ஜப்பானில் நிலநடுக்கம்: ரிக்டர் அளவுகோலில் 5.8-ஆகப் பதிவு

by *சம்ஸ் Sat 13 Apr 2013 - 7:44

டோக்கியோ, ஏப். 13-

ஜப்பானின் தென்மேற்கு பகுதியான கோபே அருகே இன்று அதிகாலை இந்திய நேரப்படி 2.00 மணியளவில் நிலநடுக்கம் ஏற்பட்டது. பூமிக்கடியில் 5 கிலோமீட்டர் ஆழத்தில் ஏற்பட்ட இந்த நிலநடுக்கம் ரிக்டர் அளவுகோலில் 5.8- ஆகப் பதிவாகியுள்ளது என்று அமெரிக்க புவியியல் ஆய்வு மையம் தெரிவித்துள்ளது.

இந்த நிலநடுக்கத்தால் சிலருக்கு காயம் ஏற்பட்டுள்ளது. ஆனால் உயிரிழப்புகள் ஏற்பட்டதாக தகவல்கள் ஏதும் இல்லை. நிலநடுக்கத்தை தொடர்ந்து சுனாமி எச்சரிக்கை விடப்படவில்லை. ஜப்பானில் தற்போது ஒரே ஒரு அணு உலை மட்டும் இயங்கி வருகிறது.

இந்த நிலநடுக்கத்தால் உலைக்கு எந்த பாதிப்பும் ஏற்படவில்லை. 2011-ம் ஆண்டு மார்ச் மாதம் ஏற்பட்ட நிலநடுக்கம் மற்றும் சுனாமி தாக்குதலை தொடர்ந்து ஜப்பானில் உள்ள மற்ற அணு உலைகளின் இயக்கம் நிறுத்தப்பட்டு விட்டது என்பது குறிப்பிடத்தக்கது.

மாலைமலர்