சம்பள பாக்கியை தராவிட்டால் ஐ.பி.எல். போட்டிகளை நடக்கவிடமாட்டோம்: கிங் பிஷர் ஊழியர்கள் ஆவேசம்

புதுடெல்லி, மார்ச் 21,

கர்நாடகாவின் பெரும் தொழிலதிபர் விஜய் மல்லையாவின் தொழில் முகங்களில் ஒன்று கிங்பிஷர் ஏர்லைன்ஸ். ஆனால் இதில் ஏற்பட்ட பொருளாதார பிரச்சினைகளால் ஆட்குறைப்பு செய்யப்பட்டு மற்ற ஊழியர்களுக்கும் பத்து மாதங்களாக சம்பளம் தரப்படவில்லை.

இவர் பெங்களுர் ராயல் சாலஞ்சர்ஸ் என்ற கிரிக்கெட் அணியினையும் நடத்தி வருகிறார். இந்த விளையாட்டு வீரர்கள் அதிகப்படியான ஏலத்தொகை மூலம் அணியில் இடம்பெறுகிறார்கள். இவர்கள் பங்குபெறும் ஐ.பி.எல்.-6 கிரிக்கெட் போட்டி அடுத்த மாதம் துவங்க இருக்கிறது.

தங்களுக்கு சம்பள பாக்கி வராததினால் வெறுப்படைந்த ஏர்லைன்ஸ் ஊழியர்கள், விஜய் மல்லையா மீது நடவடிக்கை எடுக்குமாறு அரசிடம் முறையிட்டுள்ளனர். பணத்தைத் தராவிட்டால், மல்லையாவின் அணி பங்குபெறும் ஐ பி எல் போட்டிகளை நடத்த விடமாட்டோம் என்று கூறுகின்றனர்.

பார்முலா 1 என்ற பிரபலமான கார் பந்தயத்தைப்போல் மல்லையா இந்தியாவில் நடத்தியபோது, இதேபோல் அச்சுறுத்தியதால் தங்களுக்கு ஒரு மாத சம்பளம் வந்தது. மேலும் மீதித்தொகை தவணைகளில் செலுத்தப்படும் என்ற உறுதிமொழியும் அளிக்கப்பட்டது. ஆனால் இதுவரை எதுவும் நடக்கவில்லை.

அதனால் ராயல் சாலஞ்சர்ஸ் பெங்களூர் அணி விளையாடும் இடங்களில் நாங்கள் மறியல் செய்வோம் என்று மிஸ்ரா என்ற ஊழியர் கூறினார். மேலும், இந்த அணியின் வீரர்களையும் போட்டிகளில் பங்கு கொள்ளவேண்டாமென்று கிங் பிஷர் ஊழியர்கள் கேட்டுக்கொண்டுள்ளனர்.

கிரிக்கெட் வாரியத்திடமும் மல்லையாவின் அணி தடைசெய்யப்படவேண்டும் என்ற கோரிக்கையை வைத்துள்ளனர். இதுமட்டுமில்லாமல், அரசாங்கமும் தலையிட்டு தங்கள் பிரச்சினையைத் தீர்க்கவேண்டும் என்றும், இதுபோல் சம்பளதாரர்களுக்கு பொருளாதார பிரச்சினைகள் வராமல் தடுக்க தொழில் நிறுவனங்களின் மீது கடுமையான கட்டுப்பாடுகளைக் கொண்டுவரவேண்டும் என்றும் வேண்டுகோள் விடுத்துள்ளனர் இந்தப்பிரச்சினையை விரைவில் தீர்க்கக்கோரி இந்திய ஜனாதிபதி, பிரதமர், தலைமை நீதிபதி, சோனியா காந்தி, விமானத்துறை அமைச்சர் அஜித் சிங் மற்றும் நிர்வாக இயக்குனர் அருண் மிஸ்ரா ஆகிய அனைவருக்கும் கடிதம் எழுதியுள்ளனர்.

உங்களின் இந்த போராட்டம் வெற்றி அடையட்டும் வாழ்த்துக்கள்

இந்த மாதிரி உள்ள தொழில் அதிபர்களை இந்திய அரசாங்கம் கண்டிப்பதில்லை மாறாக அவர்களை ஊக்குவிக்கிறது எதற்கென்றால் அவர்களின் பணத்திற்காக `# #.