வட கொரியா வெடித்த அணுகுண்டு!

by **Muthumohamed** Tue 12 Feb 2013 - 21:32

சற்று முன் வட கொரியா வெடித்த அணுகுண்டு! அமெரிக்கா: நள்ளிரவு, ஐரோப்பா: அதிகாலை !!

வட கொரியாவில் இன்று காலை ஏற்பட்ட 4.9 புள்ளிகள் ரிக்டர் அளவுள்ள நில அதிர்வு, நிஜ
நில அதிர்வல்ல, நிலத்துக்கு அடியே செய்யப்பட்ட அணுகுண்டு சோதனை என்பது
கிட்டத்தட்ட நிச்சயமாகியுள்ளது. அமெரிக்கா மற்றும் ஐரோப்பிய நாடுகளின்
கடும் பொருளாதார கட்டுப்பாடுகளையும் மீறி இந்தச் சோதனையை வட கொரியா
நடத்தியுள்ளது.

இன்று காலை வட கொரிய நேரம் 11:57 மணிக்கு இந்த சோதனை நடத்தப்பட்டது.

இந்த அணு குண்டு வெடிப்பால் ஏற்பட்ட அதிர்வை உலகெங்கும் உள்ள நில அதிர்வு
மையங்கள் பதிவு செய்தன. இதனால் வட கொரியாவில் நிலநடுக்கம் ஏற்பட்டதாக
முதலில் கருதப்பட்டது. பின்னர் இது அணு குண்டு சோதனை என்பது
ஊகிக்கப்பட்டது.

தற்போது, தென் கொரியாவின் யொன்-ஹாப் நியூஸ் ஏஜென்சி அனுப்பியுள்ள நியூஸ் ஒயரில், வேறு ஒரு தகவல் குறிப்பிடப்பட்டுள்ளது.

“தம்மை வெளிக்காட்டிக் கொள்ளாத தென் கொரிய ராஜதந்திரி ஒருவரின்
கூற்றுப்படி, இன்று நிலத்துக்கு அடியில் 1 கி.மீ. ஆழத்தில் அணுகுண்டு
வெடிக்க வைக்கப்படும் என்ற தகவலை வடகொரியா, சீனாவுக்கும்,
அமெரிக்காவுக்கும் தெரியப்படுத்திவிட்டே இன்று காலை அணுகுண்டை வெடிக்க
வைத்தது. நேற்று (திங்கட்கிழமை) இந்த விபரம் பீய்ஜிங், மற்றும்
வாஷிங்டனுக்கு தெரிவிக்கப்பட்டது. ஆனால், அவர்கள் யாரும் மூச்சு விடவில்லை”
என்கிறது, யொன்-ஹாப் நியூஸ் ஏஜென்சி அனுப்பியுள்ள நியூஸ் ஒயர்.

தென்கொரிய பாதுகாப்பு அமைச்சு, இன்று காலை நடத்தப்பட்ட அணுகுண்டு வெடிப்பு
10 கிலோடன் அல்லது அதைவிட வீரியமான குண்டாக இருக்கலாம் என ஊகம்
வெளியிட்டுள்ளது.

குண்டு வெடிப்பு நடந்து தற்போது ஒன்றரை
மணிநேரம்தான் ஆகிறது. வாஷிங்டனில் தற்போது நள்ளிரவு. ஐரோப்பாவில் அதிகாலை.
எனவே இந்த குண்டு வெடிப்பு இன்னும் சிறிது நேரத்தில் உலக அளவில்
பரபரப்பாகிவிடும்.

மேலேயுள்ள போட்டோவில், குண்டு வெடிப்பு நடந்த
நேரத்தில் வெறிச்சோடிய நிலையில் உள்ள தலைநகர் யொங்யாங். கீழேயுள்ள
போட்டோவில் குண்டு வெடிப்பு நடத்தப்பட்ட இடம், வட ஹம்க்யொங்.

நன்றி
விறுவிறுப்பு தளம்

by **ansar hayath** Wed 13 Feb 2013 - 0:14

:cheers:

வட கொரியா வெடித்த அணுகுண்டு!

வட கொரியா வெடித்த அணுகுண்டு!

Re: வட கொரியா வெடித்த அணுகுண்டு!