இராணுவ கவுன்ஸிலின் கோரிக்கை நிராகரிப்பு; 5 ஆவது நாளாகவும் எகிப்தில் ஆர்ப்பாட்டம்

இராணுவ கவுன்ஸிலின் கோரிக்கை நிராகரிப்பு; 5 ஆவது நாளாகவும் எகிப்தில் ஆர்ப்பாட்டம்
எகிப்தில் இராணுவ ஆட்சிக்கு எதிராக 5 ஆவது நாளாகவும் மக்கள் ஆர்ப்பாட்டம் நேற்று நீடித்தது. தலைநகர் கெய்ரோவில் தஹ்ரியார் சதுக்கத்தில் தொடர்ந்து எதிர்ப்பாளர்கள் நிலைகொண்டுள்ளனர்.

இதன் போது எதிர்ப்பாளர்களுக்கும் பாதுகாப்புப் படையினருக்கும் தலைநகரின் பல பகுதிகளிலும் மோதல் ஏற்பட்டன. ஆர்ப்பாட்டக்காரர்கள் கற்கள் மற்றும் உபகரணங்கள் மூலம் பாதுகாப்பு படையினர் மீது தாக்குதல் நடத்தியதோடு கலவரக்காரர்களை அடக்க இராணுவம் மற்றும் பொலிஸார் கண்ணீர் புகை மற்றும் ரப்பல் குண்டு தாக்குதல்களை நடத்தினர்.

கடந்த சனிக்கிழமை தீவிரமடைந்த ஆளும் இராணுவ கவுன்சிஸிலுக்கு எதிரான ஆர்ப்பாட்டத்தில் ஏற்பட்ட மோதல் காரணமாக 30 பேர் கொல்லப் பட்டுள்ள தோடு 1950 பேர் காய மடைந் ததாக எகிப்து சுகாதார அமைச்சு தெரிவித்துள்ளது.

இந்த எதிர்ப்பு ஆர்ப் பாட்டம் எகிப்தின் ஏனைய நகரங்களான அலக்சான்ட்ரியா, சுயேஸ், போர்ட் சைட் மற்றும் அஸ் வானிலும் நீடித்து வருகிறது.

இதேவேளை, எகிப்தின் ஆளும் இராணுவ கவுன்ஸிலின் தலைவர் பீல்ட் மார்ஷல் ஹ¤ஸைன் தன்தாவி நேற்று முன்தினம் அந்நாட்டு தேசிய தொலைக்காட்சியில் உரையாற்றினார். அதில் எகிப்து பாராளுமன்ற தேர்தல் வரும் 28 ஆம் திகதி திட்டமிட்டபடி நடைபெறும் என்று அறிவித்தார்.

அத்துடன் இன்னும் 6 மாதங்களுக்குள் புதிய அரசியல் யாப்பு அமைக்கப்பட்டு அதனைத் தொடர்ந்து ஜனாதிபதி தேர்தல் நடத்தப்படும் என்றும் ஹ¤ஸைன் தன்தாவி தனது உரையில் குறிப்பிட்டார். இதன்படி 2012 ஆம் ஆண்டு இறுதி அல்லது 2013 ஆம் ஆண்டு ஆரம்பம் வரை மாத்திரமே இராணுவ கவுன்ஸில் ஆட்சியில் நீடிக்கும் என தன்தாவி தெரிவித்தார்.

எனினும் தன்தாவியின் உரையை தொடர்ந்தும் தஹ்ரியார் சதுக்கத்திலுள்ள எதிர்ப்பாளர்கள் ஆர்ப்பாட்டத்தில் ஈடுபட்டு வருகின்றனர். இதன்போது தன்தாவி விலகும் வரை நாம் விலகமாட்டோம் என ஆர்ப்பாட்டக்காரர்கள் கோஷமெழுப்பினர்.

இதேவேளை, எகிப்து அமைச்சரவையின் ராஜினாமா கடிதத்தை ஏற்றுக் கொள்வதாக இராணுவ கவுன்ஸில் தலைவர் ஹ¤ஸைன் தன்தாவி குறிப்பிட்டுள்ளார். எனினும் புதிய அரசு அமைக்கப்படும் வரை தற்போதைய அரசு நீடிக்க வேண்டுமென குறிப்பிட்டுள்ளார்.

ஒரு சரியான தொலை நோக்கு தீர்வு இல்லாமல் இந்த மக்கள் தங்கள் தலையில் தாங்களே மண்ணை வாரிப் போட்டுக்கொணடனர்

jasmin wrote:ஒரு சரியான தொலை நோக்கு தீர்வு இல்லாமல் இந்த மக்கள் தங்கள் தலையில் தாங்களே மண்ணை வாரிப் போட்டுக்கொணடனர்

@. @. @.