தேக்கடி வனத்துறை அலுவலகத்தில் யானையின் எலும்புக்கூடு: சுற்றுலா பயணிகளை கவர திட்டம்

கூடலூர்,ஜூன்.5

கேரள மாநிலம் இடுக்கி மாவட்டம் தேக்கடி பெரியாறு புலிகள் சரணாலயம் வல்லக்கடவு அருகே “ஹெவி” என்ற சுற்றுலா தலம் உள்ளது. இங்கு தினமும் ஆயிரக்கணக்கான சுற்றுலா பயணிகள் வந்து செல்கிறார்கள். சுற்றுலா பயணிகளை கவரும் வகையில் கேரள சுற்றுலா துறையும், வனத்துறையும் பல்வேறு பணிகள் செய்து வருகிறார்கள். பெரியாறு புலிகள் சரணாலயம் 975 சதுர கிலோ மீட்டர் பரப்பளவில் உள்ளது.

இந்த சரணாலயத்தில் அமைந்திருக்கும் ”ஹெவி” பகுதிக்கு, சுற்றுலா பயணிகளை அழைத்து செல்லும் வகையில், கேரள வனத்துறையினர் கடந்த வாரம் முதல் “ஜங்கிள் சபாரி“ என்ற பெயரில் புதிய பஸ் சர்வீஸ் தொடங்கி உள்ளனர்.

இந்நிலையில் சுற்றுலாப் பயணிகளை, கவரும் வகையில், இங்குள்ள வனத்துறை அலுவலகத்தில், இறந்த யானையின் எலும்புகளை பயன்படுத்தி முழு எலும்புக்கூடு உருவம் தயாரிக்கும் பணி நடந்து வருகிறது. 10 ஆண்டுகளுக்கு முன்பு இறந்த யானையின் எலும்புகளை பயன்படுத்தி இந்த எலும்புக்கூடு உருவம் தயாரிக்கப்பட்டு வருகிறது.

இது குறித்து யானையின் உருவம் தயாரிக்கும் விஜயகுமார் என்பவர் கூறும் போது, ஆசிய யானைகளுக்கு 286 எலும்புகள் உள்ளன. இதில் கிடைக்காத எலும்புகளுக்கு பதிலாக பிளாஸ்ட் ஆப் பாரீஸ் மாவு பயன்படுத்தி உருவாக்கப்படுகிறது.

பனை மரத்திலிருந்து தந்தங்கள் உருவாக்கப்பட்டுள்ளது. அடுத்த கட்டமாக பிளாஸ்ட் ஆப் பாரீஸ் மாவு பயன்படுத்தி புலியின் எலும்புக்கூடு உருவம் செய்ய முடிவு செய்துள்ளேன் என்றார்.

நல்ல முயற்சி

சுற்றுலா பயணிகளுக்கு மகிழ்ச்சி தான்