இராணுவ ஆட்சிக்கு எதிராக எகிப்தில் 3 ஆவது நாளாகவும் மக்கள் ஆர்ப்பாட்டம்

இராணுவ ஆட்சிக்கு எதிராக எகிப்தில் 3 ஆவது நாளாகவும் மக்கள் ஆர்ப்பாட்டம்
20 பேர் பலி; 1,750 பேர் காயம்
எகிப்தில் இராணுவ ஆட்சிக்கு எதிராக தொடர்ச்சியாக மூன்றாவது நாளாகவும் மக்கள் ஆர்ப்பாட்டம் நீடித்தது. இதன் போது பாதுகாப்புப் படையினருக்கும் ஆர்ப்பாட்டக்காரர்களுக்கும் இடையில் ஏற்பட்ட மோதல்களில் கொல்லப் பட்டோர் எண்ணிக்கை 20 ஆக அதிகரித்துள்ளது. 1,750 பேர் காயமடைந்துள்ளனர்.

ஒரு வாரமாக நடைபெறும் இப்போராட்டம் கடந்த வெள்ளிக்கிழமை தீவிரம் அடைந்தது. தலைநகர் கெய்ரோவில் உள்ள தஹ்ரீர் சதுக்கத்தில் கூடிய சுமார் 50 ஆயிரம் பேர் அங்கு கூடாரங்கள் அமைத்து போராட்டம் நடத்தினர்.

அவர்களை கலைத்து கூடாரங் களை பொலிஸார் அகற்றினர். இதைத் தொடர்ந்து பொலிஸாருடன் பொதுமக்கள் மோதலில் ஈடுபட்டனர். பொலிஸார் நடத்திய ரப்பர் குண்டு, துப்பாக்கி சூடு, கண்ணீர் புகை வீச்சு மற்றும் தடியடியில் 2 பேர் உயிரிழந்தனர். 750 பேர் காயம் அடைந்தனர்.

இருந்தும் பொதுமக்கள் தங்கள் போராட்டத்தை கைவிடவில்லை. தொடர்ந்து நேற்று முன்தினமும் கெய்ரோவில் உள்ள தக்ரீர் சதுக்கத்தில் திரண்டு போராட்டத்தில் ஈடுபட்டனர். போராட்டத்தில் ஈடுபட்டவர்களை பொலிஸார் கண்ணீர் புகை குண்டுகளை வீசியும், தடியடி நடத்தியும் கலைத்தனர். பதிலுக்கு பொலிஸ் வேன் மற்றும் கட்டடத்துக்கு பொதுமக்கள் தீவைத்தனர்.

இதனால் மூன்றாவது நாளாகவும் தக்ரீர் சதுக்கம் ரத்தக் களறியானது. இச்சம்பவத்தில் 11 பேர் உயிரிழந்தனர். 900 பேர் காயம் அடைந்தனர். தொடர்ந்து நேற்று நடந்த மோதல்களில் மேலும் 7 பேர் கொல்லப்பட்டுள்ளனர்.

இதைத் தொடர்ந்து கடந்த 3 நாட்கள் நடந்த கலவரத்தில் பலியானவ ர்களின் எண்ணிக்கை 20 ஆக உயர்ந்துள்ளது. இதற்கிடையே போராட்டத்தில் ஈடுபடுபவர்கள் மீது நடத்தப்படும் தாக்குதலுக்கு ஐரோப்பிய யூனியனின் வெளிநாட்டு கொள்கை தலைவர் காத்ரின் ஆஸ்தான் கண்டனம் தெரிவித்துள்ளார்.

இராணுவ ஆட்சியாளர்கள் அரசியல் சட்டத்தை தங்களுக்கு ஆதரவாக மக்களால் தேர்ந்தெடுக்கப்படும் அரசு கட்டுப்படுத்தாத வகையில் தன்னிச்சையாக செயல்படும் வகையில் திருத்தம் செய்ய உள்ளனர். இதற்கு எதிர்ப்பு தெரிவித்தே எகிப்தில் மீண்டும் கலவரம் வெடித்துள்ளது. இராணுவ ஆட்சியாளர்கள் உடனே பதவி விலக வேண்டும். இராணுவ தளபதி பீல்ட் மார்சல் ஹுஸைன் தந்தாவி தனது பதவியை ராஜினாமா செய்து விட்டு சீவில் கவுன்சிலிடம் பொறுப்பை ஒப்படைக்க வேண்டும் என பொதுமக்கள் கோரிக்கை விடுத்துள்ளனர்.

இனி எகிப்தில் கஷ்டம்தான் ஹுஷ்னி முபாரக் செய்தது மன்னிக்க முடியாத குற்றம் வேண்டுமென்றே தன் ஆட்சியைப் பற்றீ மக்கள் புறிந்துகொள்ள வேண்டும் என்பதற்காக ராணுவத்திடம் ஆட்சியை ஒப்படைத்துவிட்டு ஓடி விட்டார் ...மக்கள் கஷ்டப் படுகிறர்கள்