அயர்லாந்து சவீதா மரண விவகாரம்: அரசியல் அமைப்பே மரணத்திற்கு காரணம் என டாக்டர்கள் ஒப்புதல்

by *சம்ஸ் Thu 11 Apr 2013 - 7:42

லண்டன், ஏப். 11-

அயர்லாந்து நாட்டில் வாழ்ந்த கர்நாடக மாநிலத்தை சேர்ந்த பல் மருத்துவர் சவீதா, 17-வார கருவை தவறாக சுமந்த நிலையில் பல முறை கருக்கலைப்புக்கு வேண்டினார். ஆனால், கத்தோலிக்க கிருஸ்தவ நாட்டில் கருக்கலைப்புக்கு அனுமதி இல்லை என்று கூறி கால்வே மருத்துவமனை மருத்துவர்கள் மறுத்துவிட்டனர்.

இதனை தொடர்ந்து அவருக்கு இறந்த நிலையில் குழந்தை பிறந்தது. பின்னர் நான்கு நாள் கழித்து சவீதாவும் இறந்துபோனார். இவரின் மரணம் தவிர்க்கப்படவேண்டியது என்று கூறி சவீதாவின் கணவர் வழக்கு தொடர்ந்து இருந்தார்.

இப்பிரச்சினை அயர்லாந்து மற்றும் கத்தோலிக்க கிருஸ்தவ நாடுகளில் விவதமாகவும் மாறி மதம், அரசியல் என பல மட்டங்களிலும் விவாதிக்கப்பட்டது. கால்வே மருத்துவமனையில் விசாரணையும் நடந்துவந்தது.

இந்நிலையில் சவீதா ஹலப்பனாவருக்கு சிகிச்சை அளித்த மகப்பேறு மருத்துவர்கள், சவீதாவை காப்பாற்றும் விசயத்தில் பல்வேறு சட்ட சிக்கல்கள் இருந்ததை ஒப்புக்கொண்டுள்ளனர். முன்னதாக சவீதா கணவர் மற்றும் நண்பரிடமும் விசாரணை நடந்துள்ளது.

மாலைமலர்