5000 மெ.தொ டீசலுடன் கப்பலை திருப்பியனுப்பியது இலங்கை

தரக்குறைவான டீசல் இறக்குமதி:

5000 மெ.தொ டீசலுடன் கப்பலை திருப்பியனுப்பியது இலங்கை



ஐ.ஓ.சி. நிறுவனம் சிங்கப்பூரிலிருந்து இறக்குமதி; பரிசோதனையின் பின் நிராகரிப்பு




எம்.எஸ். பாஹிம்

இலங்கைக்கு தருவிக்கப்பட்ட தரக்குறைவான ஐயாயிரம் மெற்றிக் தொன் டீசல் அடங்கிய கப்பலை
திருப்பி அனுப்ப பெற்றோலிய வள அமைச்சு நடவடிக்கை எடுத்துள்ளது. எல்.ஐ.ஓ.சி.

(லங்கா
இந்தியன் ஒயில் கம்பனி) நிறுவனம் சிங்கப்பூரில் இருந்து தருவித்திருந்த டீசலே உரிய
தரத்தில் இல்லாததால் திருப்பி அனுப்பப்பட்டதாக பெற்றோலிய வள அமைச்சு கூறியது.
கடந்த வெள்ளியன்று மேற்படி எண்ணெய் கப்பல் இலங்கையை வந்தடைந்தது. கப்பலில் உள்ள
டீசல் இறக்கப்படுவதற்கு முன்னர் அதன் மாதிரிகள் பரிசோதனைக்குட்படுத்தப் பட்டதாக
எண்ணெய் சுத்திகரிப்பு கம்பனி தெரிவித்தது.
இவை சபுகஸ்கந்த எண்ணெய் சுத்தி கரிப்பு ஆய்வு கூடத்திலும் கொலன்னாவ ஆய்வு
கூடத்திலும் பரிசோதனைக் குட்படுத்தப்பட்டன.

அவை உரிய தரத் திற்கமைவாக இருக்கவில்லை
என்பது பரிசோதனையின் போது கண்டுபிடிக் கப்பட்டது. இதனையடுத்து 5 ஆயிரம் மெற்றிக்
தொன் டீசலும் நிராகரிக் கப்பட்டதாக பெற்றோலிய வள அமைச்சு கூறியது. இது குறித்து
இந்தியன் ஒயில் கம்பனிக்கும் அறிவிக்கப்பட்டது.
பரிசோதனையின் மூலம் தாம் கொள்வனவு செய்த டீசல் நிராகரிக்கப் பட்டதையடுத்து அவற்றை
மீள சிங்கப்பூருக்கு அனுப்ப முடிவு செய்துள்ளதாக எல்.ஐ.ஓ.சி. நிறுவனம்
அறிவித்துள்ளது.

குறித்த டீசலில் ஒரு துளி கூட இங்கு இறக்கப் படவில்லை எனவும்
குறித்த கப்பலுக்கு திரும்பி செல்ல அறிவித்தல் வழங்கியுள்ள தாகவும் எல்.ஐ.ஓ.சி.
கம்பனி இலங்கை பணிப்பாளர் சுபோத் பக்வாதி தெரிவித்தார்.
கடந்த காலங்களில் தரம் குறைவான எரிபொருள் இறக்குமதி தொடர்பில் பல்வேறு சர்ச்சை
ஏற்பட்டதோடு வாகனங்களிலும் கோளாறு ஏற்பட்டது.

இந்த நிலையில் இலங்கைக்கு எரிபொருள்
இறக்குமதி செய்யும் போது குறித்த நாட்டில் வைத்தும் இலங்கையில் எரிபொருளை இறக்க
முன்னரும் எரிபொருள் மாதிரிகளை பரீட்சிக்க நடவடிக்கை எடுக்கப்பட்டு வருகிறது.
எக்காரணம் கொண்டும் தரம் குறைந்த எரிபொருட்களை தருவிக்க இடமளிக்கப் போவதில்லையென
பெற்றோலிய வள அமைச்சு கூறியது.
நன்றி தினகரன்

:!+: :!+: