ஒருமுறையேனும் ...?

மூச்சுக்கு முன்னூறு முறை

என் தாய் என் தந்தை என்றாய்

அவர்கள் தேவை என்ன என்பதை மறந்தாய்

நீ பிறக்கையில் ஆயிரம் கனவுகள்

நீ வளர்கையில் ஆயிரம் கற்பனைகள்

நீ ஆளாகையில் ஆயிரம் எதிர்பார்ப்புகள்

ஆனாலும் அனைத்தையும் உனக்காக மறைத்தார்

உன் குழந்தை பருவத்தில்

உனக்காக தங்களை பிரித்தார்

உன் பள்ளிப் பருவத்தில்

உனக்காக தங்கள் உணர்வுகளை இழந்தார்

உன் இளமைப் பருவத்தில்

உனக்காக தங்கள் எண்ணங்களை ஒளித்தார்

உன் வாழ்க்கை ஆரம்பத்தில்

உனக்காக தங்களையே ஒழித்தார் ...



என் பிள்ளை இதை படித்தால் நன்றாய் இருக்கும் என்றார்

எனக்கு அதில் விருப்பம் இல்லை என்றாய்

என் பிள்ளை இவரை மணந்தால் சுகமாக இருப்பார் என எண்ணினார்

இவர் தான் என் வாழ்க்கை என தனித்து நின்றாய் ...



எண்ணிப் பார்த்தாயா ?

பெற்றோர் விருப்பம் அறிந்தாயா ?

அவர் ஆசை பூர்த்தி செய்தாயா ?

பெற்றோர் மட்டும் தான் விட்டுக் கொடுக்க வேண்டுமா ?

பிள்ளை நாம் அதை செய்தோமா ?

இனியாவது செய்வோமா ...?



உனக்கென்று கனவுகள் உண்டு

அதை அடைய லட்சியம் உண்டு

தவறில்லை - ஆனால்

உனக்கு முன்பே உனக்காக

கனவு கண்டவரை கண்டுகொண்டாயா ?



உன்னை நோக்கிய எதிர்பார்ப்புகள்

ஈடேரா பழைய வார்ப்புகள்

சோகத்தையும் சுகமாய் மாற்றி

உனக்காய் வாழ்ந்தவருக்கு வெறும்

உண்ண உணவு உடுத்த உடை

இருக்க இருப்பிடம் மட்டும் போதுமா

ஒருமுறையேனும் அவர் ஆசைக்காக வாழ்வோமா ...?


பூர்ணகுரு

Muthumohamed wrote:


எண்ணிப் பார்த்தாயா ?

பெற்றோர் விருப்பம் அறிந்தாயா ?

அவர் ஆசை பூர்த்தி செய்தாயா ?

பெற்றோர் மட்டும் தான் விட்டுக் கொடுக்க வேண்டுமா ?

பிள்ளை நாம் அதை செய்தோமா ?

இனியாவது செய்வோமா ...?




பூர்ணகுரு

கண்ணா முத்து அனைத்து வரிகளும் முத்துக்கள் கண்ணா :++ :++

:++ :++ :/

மிகவும் அருமையான வரிகள் எழுதிய கைகளுக்கு நலம் பெருகட்டும் பகிர்ந்த உங்களுக்கும் நன்மை கிட்டட்டும்
நன்றியுடன் உங்கள்
நண்பன்
:”@: