புதிய டைட்டானிக் கப்பலில் பயணம் செய்ய மக்கள் ஆர்வம்!

by **Muthumohamed** Wed 20 Feb 2013 - 9:02

டைட்டானிக் கப்பலைப் போலவே மீண்டும் கட்டப்பட்டு வரும் புதிய கப்பலில்
முதல் பயணத்தை மேற்கொள்ள ஏராளமானோர் ஆர்வம்
தெரிவித்துள்ளனர்.அந்த
காலத்தில் மிக பிரம்மாண்டமாக கட்டப்பட்ட டைட்டானிக் கப்பல், தன்னுடைய முதல்
பயணத்திலேயே பனிப்பாறையின் மீது மோதி 1912ம் ஆண்டு ஏப்ரல் 15ல் வடக்கு
அட்லாண்டிக் கடலில் மூழ்கியது. அதில் பயணம் செய்தவர்களில் 1,500 பேர் வரை
கடலில் மூழ்கி இறந்தனர்.இதை கதையாக கொண்டு திரைப்படம் தயாரிக்கப்பட்டது.
அதை ஹாலிவுட் இயக்குநர் ஜேம்ஸ் கேமரூன் இயக்கினார்.

இந்த திரைப்படம் உலகம் முழுவதும் சக்கைப்போடு போட்டது. இதன் மூலம்தான்
டைட்டானிக் கப்பல் பற்றி உலகம் முழுவதும் தெரிய வந்தது.இந்நிலையில்,
ஆஸ்திரேலியாவைச் சேர்ந்த கோடீஸ்வரர் கிளைவ் பால்மர், டைட்டானிக் கப்பலை
போன்றே பிரம்மாண்டமான
2வது கப்பலை கட்டி வருகிறார்.

சீனாவில் இது கட்டப்பட்டு வருகிறது. டைட்டானிக் தாய் கப்பலை போலவே,
டைட்டானிக்-2 கப்பல் 270 மீட்டர் நீளம், 53 மீட்டர் உயரம், 40,000 டன்
எடையை கொண்டிருக்கும். மேலும், இதில் 840 அறைகளும், 9 தளங்களும், முதல்,
2வது மற்றும் 3வது வகுப்புகளையும் கொண்டிருக்கும். இன்னும் 4 ஆண்டுகளில்
இங்கிலாந்தில் இருந்து நியூயார்க்குக்கு தனது முதல் பயணத்தை மேற்கொள்ளும்
என்று பால்மர் கூறியுள்ளார்.இந்நிலையில், புதிய கப்பலில் முதல் பயணத்தை
மேற்கொள்ள ஏராளமானோர் ஆர்வம் தெரிவித்துள்ளனர்.

கிளைவ் பால்மரின் பிரதிநிதி ஒருவர் கூறுகையில், உலகம் முழுவதும் இருந்து
இந்த கப்பல் குறித்து பலர் விசாரித்து வருகின்றனர். 2016ம் ஆண்டில் இந்த
கப்பலின் முதல் பயணத்தில் பங்கேற்க பலர் ரூ.5.4 கோடி அல்லது அதற்கு மேல்
கூட செலவு செய்ய தயார் என்று தெரிவித்துள்ளனர் என்றார்.

kaarthik