எனக்கு 7 மொழிகள் தெரியும்: அசின்

by **கைப்புள்ள** Sun 26 May 2013 - 13:41

நடிகைகளில் அதிக மொழிகள்பேச தெரிந்தவர் அசின். தமிழ், மலையாளம், தெலுங்கு, இந்திப்படங்களில் நடித்துள்ள அவர் படப்பிடிப்புகளில் அந்தந்த மொழிகளை உதவியாளர்கள் மூலமும் ஆசிரியர்கள் வைத்தும் கற்றுக் கொண்டு உள்ளார். அந்தந்த மொழி பட விழாக்களில் சரளமாக பேசியும் அசத்துகிறார்.

இதுகுறித்து அசின் கூறும்போது, எனக்கு 7 மொழிகள் தெரியும். அதுதான் என்னுடைய பெரிய பலம் என்றார்.

அசின் கேரளாவில் பிறந்தவர். மலையாளம் அவருக்கு தாய் மொழியாக உள்ளது. தமிழ், தெலுங்கு, படங்களில் நடித்த போது இருமொழிகளையும் கற்றார். இந்திப்படங்களில் நடித்த பிறகு அந்த மொழியையும் அறிந்தார்.

இவை தவிர ஆங்கிலம், மராத்தி, பெங்காலி மொழிகளும் நன்றாக தெரியும். படப்பிடிப்புக்காக பல்வேறு மாவட்டங்களுக்கு செல்லும் போது ரசிகர்கள் அவரை சூழ்ந்து கொள்கிறார்கள். அப்போது ரசிகர்களிடம் அவர்களின் மொழியிலேயே பேசுகிறார்.