வெள்ளத்தால் பாதிக்கப்பட்ட பகுதிகளுக்கு படகுமூலம் யோகேஸ்வரன் பா.உ. விஜயம்

மட்டக்களப்பு மாவட்டத்தில் கிரான் பிரதேச செயலாளர் பிரிவில் உள்ள கிராமங்களில் மக்கள் குடியமரும் அளவிற்கு நீர் வடிந்து விட்டதா? என்பதை அறிய மட்டக்களப்பு மாவட்ட பாராளுமன்ற உறுப்பினர் சீனித்தம்பி யோகேஸ்வரன் இயந்திரப்படகு மூலம் விஜயம் செய்து கிராமங்களை பார்வையிட்டுள்ளார்.
மட்டக்களப்பு மாவட்டத்தில் கிரான் பிரதேச செயலாளர் பிரிவில் உள்ள முருக்கன்தீவு, பிரம்படித்தீவு, சாராவெளி ஆகிய கிராமங்கள் அண்மையில் ஏற்பட்ட இருபெரும் வெள்ளப் பெருக்கில் இம்மூன்று கிராமங்களிலும் 10 அடிக்கு மேல் நீர் ஊடுருவியதால் இம்மக்கள் இயந்திர படகுமூலம் முதல் தடவையில் வாழைச்சேனை பிரதேச செயலாளர் பிரிவில் உள்ள கிண்ணையடி சரஸ்வதி வித்தியாலயத்திலும் 02ம் தடவை ஏற்பட்ட பெரும் நீர் அதிகரிப்பால் வாழைச்சேனை கறுவாக்கேணி விக்னேஸ்வரா வித்தியாலயத்திலும் தஞ்சமடைந்தனர்.

இம்மக்களை வாழைச்சேனை பிரதேச செயலாளரும், கிராம அதிகாரிகளும் நன்கு உதவிகள் வழங்கி கவனித்துள்ளனர்.

இவ்வேளை இக்கிராமங்களில் மக்கள் குடியமரும் அளவிற்கு நீர் வடிந்து விட்டதா? என்பதை அறிய அக்கிராமங்களின் கிராம அபிவிருத்திச் சங்க தலைவர்கள் சகிதம் மட்டக்களப்பு மாவட்ட பாராளுமன்ற உறுப்பினர் சீனித்தம்பி யோகேஸ்வரன் இயந்திரப்படகு மூலம் இம்மூன்று கிராமங்களுக்கும் விஜயம் செய்து கிராமங்களை பார்வையிட்டதுடன் இக்கிராம நிலை சார்பாகவும் மக்களை மீள் குடியமர்த்தல் சார்பாகவும் வாழைச்சேனை பிரதேச செயலாளர் திரு.எஸ்.கிரிதரன் அவர்களுடன் உரையாடியுள்ளனர்.

அத்தோடு இம்மக்கள் தங்களை பிரதேச செயலாளரும், கிராம அதிகாரிகளும் நன்கு கவனித்துள்ளதாக பாராளுமன்ற உறுப்பினரிடம் தெரிவித்தமையால் பாராளுமன்ற உறுப்பினர் சீனித்தம்பி யோகேஸ்வரன் அவர்கள் பிரதேச செயலாளருக்கும், கிராம அதிகாரிகளுக்கும் தொலைபேசி மூலம் தமது பாராட்டுக்களையும் தெரிவித்துள்ளார்.

இவ்வேளை இரவுவேளையிலும் கிராம அதிகாரிகள் அனைத்து முகாம்களிலும் தங்கி இருந்து கொண்டு சேவை வழங்கியதையும் தான் நேரில் பார்வையிட்டதாகவும் பிரதேச செயலாளருக்கு தெரிவித்துள்ளார்.

இவ்வேளை இம்மக்களுக்கு எவ்வகையில் உதவி புரியலாம் என ஆலோசித்து வருவதாகவும் பாராளுமன்ற உறுப்பினர் அத்துடன் பாதிக்கப்பட்ட பகுதிகளான மீராவோடை, கிண்ணையடி, கறுவாக்கேணி ஆகிய பகுதிகளையும் சென்று பார்வையிட்டார்.

மட்டக்களப்பில் பாதிக்கப்பட்டுள்ள மக்களுக்கு உதவிகளை செய்ய விரும்புவோர் கீழ்வரும் விபரங்களில் வழங்க முடியும் என தெரிவிக்கின்றனர். இவ் உதவிகளுக்கான பற்றுச்சீட்டு ஏனைய ஆவணங்கள் தங்களுக்கு தங்களது ஈமெயில் விலாசம் போன்றவையை அனுப்பிவைக்கும் பட்சத்தில் சமர்ப்பிக்கப்படும் என்பதை தெரிவிக்கின்றனர். தங்களின் உதவிக்கும் மட்டக்களப்பு மாவட்ட இந்து இளைஞர் பேரவை என்றும் நன்றி உடையதாக இருக்கும் என்பதை தெரிவிக்கின்றனர்.
நிதி அனுப்பவதற்குரிய விபரம்.
The fund should be drawn in favor of Federation of Young Men’s Hindu Association, Batticaloa District. People’s Bank, Kaluwanchikudy Branch, to the Account No. 190-165-020091-4. SWIFT CODE: PSBKLKLX

தொடர்பு கொள்வதற்கு : 0094776034559 0094718049439 0094652228273 0094652228018 உதவுபவர்கள் தங்கள் விபரங்களை yoheswaran.mp@gmail.com / btdymha@gmail.com என்ற மின்னஞ்சல் முகவரிக்கு அனுப்ப முடியும்.