கட்டாய இராணுவ சேவைக்கு எதிராக பழைமைவாத யூதர்கள் ஆர்ப்பாட்டம்

கட்டாய இராணுவ சேவைக்கு எதிராக பழைமைவாத யூதர்கள் ஆர்ப்பாட்டம்
இஸ்ரேல் கட்டாய இராணுவ சேவையில் தமது சமூகத்தினரும் இணைக்கப்படுவதற்கு எதிர்ப்பு வெளியிட்டு ஆயிரக்கணக்கான பழைமைவாத யூதர்கள் பாரிய ஆர்ப்பாட்டத்தில் ஈடுபட்டுள்ளனர்.

ஆர்ப்பாட்டத்தின்போது பொலிஸார் மீது கற்கள், போத்தல்கள், புகைக் குண்டுகளை எறிந்து தாக்குதல் நடத்தியதைத் தொடர்ந்து பலர் கைது செய்யப்பட்டனர். நேற்று முன்தினம் இரவு ஜெரூசலத்தில் இடம்பெற்ற இந்த ஆர்ப்பாட்டத்தின் போது பொலிஸார் மற்றும் ஆர்ப்பாட்டக்காரர்களுக்கு காயம் ஏற்பட்டது.

இஸ்ரேல் கட்டாய இராணுவ சேவையிலிருந்து மதக் கல்வியை பயிலும் பழைமைவாத யூதர்களுக்கு தற்போது விலக்கு அளிக்கப்பட்டுள்ளது. ஆனால் மதச் சார்பற்றோர் இதற்கு எதிர்ப்பு தெரிவித்துள்ளதோடு அவர்களை கட்டாய இராணுவ சேவைக்கு உள்ளடக்க வேண்டும் என வலியுறுத்தி வருகின்றனர். இஸ்ரேலில் 18 வயது பூர்த்தியடைந்த ஆண்கள் மூன்று ஆண்டுகளும் பெண்கள் இரண்டு ஆண்டுகளும் இராணுவ சேவையில் ஈடுபடுவது கட்டாயமாகும். ஆனால் பழைமைவாத யூதர்கள் இதனைத் தவிர்த்து மதக் கல்விலேயே காலத்தை செலவிடுகின்றனர்.

இந்நிலையில் குறைந்தது 15,000 ஆண்கள் பழைமைவாத யூதர்களின் சம்பிரதாய உடையான கறுப்பு அங்கி மற்றும் தொப்பி அணிந்து ஜெரூசலத்தில் இருக்கும் இராணுவ வேலைவாய்பபு அலுவலகத்திற்கு முன் நேற்று முன்தினம் ஒன்று திரண்டனர். இவர்கள் கட்டாய இராணுவ சேவையில் தமக்கு விலக்கு அளிக்கும் சட்டத்தில் திருத்தம் கொண்டு வருவதற்கு எதிராக