சுற்றுலா பயணிகளை ஈர்க்கும் வேலூர் பொற்கோயில்

--

வேலூரில் இருந்து அணைக்கட்டு செல்லும் வழியில் 12 கி.மீ.
தூரத்தில் திருமலைக்கோடி எனும் ஸ்ரீபுரத்தில் பொற்கோயில்
அமைந்துள்ளது.

இங்கு தரிசிக்க ஏராளமான சுவாமி சிலைகள் இல்லை என்றாலும்,
கோயில் அமைக்கப்பட்டிருக்கும் விதம், சுற்றியுள்ள பூங்காக்கள்
என நிச்சயம் ஒரு நல்ல அனுபவத்தை பெற முடியும்.

ஸ்ரீ நாராயணி சக்தி பீடம் சார்பில் ஸ்ரீசக்தி அம்மா என்பவரால்
நிர்மாணிக்கப்பட்ட இக்கோயிலைக் காண தினந்தோறும்
ஆயிரக்கணக்காக பக்தர்களும் சுற்றுலாப் பயணிகளும் வருகின்றனர்.

இங்கு கோயிலின் சுற்றுச் சுவர் தங்கத் தகடுகளால் பதியப்பட்டிருப்பது,
சுற்றுலாப் பயணிகளை வெகுவாகக் கவர்கிறது.

ஸ்ரீலட்சுமி நாராயணி கோயிலின் சிறப்பே 55,000 சதுர அடியில்
அழகிய திருக்கோயில் அமைக்கப்பட்டு கோயில் முழுவதும்
1,500 கிலோ தங்கத் தகடுகளால் வேயப்பட்டுள்ளது. கோயிலின்

மொத்த பரப்பளவு 100 ஏக்கர். ஸ்ரீசக்கர வடிவில் ஆலயத்தை சுற்றி
பிரகாரம் அமைந்துள்ளது. 16 கால்களைக் கொண்ட ஸ்ரீசகஸ்ரதீப
மண்டபம், 45 அடி உயரம் கொண்ட ஸ்ரீமகள் நீர்வீழ்ச்சி, திறந்தவெளி
கலையரங்கம், புல்வெளி, நீரூற்றுகள், பூங்காக்கள் உள்ளன.

ஆலயத்துக்கு வருவோர் பார்த்து வியக்கும் வகையில், உலகின்
மிகப் பெரிய வீணை, 10,008 திருவிளக்கு ஆகியன இடம்
பெற்றுள்ளன
-
ஆசியாவிலேயே மிகப் பெரியளவில் அமைந்துள்ள கோயில்
வேலூர் பொற்கோயில் என்று கூறப்படுகிறது.

அருகில் உள்ள கோயில்கள்: 10 கி.மீ. தொலைவில் வேலூர்
கோட்டைக்குள் ஜலகண்டேசுவரர் கோயில் உள்ளது. 13 கி.மீ.
தொலைவில் சேண்பாக்கம் விநாயகர் கோயில் உள்ளது.

---


------------
போக்குவரத்து வசதி: காட்பாடி ரயில் நிலையத்திலிருந்து 15 கி.மீ.
தூரத்தில் கோயில் உள்ளது. ரயில் நிலையத்திலிருந்து புதிய
பேருந்து நிலையத்துக்கும், அங்கிருந்து ஸ்ரீபுரத்துக்கும் பேருந்து,
ஆட்டோக்கள் இயங்குகின்றன. புதிய பஸ் நிலையம் பகுதியில்
இருந்து 13 கி.மீ. தொலைவில் இக்கோயில் அமைந்துள்ளது.

இங்கு சென்று வந்தால், கோயிலுக்குச் சென்று வந்த ஆத்ம
திருப்தி கிடைக்கிறதோ இல்லையோ, நிச்சயம் ஒரு சுற்றுலா
தலத்துக்குச் சென்று வந்த ஆனந்தம் கிடைக்கும்.

வேலூருக்கு சுற்றுலா செல்வோர், நிச்சயம் ஒரு முறை காண
வேண்டிய இடம் இது என்று சொல்லலாம்.

ஆந்திராவில் மிகப் பிரசித்தி பெற்ற கோயிலின் அமைப்பை
ஒட்டியே இக்கோயிலும் நடத்தப்படுகிறது என்பது அங்கு சென்று
வருவோர் அனைவரும் கூறும் கருத்தாகும்.
-
------------------
நன்றி: தினமணி

:/ :/ :”@: