உடல் எடையை குறைக்கும் பால்

அதிக உடல் எடை பலருக்கு பாரிய பிரச்சினையாக உள்ளது. இதற்காக ஆயிரக் கணக்கில் பணம் செலவிட்டு சிகிச்சை செய்கிற போதும் பலன் கிடைப்பதில்லை.

இந்த நிலையில் உடல் எடையைக் குறைக்க இலகுவான வழியொன்றை விஞ்ஞானிகள் கண்டுபிடித்துள்ளனர்.

காலை உணவுடன் பழச்சாறு குடிப்பதற்கு பதிலாக கொழுப்பு நீக்கப்பட்ட பால் குடித்தால் உடல் எடை குறையும் என அவுஸ்திரேலிய ஆய்வுத் தகவல்கள் கூறியுள்ளன.

காலை உணவுடன் பழச்சாறு குடித்தால் அதிகமாக பசி ஏற்படும். பசி சீக்கிரமாக வருவதால் உணவு அதிகமாக எடுத்துக்கொள்ள

வேண்டிய நிலை வரும்.

இதனால் கலோரியின் அளவும் கூடும்.

ஆனால் கொழுப்பு நீக்கப்பட்ட பாலை அருந்தும் போது உணவின் அளவு குறைவதோடு கலோரியின் அளவும் குறையும். இதனால் உடல் எடையை மிக எளிதாக குறைக்கமுடியும் என அவுஸ்திரேலிய விஞ்ஞானிகள் குறிப்பிடுகின்றனர்.

இந்த ஆராய்ச்சியை மேற்கொண்ட அவுஸ்திரேலிய விஞ்ஞானிகள் 34 ஆண்கள் மற்றும் பெண்களை ஆராய்ச்சிக்கு உட்படுத்தினர். அவர்கள் 2 குழுக்களாகப் பிரிக்கப்பட்டனர்.

ஒரு குழுவினருக்கு

பழச்சாறும், மற்றொரு குழுவினருக்கு கொழுப்பு நீக்கப்பட்ட பாலும் கொடுத்து ஆராய்ச்சி மேற்கொள்ளப்பட்டது.

பின்னர் 4 மணி நேரம் தொடர்ந்து கண்காணிக்கப்பட்டதில் உண்மை தெரியவந்தது என ஆராய்ச்சியாளர்கள் கூறுகின்றனர்.

கொழுப்பு நீக்கப்பட்ட பாலில் குறைந்த அளவே புரதம் மற்றும் லாக்டோஸ் சத்துகள் உள்ளன. இவை அதிகப்படியான கொழுப்பு உடலில் சேர்வதை தடைசெய்கிறது. மேலும், போதும் என்ற மனநிறைவை இது மூளைக்கு கொடுப்பதால் பசி உணர்வு தள்ளிப் போகிறது. இதனால் உணவும் குறைவாக எடுத்துக் கொள்ளும் நிலை ஏற்படுகிறது.

கொழுப்பு நீக்கப்பட்ட பாலானது, உடல் உடையை குறைக்க வழி செய்கிறது என்பது ஆராய்ச்சியாளர்களின் கருத்து.

##* ##*