சோனி எரிக்சன் கே 660ஐ

by **ஹம்னா** Mon 31 Jan 2011 - 14:08

சோனி எரிக்சன் கே 660ஐ
சந்தைக்கு புதுசு
ரூ. பத்தாயிரத்திற்கும் குறைவான விலையில் ஏதாவது ஒரு மாடலை வெளியிட்டே ஆக வேண்டிய சூழ்நிலையில் அனைத்து மொபைல் நிறுவனங்களும் உள்ளன. இந்திய நடுத்தர மக்களின் மொபைல் ஆசைகள் மற்றும் எதிர்பார்ப்புகளை ஈடு செய்திட இந்த அளவிலான விலையில் கட்டாயமாக ஒரு போன் மாடல் ஒவ்வொரு மாதமும் வருகிறது. அவ்வகையில் சென்ற மே மாதம் முதல் வாரத்தில் சோனியால் அறிமுகப்படுத்தப்பட்ட மொபைல் போன் கே 660ஐ ஆகும்.

கேண்டி பார் வடிவமைப்பில் 95 கிராம் எடையில் 15 மிமீ தடிமனில் இந்த போன் உருவாக்கப்பட்டுள்ளது. ஸூம் வசதியுடன் கூடிய 2 எம்பி கேமரா வீடியோ ரெகார்டிங் வசதியுடன் தரப்பட்டுள்ளது. எஸ்.எம்.எஸ்., எம்.எம்.எஸ்., மியூசிக் பிளேயர், எப்.எம். ரேடியோ, எட்ஜ் மற்றும் ஜாவா தொழில்நுட்பம் தரப்பட்டுள்ளன.

உள்ளங்கையில் அடங்கும் அளவில் உள்ள இதன் ஸ்கிரீன் 2 அங்குல அகலத்தில் 320 து 240 ரெசல்யூசன் கொண்டது. முழு கீ பேடும் நன்றாக ஒளியில் இருப்பதால் இரவில் கூட எழுத்துக்கள் நன்றாகத் தெரிகின்றன. இது குறைந்த விலைக்கு கிடைத்தாலும் உயர்ந்த விலையில் இயங்கும் போன்களில் உள்ள மொபைல் பிராசசர் இதில் தரப்பட்டுள்ளது. இதில் தரப்பட்டுள்ள கூகுள் மேப் மூலம் ஜி.பி.எஸ். வசதியினை மேற்கொண்டு தகவல்கள் பெறலாம். புளு டூத் மூலம் சாட்டலைட் தொடர்பினை ஏற்படுத்திக் கொடுக்கிறது. மீடியா மேனேஜர் என்னும் புதிய அப்ளிகேஷன் தரப்பட்டுள்ளது.

மியூசிக் பிளேயர் மற்றும் எப்.எம். ரேடியோக்கள் மிகத் துல்லிதமாக ஒலியைத் தருகின்றன. இது ஒரு 3 ஜி வகை போன் என்பதுவும் இங்கு குறிப்பிடத்தக்கது. இன்றைக்கு மார்க்கட்டில் பரபரப்பாக விற்பனை ஆகும் போன்களில் சிறந்த தோற்றம் கொண்ட போனாக இது விளங்குகிறது. பிளாஸ்டிக் பாடியில் மெட்டல் ஓரக் கவரிங் கொடுத்து தோற்றம் தரப்பட்டுள்ளது. வெள்ளை மற்றும் எலுமிச்சை நிறம் கலந்தும் கருப்பில் இளஞ்சிகப்பு கலந்தும் இரு வண்ணக் கலவையில் அழகாக இவை வடிவமைக்கப்பட்டுள்ளன.இதன் விலை ரூ.9,903 என குறியிடப்பட்டுள்ளது.

மொபைல் போன் டிவி

தொலைபேசி பொதுத்துறை நிறுவனமான எம்.டி.என்.எல். நிறுவனம் (Mahanagar Telephone Nigam) இந்த மாதத்தில் மொபைல் டிவியினை அறிமுகப்படுத்த இருக்கிறது. முதலில் 21 டிவி சேனல்களை பார்க்கலாம். மொபைல் தொழில் நுட்பத்தில் அடுத்த முன்னேற்றம் மொபைல் டிவிதான். இதில் பொதுத்துறை நிறுவனம் முந்திக் கொள்கிறது என்பது மகிழ்ச்சிக்குரியதே. இதனைப் பின்பற்றி நம் ஊர் பி.எஸ்.என். எல். நிறுவனமும் இந்த வசதியினைத் தன் வாடிக்கையாளர்களுக்குத் தரும் என்று எதிர்பார்க்கலாம். இன்னும் இதற்கான கட்டணம் மற்ற நடைமுறைகளை எம்.டி. என்.எல். அறிவிக்கவில்லை. சற்று காத்திருக்கத்தான் வேண்டும்.

by **நண்பன்** Mon 31 Jan 2011 - 17:56

:!+: :!+:

சோனி எரிக்சன் கே 660ஐ

சோனி எரிக்சன் கே 660ஐ

Re: சோனி எரிக்சன் கே 660ஐ