எனக்கு காதலிக்க நேரம் இல்லை: பிரியா ஆனந்த்

by *சம்ஸ் Sat 29 Jun 2013 - 9:42

சித்தார்த்துடன் 180 டிகிரி, இந்தியில் ஹிட்டான இங்கிலீஷ் விங்கிலீஷ் படங்களில் நடித்திருந்தாலும் நடிகை பிரியா ஆனந்த்துக்கு அதன் பிறகு பெரிய வாய்ப்புகள் கிடைக்கவில்லை.

ஆனால் அவர் சிவ கார்த்திகேயனுடன் நடித்த எதிர் நீச்சல் படம் ஹிட் ஆனதால் தற்போது விக்ரம்பிரபு ஜோடியாக அரிமா நம்பி, கவுதம் கார்த்திக் ஜோடியாக வை ராஜா வை மற்றும் வணக்கம் சென்னை ஆகிய படங்களில் நடித்து வருகிறார்.

அவர் அளித்த பேட்டி....

கதையம்சம் உள்ள படம், கமர்சியல் படம் என சினிமாவில் கிடைக்கிற நல்ல வாய்ப்புகள் எல்லாவற்றையும் பயன்படுத்திக் கொள்ள வேண்டும் என்றுதான் எல்லோரும் நினைப்பார்கள். பிரியா ஆனந்த் ஒரு குறிப்பிட்ட கதாபாத்திரத்திற்கு மட்டும்தான் பொருந்துவார் என்று சொல்வதில் எனக்கு உடன்பாடில்லை.

எல்லா வகையான கதாபாத்திரங்களிலும் நடிக்க கூடிய திறமையான நடிகை என்று பெயர் வாங்க வேண்டும் என்று நான் ஆசைப்படுகிறேன். நல்ல கதையம்சம் உள்ள படத்தை உருவாக்குவதை விட கமர்ஷியல் படத்தை எடுக்கிறதுதான் கஷ்டம் என நினைக்கிறேன். எதிர்நீச்சல் ஒரு வெற்றி படம். அதில் நானும் நடிச்சிருக்கேன் என நினைக்கும்போது மிகவும் மகிழ்ச்சியாக இருக்கிறது.

அதே நேரம் தமிழில் எனக்கு நல்ல அடித்தளமாகவும் இந்த படம் அமைந்துள்ளது. தற்போது ஐஸ்வர்யாவின் வை ராஜா வை படத்தில் நடித்து வருகிறேன். அவர் இயக்கிய 3 படம் எனக்கு பிடித்த படங்களில் ஒன்று. அந்த படத்தில் இல்லாத ஒரு சில அற்புதமான விசயங்கள் வை ராஜா வை படத்தில் இருக்கும். பெயரை வைத்து இந்த படம் காமெடி படம் என யாரும் நினைத்து விட வேண்டாம்.

இது சீரியசான படம். அதுபோல வணக்கம் சென்னை, அரிமா நம்பி படங்களும் நிச்சயம் எனக்கு பெயர் வாங்கி தரும். சமீபத்தில் நான் நடித்த 'குரமசநல' என்ற இந்தி படம் ஹிட்டாகி உள்ளது. இந்தி படங்களின் கலாச்சாரம் எனக்கு நன்றாக தெரியும் என்பதால் இந்தி படங்களில் நடிப்பது எனக்கு சுலபமாக உள்ளது.

எனக்கு இந்தி, தெலுங்கு, தமிழ், கன்னடம் என எல்லா மொழிகளிலும் வாய்ப்புகள் வருகிறது. ஆனால் தமிழ் சினிமாதான் எனக்கு மிகவும் பிடித்துள்ளது. இந்தியில் சவாலான கதாபாத்திரம் அமைந்தால் மட்டுமே நடிப்பேன். காதலிக்க ஆசையாக இருக்கிறது. எனக்கு பிடித்தவர் எந்த துறையில் இருந்தாலும் காதலிக்க நான் தயாராக இருக்கிறேன்.

ஆனால் இப்போதைக்கு அதற்கான நேரம் இல்லை. ஒரு தேசிய விருதாவது வாங்க வேண்டும் அதன் பிறகுதான் காதல், திருமணம் எல்லாம் என்பதுதான் என் எண்ணம் என்றார்.

by **பானுஷபானா** Sat 29 Jun 2013 - 10:18

எனக்கு காதலிக்க நேரம் இல்லை: பிரியா ஆனந்த்

எனக்கு காதலிக்க நேரம் இல்லை: பிரியா ஆனந்த்

Re: எனக்கு காதலிக்க நேரம் இல்லை: பிரியா ஆனந்த்