வெனிசுவெலா இராஜதந்திரிகள் அமெரிக்காவிலிருந்து வெளியேற்றம்

by **நண்பன்** Wed 13 Mar 2013 - 9:27

அமெரிக்க இராஜதந்திரிகள் வெளியேற்றப்பட்டதற்கு பதிலடியாக இரு வெனிசுவெலா இராஜதந்திரிகளை அமெரிக்கா வெளியேற்றியுள்ளது.

மரணமடைந்த வெனிசுவெலா ஜனாதிபதி ஹ¥கோ சாவெஸின் இறுதிச் சடங்குகள் நிறைவடைந்து அடுத்த தினத்தில் இரு இராஜதந்திரி களையும் நாட்டைவிட்டு வெளியேற உத்தரவிடப்பட்டதாக அமெரிக்க அரசு திங்கட்கிழமை அறிவித்தது. எனினும் கடந்த 2010ஆம் ஆண்டு தொடக்கம் இரு நாடுகளும் தூதுவர்களை வைத்துக்கொள்ளவில்லை.

ஆனால் வொஷிங்டன் தூதரகத்தில் இருக்கும் வெனிசுவெலாவின் இரண்டாம் நிலை செயலாளர் ஒர்லன்டோ ஜோஸ் மற்றும் நியூயோர்க் துணைத் தூதரக அதிகாரி விக்டர் கமகரோ ஆகியோர் கடந்த ஞாயிற்றுக்கிழமை அமெரிக்காவிலிருந்து வெளியேற்றப்பட்டுள்ளனர். முன்னர் சாவெஸ் மரணமடைந்ததாக அறிவிக்கப் பட்டதைத் தொடர்ந்து வெனிசுவெலா அரசு அங்கிருக்கும் இரு இராஜதந்திரிகளை வெளியேற்றியது. இவர்கள் நாட்டை குழப்ப முயற்சிப்பதாக வெனிசுவெலா இடைக்கால ஜனாதிபதி நிகொலஸ் மடுரோ குற்றம்சாட்டினார்.