கஜகஸ்தானில் 15 வயது சிறுவன் கர்ப்பம்: மருத்துவ பரிசோதனை குளறுபடியால் பெற்றோர் வழக்கு

by *சம்ஸ் Sun 17 Feb 2013 - 7:55

மாஸ்கோ, பிப். 16-

கஜகஸ்தானின் அக்டோப் நகரில் உள்ள ஒரு மருத்துவமனைக்கு பெய்ஸான் அல்டாஷேவ்
என்ற 15 வயது சிறுவன் கிட்னி பிரச்சினைக்காக சென்றுள்ளான். அப்போது
அவனுக்கு மருத்துவ பரிசோதனை செய்த டாக்டர்கள், அவனது வயிற்றில் கரு
இருப்பதாக உறுதி செய்து மருந்துகளையும் பரிந்துரைத்துள்ளனர். இதற்காக 50
ஆயிரம் டெங்க் (330 டாலர்) பில் போட்டுள்ளனர். ஆனால் பெய்ஸான் உண்மையில்
கர்ப்பமாக இல்லை.

தவறான மருத்துவ பரிசோதனை அறிக்கையுடன் டிஸ்சார்ஜ் செய்யப்பட்ட சிறுவன்,
அந்த மருத்துவமனையில் கொடுக்கப்பட்ட மருந்துகளை சாப்பிட்டுள்ளான். இதனால்
அலர்ஜி ஏற்பட்டுள்ளது. மருத்துவமனைக்கு சென்று விசாரித்தபோது, பரிசோதனையில்
குளறுபடி நடந்திருப்பது தெரியவந்தது. டாக்டர்களின் அதிகப்படியான
வேலைப்பளுவினால் இந்த தவறு நடந்திருப்பதாக மருத்துவமனை நிர்வாகம் விளக்கம்
அளித்துள்ளது.

இந்த விளக்கம் திருப்தி அளிக்காததால் சிறுவன் அல்டாஷேவ் சார்பில்
மருத்துவமனை மீது வழக்கு தொடரப்பட்டது. அதில், 10 மில்லியன் டெங்க் (66
ஆயிரம் டாலர்) இழப்பீடு அளிக்க வேண்டும் என்று வலியுறுத்தப்பட்டிருந்தது.
ஆனால் இதனை கோர்ட் ஏற்க மறுத்ததுடன் அவர் கேட்ட தொகையையும் குறைத்தது. இதனை
எதிர்த்து மேல்முறையீடு செய்யப்போவதாகவும், நடந்த மோசடிக்கு 50 ஆயிரம்
டெங்க் வழங்க வேண்டும் என்றும் அல்டாஷேவின் குடும்ப உறுப்பினர் ஒருவர்
கூறுகிறார்.

மாலைமலர்