மகளிர் உலகக் கிண்ணம் : 6ஆவது தடவையாக ஆஸி.வசம்

மகளிர் உலகக் கிண்ண இறுதிப் போட்டியில் மேற்கிந்தியத் தீவுகள் அணியை 114 ஓட்டங்களால் வீழ்த்திய அவுஸ்திரேலிய அணி 6ஆவது தடவையாக கிண்ணத்தைக் கைப்பற்றியது.



சர்வதேச கிரிக்கெட் கவுன்சில் (ஐ.சி.சி.,) சார்பில், மகளிருக்கான 10ஆவது உலகக் கிண்ண (50 ஓவர்) கிரிக்கெட் தொடர் மும்பை மற்றும் கட்டாக் நகரில் நடைபெற்றது. லீக் மற்றும் சுப்பர்-6 சுற்றில் அசத்திய அவுஸ்திரேலிய, மேற்கிந்தியத் தீவு அணி ஆகியன இறுதிப் போட்டிக்கு முன்னேறின.



நேற்று, மும்பையில் நடந்த இறுதிப்போட்டியில் நாணயச் சுழற்சியில் வெற்றிபெற்ற அவுஸ்திரேலிய அணி துடுப்பாட்டத்தை தெரிவு செய்தது.

இந்நிலையில் முதலில் துடுப்பெடுத்தாடிய அவுஸ்திரேலிய அணிக்கு மேக் லனிங், ஹெய்ன்ஸ் ஜோடி நல்ல ஆரம்பத்தினை கொடுத்தது. முதல் விக்கெட்டுக்காக இந்த ஜோடி 52 ஓட்டங்களை எடுத்த போது லனிங் 31 ஓட்டங்களுடன் ஆட்டமிழந்தார். பொறுப்பாக ஆடிய ஹெய்ன்ஸ் (52) அரைச்சதம் கடந்தார். அடுத்து வந்த பிளக்வெல் 3, லிசா ஸ்தலிகர் 12 ஏமாற்றினர். அபாரமாக ஆடிய ஜெஸ் கேமிரன், அரைச்சதம் அடித்தார். இவர், 75 ஓட்ங்களைப் பெற்று ஆட்டமிழந்தார்.
அணித் தலைவர் பீல்ட்ஸ் ஆட்டமிழக்காது 36 ஓட்டங்களை பெற்றுக்கொடுக்க அவுஸ்திரேலிய அணி 50 ஓவர்கள் நிறைவில் 7 விக்கெட்டுகளை இழந்து 259 ஓட்டங்களைப் பெற்றது.



மேற்கிந்திய அணி சார்பில் குயின்டைன் 3 விக்கெட் வீழ்த்தினார்.



சவாலான 260 என்ற வெற்றி இலக்கை விரட்டிய மேற்கிந்தியத் தீவுகள் அணிக்கு கிசியா நைட் 17, நடாஷா மெக்லீன் 13 ஏமாற்றினர். அடுத்து வந்த ஸ்டபனி டெய்லர் 5 நிலைக்கவில்லை. கிஷானா நைட் 21, அணித் தலைவர் மெரிசா 23, டட்டின் 22, கேம்ப்பெல்லி 11 ஆகியோர் பெரிய அளவில் சோபிக்கவில்லை. ஏனைய வீராங்கனைகள் ஏமாற்ற, மேற்கிந்தியத் தீவுகள் அணி 43.1 ஓவரில் அனைத்து விக்கெட்டுகளையும் இழந்து 145 ஓட்டங்களைப் பெற்று 114 ஓட்டங்களால் தோல்வி அடைந்தது.



அவுஸ்திரேலிய அணி சார்பில் எலிசி பெர்ரி 3 விக்கெட் கைப்பற்றினார்.

ஆட்ட நாயகியாக அவுஸ்திரேலியாவின் ஜெஸ் கமிரனும் தொடர் ஆட்ட நாயகியாக நியூசிலாந்தின் சுஜி பேட்சும் தெரிவு செய்யப்பட்டனர்.

:) :) :)

வாழ்த்துக்கள் :flower: :flower: :flower:

ஆஸ்திரேலியா அணிக்கு எனது வாழ்த்துக்கள்

மீனு wrote: :) :) :)

சிரிப்பழகி ... :bball: