பழத்தின் தோலைத் தின்றவனுக்கு சவுக்கடி…

by **rammalar** Sat 2 Mar 2013 - 16:58

அரசனும் அரசியும் அரண்மனை மாடத்திலிருந்து சாப்பிட்டுப்
போடும் பழங்களின் தோல்களை, தெருவில் சென்ற ஒருவன்
எடுத்துச் சாப்பிட்டான். அதைப் பார்த்த அரசனுக்குக் கடும்கோபம்
வந்துவிட்டது.

அரண்மனைக் காவலர்களிடம், “”அவனைப் பிடித்துச் சவுக்கால்
அடியுங்கள்” என்று உத்தரவிட்டான்.

அரண்மனைக் காவலர்கள் அந்த மனிதனைப் பிடித்து இழுத்து
வந்து சவுக்கால் அடித்தனர்.

அடிவாங்கிய அந்த மனிதன் வலியால் துடிப்பதற்குப் பதிலாக,
சத்தமாகச் சிரிக்கத் தொடங்கினான்.

அரசனுக்குக் கோபம் அதிகமானது. “”ஏன் சிரிக்கிறாய்?” என்று
கோபத்துடன் கத்தினான்.

அந்த மனிதன் சொன்னான்: “”இந்த நாட்டில் பழத்தின் தோலைத்
தின்றால் சவுக்கடி தண்டனையாகக் கிடைக்கும் என்றால்,
பழத்தைத் தின்றவர்களுக்கு எல்லாம் என்ன தண்டனை கிடைக்கும்
என்று நினைத்தேன். சிரிப்பு வந்துவிட்டது”
-
அரசன் சிந்திக்க தொடங்கினான்..!
-
====================================