சூரியப்புயலால் இங்கிலாந்து, அயர்லாந்து வானில் எழுந்த ஒளி வெள்ளம்

by *சம்ஸ் Fri 27 Jan 2012 - 9:32

சூரியப்புயலால் இங்கிலாந்து, அயர்லாந்து வானில் எழுந்த ஒளி வெள்ளம்
பூமியின் வடமுனையில் உள்ள அயர்லாந்து, இங்கிலாந்தின் வட பகுதியான ஸ்கொட்லாந்து, நோர்வே ஆகிய நாடுகளை காந்த புயல் தாக்கியது. அப்போது வானில் நீலம் - பச்சை நிறம் கலந்த ஒளி வெள்ளம் காணப்பட்டது. மின்னல் போல் வானில் ஒளி பாய்ச்சுவது போல் காந்தப்புயல் தாக்கியது.

2005 ஆம் ஆண்டிற்குப் பின்னர் இத்தகைய காந்தப்புயல் பூமியைத் தாக்கியுள்ளது. வடக்கு ஸ்கொண்டி நேவியாவில் வானில் ஒளிவெள்ளம் கடந்து சென்ற போது அனைவரும் அதிர்ச்சியில் உறைந்ததாக அயல் நாட்டு செய்தி ஊடகங்கள் தெரிவித்துள்ளன.

இதனால் ஐரோப்பிய நாடுகள் தங்கள் நாட்டு விமானங்கள் செல்லும் பாதைகளை தற்காலிகமாக மாற்றி அமைத்து இருந்தனர்.

இந்த காந்த புயல் பூமியை தாக்கத் தொடங்கி விட்டதாக விஞ்ஞானிகள் தெரிவித்துள்ளனர். சூரியனில் கடந்த ஞாயிற்றுக்கிழமை உருவான கரோனா பிளாஸ்மா கதிர் வீச்சு நேற்று முன்தினம் பூமியின் காந்த மண்டலத்திற்குள் வந்து விட்டதாக நாசா விஞ்ஞானிகள் உறுதிப்படுத்தினர்.

சூரியப் புயல் குறித்து கடந்த 20 ஆண்டுகளாக ஆராய்ச்சி செய்து வரும் டொக்டர் பிஷ்ஷர் (69) கூறுகையில், 22 ஆண்டுகளுக்கு ஒரு முறை சூரியனில் மின் காந்த சக்தி அதிகமாக வெளிப்படுகிறது.

சூரியனில் 11 ஆண்டுகளுக்கு ஒரு முறை மின்காந்த புயல் ஏற்படுகிறது. இது புள்ளிகள் அல்லது சுடரொளி போல் காணப்படுகிறது. அப்போது சூரியனின் வெப்பம் மிக அதிகமாக 10 ஆயிரம் ரிகிரி பாரன்ஹீட் (5,500 டிகிரி செல்சியஸ்) வெப்பம் அடையும்.

மனிதனின் வாழ்நாளில் இதுபோல் மூன்று, நான்கு முறை சூரியனின் புயல் ஏற்படுவதை அறியலாம். வரும் 2013 ஆம் ஆண்டில் இரண்டு நிகழ்வுகளும் ஒன்று சேர்ந்து வரவுள்ளதால் சூரியனில் இருந்து அதிகளவில் கதிரியக்கம் வெளிப்படும் வாய்ப்பு உள்ளது.

இதனால் வட ஐரோப்பா மற்றும் இங்கிலாந்தில் உள்ள மின்சக்தி நிலையங்கள் எளிதாக பாதிக்கப்பட்டு பல மாதங்கள் மின்சாரம் இல்லாமல் மக்கள் அவதியடையும் சூழ்நிலை ஏற்படலாம்.

எந்த அளவு முன்னெச்சரிக்கை நடவடிக்கை எடுத்தாலும் பாதிப்பு எப்படி இருக்கும் என்று தெரியாததால் அதன் விளைவுகள் எப்படி இருக்கும் என்பதை இப்போதே கூற முடியாது என்றார்.

by **பார்த்திபன்** Fri 27 Jan 2012 - 11:17

*சம்ஸ் wrote:அப்போது வானில் நீலம் - பச்சை நிறம் கலந்த ஒளி வெள்ளம் காணப்பட்டது. மின்னல் போல் வானில் ஒளி பாய்ச்சுவது போல் காந்தப்புயல் தாக்கியது.

2005 ஆம் ஆண்டிற்குப் பின்னர் இத்தகைய காந்தப்புயல் பூமியைத் தாக்கியுள்ளது. வடக்கு ஸ்கொண்டி நேவியாவில் வானில் ஒளிவெள்ளம் கடந்து சென்ற போது அனைவரும் அதிர்ச்சியில் உறைந்ததாக அயல் நாட்டு செய்தி ஊடகங்கள் தெரிவித்துள்ளன.

சுவாரசியமான விஷயம்! படங்கள் கிடைத்திருந்தால் நன்றாக இருந்திருக்கும். ##*

by **நண்பன்** Fri 27 Jan 2012 - 11:21

by Sponsored content

சூரியப்புயலால் இங்கிலாந்து, அயர்லாந்து வானில் எழுந்த ஒளி வெள்ளம்

சூரியப்புயலால் இங்கிலாந்து, அயர்லாந்து வானில் எழுந்த ஒளி வெள்ளம்

Re: சூரியப்புயலால் இங்கிலாந்து, அயர்லாந்து வானில் எழுந்த ஒளி வெள்ளம்

Re: சூரியப்புயலால் இங்கிலாந்து, அயர்லாந்து வானில் எழுந்த ஒளி வெள்ளம்

Re: சூரியப்புயலால் இங்கிலாந்து, அயர்லாந்து வானில் எழுந்த ஒளி வெள்ளம்