ரூபாவை வழங்கியுள்ளது. ஜப்பானின் அடிமட்டத்திலான மனிதப்
பாதுகாப்புத் திட்டத்தின் வடக்கு, கிழக்கில் கண்ணிவெடி அகற்றும் பணிகளுக்கு இந்த
நிதியுதவி ஜப்பானால் வழங்கப்பட்டுள்ளது.
2001 ஆம் ஆண்டு முதல் யாழ்ப்பாணம், கிளிநொச்சி, திருகோணமலை மற்றும் முல்லைத்தீவு
ஆகிய பகுதிகளில் கடந்த 10 வருடங்களாக கண்ணிவெடி அகற்றும் பணிகளில் ஈடுபட்டு வருவதாக
ஹலோடிரஸ்ட் நிறுவனத்தின் திட்ட முகாமையாளர் பார்த்தலோமி டிக்பி தெரிவித்தார்.
ஜப்பானின் நிதியுதவியுடன் 660 ஹெக்டயர் நிலப்பரப்பில் கண்ணிவெடிகள்
அகற்றப்பட்டிருப்பதுடன் 23,000ற்கும் அதிகமான வெடிக்காத கண்ணிவெடிகள் அகற்றப்பட்டு
அழிக்கப்பட்டிருப்பதாக அவர் மேலும் தெரிவித்தார்.
ஜப்பான் அரசாங்கத்தின் இந்நிதி யுதவி தொடர்பான ஒப்பந்தத்தில் ஜப்பானியத் தூதுவர்
நொபுஹி ட்டோ ஹொபோ மற்றும் ஹலோ டிரஸ்ட் நிறுவனத்தின் திட்ட முகா மையாளர் பார்த்தலோமி
டிக்பி ஆகியோர் கைச்சாத்திட்டனர்.
நன்றி தினகரன்

by **rammalar** Sat 9 Feb 2013 - 8:34

ஜப்பான் அரசு மேலும் ரூ. 107 மில்லியன் நிதி

ஜப்பான் அரசு மேலும் ரூ. 107 மில்லியன் நிதி

Re: ஜப்பான் அரசு மேலும் ரூ. 107 மில்லியன் நிதி