16 வயது சிறுவன் மீது கொலை வழக்கு பதிவு

by **நண்பன்** Thu 18 Aug 2011 - 5:02

லண்டன் கலவரம் தொடர்பாக
16 வயது சிறுவன் மீது கொலை வழக்கு பதிவு
லண்டன் கலவரத்தில் தொடர்புடையதாக 16 வயது சிறுவன் பொலிசாரால் கைது செய்யப்பட்டுள்ளான். இவன் மீது கொலை வழக்கும் பதிவு செய்யப்பட்டுள்ளது.

பிரிட்டன் தலைநகர் லண்டனில் கடந்த 8ஆம் திகதியன்று சமூகவிரோதி ஒருவனை பொலிசார் சுட்டுக் கொன்றனர். இதனால் ஆத்திரமடைந்த பொதுமக்கள் பொலிசாருக்கு எதிராக ஆர்ப்பாட்டம் நடத்தினர்.

இதனால் லண்டன் நகர் முழுவதும் பெரும் கலவரம் ஏற்பட்டது. இந்த கலவரம் தொடர்பாக 3 ஆயிரம் பேர் கைது செய்யப்பட்டனர். ஆயிரத்து 200 க்கும் மேற்பட்டோர் மீது வழக்குப் பதிவு செய்யப்பட்டது.

இந்நிலையில் கலவரத்தின் போது கண்காணிப்பு கேமிராவில் பதிவு செய்யப்பட்ட காட்சியினை வைத்து 68 வயது முதியவர் ஒருவரை 16 வயது சிறுவன் அடித்து கொன்றதாக அவன் மீது பொலிசார் வழக்குப்பதிவு செய்துள்ளனர்.

மேற்கு லண்டனில் இலாயிங் தெருவில் 68 வயதுடைய ரிச்சர்ட் பவுஸ் என்பவர் தெருவோரம் படுத்துக் கொண்டிருந்தார். அப்போது அங்கு வந்த அந்தச் சிறுவன் முதியவரை சரமாரியாக தாக்கியுள்ளான்.

இதில் தலையில் காயமடைந்த முதியவர் அதே இடத்தில் இறந்தார். இதனை கண்காணிப்பு வீடியோ காட்டி கொடுத்ததாக அந்த சிறுவன் கைது செய்யப்பட்டு அவன்மீது கொலை வழக்குப்பதிவு செய்யப்பட்டு பின்னர் அவன் நீதிமன்றத்தில் ஆஜர்படுத்தப்பட்டான்.