மை!

by **Muthumohamed** Sat 23 Mar 2013 - 14:31

தமிழினில் உள்ளது பற்பல மை - நாம்

தெரிந்திட வேண்டும் அதன்மகிமை

அமிழ்தென பேச்சினில் நல்இனிமை - கொண்டு

அகிலத்தை வென்றால் தனிப்பெருமை

கோபத்தை ஒழித்து உயர்பொறுமை - தனை

கைக்கொண்டு வாழ்தல் அறிவுடைமை

பாவத்தைச் செய்வது பெரும் மடைமை - என்றும்

பண்பற்ற வாழ்வில் வரும் சிறுமை

உயிர்களைக் கொல்லுதல் மிகக் கொடுமை - எல்லா

உயிரையும் நேசித்தல் இரக்கத் தன்மை

கயவரையும் மன்னித்தல் அதுமேன்மை - கற்ற

கல்விக்கு அழகு பணிவுடைமை

பெரியோரை மதித்தல் பண்புடைமை - அதை

பின்பற்றுதல் என்றும் நம்கடமை

வறியவர்க்கு ஈதல் அருளுடைமை - நல்ல

வாழ்க்கைக்கு அழகு மிக எளிமை!

சிறுவர் மணி