சிலை எடுத்தான் ஒரு சின்ன பொண்ணுக்கு

by **rammalar** Thu 12 Sep 2013 - 5:15

சர்வர் சுந்தரம் படத்திலும் மகாபலிபுரம்

பற்றி கண்ணதாசன் எழுதிய ஒரு அருமையான

பாடல் உண்டு.

(இசை விஸ்வநாதன் ராமமூர்த்தி

பாடியவர் பி சுசீலா & குழுவினர்)

====

சிலை எடுத்தான் ஒரு சின்ன பெண்ணுக்கு
கலை கொடுத்தான் அவள் வண்ண கண்ணுக்கு

ஆடை கொடுத்தான் அவள் உடலினிலே
ஆட விட்டான் இந்த கடலினிலே

படை கொண்ட பல்லவன் ஆக்கிவைத்தான்
பருவத்தின் சாரத்தை தேக்கி வைத்தான்

கன்னி பெண்ணை தேரினில் தூக்கி வைத்தான்
காதலை ஏன் அவன் பாக்கி வைத்தான்…

அன்னமிவள் வயதோ பதினாரு
ஆண்டுகள் போயின ஆறுநூறு
இன்னும் இவள் முதுமை எய்தவில்லை
என்னதான் ரகசியம் தெரியவில்லை
----
கல்கி சிவகாமியின் சபதத்தின் முன்னுரையில்
“கையிலே பிடித்த கல்லுளிகளையே மந்திரக்
கோல்களாகக் கொண்டு எந்த மகா சிற்பிகள்
இந்த மகேந்திர ஜாலங்களைச் செய்தார்களோ
என்று நினைக்கும்போது அந்தச் சிற்பிகளைக்
கையெடுத்துக் கும்பிடத் தோன்றியது” என்று
எழுதியிருந்தார். எனக்கும்தான்.
----------

>மோகனகிருஷ்ணன்