ஆட்சியைக் கைப்பற்ற பா.ஜ.க. இலங்கை தமிழர்களை ஆதரிப்பதாக நடிக்கிறது

ஆட்சியைக் கைப்பற்ற பா.ஜ.க. இலங்கை தமிழர்களை ஆதரிப்பதாக நடிக்கிறது
இந்தியாவின் பிரதான எதிர்கட்சியான பாரதீய ஜனதாவின் மூத்த தலைவர் யஷ்வந்த் சின்ஹா தனது குடும்பத்துக்கு ஆபத்தான வேளையில் கைக்கொடுத்து உதவிய எங்கள் ஜனாதிபதி மஹிந்த ராஜபக்ஷ அவர்களுக்கும் எதிரான கருத்தை தமிழ் நாட்டில் வெளியிட்டிருப்பது உண்மையிலேயே வேதனை அளிக்கிறது.

இந்தியாவின் ஒருமைப்பாட்டை ஆதரிக்கும் இந்த அரசியல்வாதி இலங்கையை பிளவுபடுத்துவதற்கு தெரிவித்துவரும் கருத்துக்களை நாட்டுப்பற்றுள்ள இலங்கையர் அனைவரும் கண்டிக்க தயக்கம் காட்ட மாட்டார்கள்.

இலங்கைத் தமிழர்கள் பிரிந்து சென்று தனிநாடு அமைப்பார்கள் என்று பாரதீய ஜனதா கட்சி திடீரென்று பல்டி அடித்து, தனது கொள்கையை மாற்றி இலங்கைத் தமிழர்களை ஆதரிப்பதற்கு யஷ்வந்த் சின்ஹா மூலம் தமிழ் நாட்டு மக்களுக்கு அறிவித்திருக்கிறது. பாரதீய ஜனதா கட்சி இலங்கைத் தமிழர் மீது கொண்டுள்ள அன்போ, அனுதாபமோ, கருணையோ இதற்குக் காரணமல்ல. அடுத்த தேர் தலில் காங்கிரஸ் கட்சிக்கு கிடைக்கவிருக்கும் தமிழ் நாட்டு மக்களின் வாக்குகளை தங்கள் கட்சிக்கு பெற்றுக்கொள்ளும் நோக்கத்துடனேயே பாரதீய ஜனதா கட்சித் தலைவர்கள் தங்கள் கொள்கையை மாற்றியிருக்கிறார்கள்.

இந்த சந்தர்ப்பத்தில் நாம் ஒரு விடயத்தை ஞாபகப்படுத்துவது பொருத்தமாக இருக்கும். 2004ம் ஆண்டு டிசம்பர் 26ம் திகதியன்று சுனாமி அனர்த்தம் இலங்கை உட்பட ஆசிய நாடுக ளுக்குப் பெரும் உயிரி ழப்பை ஏற்படுத்திய போது, இலங்கைக்கு சுற்றுலா வந்திருந்த பாரதீய ஜனதாவின் மூத்த தலைவரும், முன்னாள் வெளிவிவகார அமைச்ச ருமான யஷ்வந்த் சின்ஹா வின் மகன் தென்னிலங் கையில் ஹிக்கடுவை பிரதேசத்தில் காணாமல் போய்விட்டதாக தமக்குக் கிடைத்த செய்தியினால் அதிர்ச்சியடைந்த யஷ்வந்த் சின்ஹா, அன்றைய ஜனாதிபதி சந்திரிகா குமாரதுங்க வெளிநாட்டில் இருந்ததனால், பிரதம மந்திரி மஹிந்த ராஜபக்ஷவிடம் தனது மகனைத் தேடிக்கண்டுபிடிக்குமாறு மன்றாடினார்.

இந்தியத் தலைவர் ஒருவரின் வேண்டுகோளை நிறைவேற்றுவதற்காக பிரதம மந்திரி மஹிந்த ராஜபக்ஷ உடனடியாக பொலிஸாரின் உதவியுடன் யஷ்வந்த் சின்ஹாவின் மகனை கண்டுபிடித்து அவரைப் பாதுகாப்பான இடத்தில் வைத்திருந்தார். இதனால் மகிழ்ச்சியடைந்த யஷ்வந்த் சின்ஹா இலங்கைக்கு வந்து மகனுடன் பிரதம மந்திரிக்கு நன்றி தெரிவித்து இந்தியா திரும்பினார்.

இவ்விதம் உதவிசெய்த ஒரு தலைவரின் அரசாங்கத்துக்கு எதிராக யஷ்வந்த் சின்ஹா, இத்தகைய தீங்கிழைக்கும் உரைகளை தமிழ்நாட்டு மேடைகளில் பேசுவது வருத்தத்துக்கு உரிய ஒரு விடயமாகும். பாரதீய ஜனதாக் கட்சி, இந்திய காங்கிரஸ் கட்சியை அடுத்த பொதுத் தேர்தலில் தோல்வியடையச் செய்து மத்திய அரசாங்கத்தின் ஆட்சியைக் கைப்பற்றும் எண்ணத்துடனேயே தமிழர்களுக்கு சாதகமான கொள்கையை இன்று கடைப்பிடித்து வருகிறது.

ஆரம்பத்தில் ரேடியோ சிலோன் மூலமும், பின்னர் இலங்கையில் தமிழ்த் திரைப்படங்களை திரையிடுவதன் மூலமும் வெளிநாடுகளில் வாழும் இலட்சக்கணக்கான இலங்கைத் தமிழர்களின் ஆதரவுடன் தாங்கள் நடித்த அல்லது தயாரித்த திரைப்படங்கள் வெற்றிபெறுவதற்கு இலங்கை மாதாவின் பிள்ளைகளே உதவி செய்தார்கள் என்பதை மறந்துவிட்டு, தமிழ்நாட்டுத் திரைப்பட நட்சத்திரங்களும், தயாரிப்பாளர்களும் இத்துறையுடன் சம்பந்தப்பட்ட அனைவரும் இலங்கைக்கு எதிராக போர்க்கொடி ஏற்றி பிரசாரத்தில் இன்று ஈடுபடுகிறார்கள். இவர்களின் திரைப்படங்களை இலங்கை அரசாங்கம் இங்கு திரையிடக்கூடாது என்று தடைவிதித்தால் அதனால் ஏற்படும் கோடிக்கணக்கான ரூபா நஷ்டத்தை ஜெயலலிதாவும் கருணாநிதி ஐயாவும் அவர்களுக்குக் கொடுப்பார்களா என்று இந்த திரைப்பட உலகின் பிரபலங்கள் சற்றுச் சித்தித்து செயற்படுவது அவர்களுக்கு நன்மையாக இருக்கும்.

தினகரன்.

:^

இலங்கையைச் சூழ்ந்த கடல் பிராந்தியத்தில்
சீனாவின் ஆதிக்கம் வலுக்கிறது...
-
இலங்கையை நட்பு நாடாக இந்தியா ஆதரிப்பதற்கு
பல காரணங்களில் இதுவும் ஒன்று..!
-
------------

அடி மடியில் கை வைக்கிறானே சி...........? :+

rammalar wrote:இலங்கையைச் சூழ்ந்த கடல் பிராந்தியத்தில்
சீனாவின் ஆதிக்கம் வலுக்கிறது...
-
இலங்கையை நட்பு நாடாக இந்தியா ஆதரிப்பதற்கு
பல காரணங்களில் இதுவும் ஒன்று..!
-
------------

:, :, :, உண்மை தான்