பிலிப்பைன்ஸ் நாட்டை தாக்கிய "ஹையான்' புயலுக்கு 100 பேர் பலி( பிந்திய செய்தி)

மணிலா: பிலிப்பைன்ஸ் நாட்டில், "ஹையான்' புயல் தாக்கியதில் 100 பேர் பலியாகினர். 10 லட்சத்திற்கும் மேற்பட்ட மக்கள், பாதுகாப்பு கருதி அப்புறப்படுத்தப்பட்டுள்ளனர்.

பிலிப்பைன்ஸ் நாட்டின் மத்தியில், சமர் தீவு உள்ளது. அதன் அருகே, கடலில் உருவான, "ஹையான்' என்ற புயல், நேற்று முன் தினம், சமர் தீவில், கரையை கடந்தது. அப்போது மணிக்கு, 315 கி.மீ., வேகத்தில், பயங்கர சூறாவளி காற்று வீசியது. இதனால், வீடுகளின் கூரைகள், காற்றில் தூக்கி வீசப்பட்டன. வானிலை கணிப்பையும் தாண்டி, காற்றின் வேகம் அதிகமிருந்தது. கடலில் ராட்சத அலைகள் உருவாகி, கரையோரம் இருந்த வீடுகளை சின்னாபின்னமாக்கியது. புயல் காற்றில் தூக்கி வீசப்பட்ட சிலரது உடல்கள், தெருக்களில் சிதறிக் கிடந்தன. 100க்கும் மேற்பட்டோர், புயலுக்கு பலியாகி உள்ளனர். ஏராளமான மரங்கள் முறிந்து விழுந்தன. பல இடங்களில், மின்சார கம்பங்கள் சாய்ந்தும், உடைந்தும் கிடந்தன. இதனால், மின்சாரம் மற்றும் தகவல் தொலை தொடர்பு வசதிகள் துண்டிக்கப்பட்டன. மின்சாரம் இல்லாததாலும், கடும் வெள்ளம் காரணமாகவும், மக்களின் இயல்பு வாழ்க்கை பாதிக்கப்பட்டது. புயலின் கோர தாண்டவத்தால், தக்லோபான் நகரம், பெரிதும் பாதிக்கப்பட்டது. விமான நிலையமும், ஓடுதளமும் முற்றிலும் சேதம் அடைந்துள்ளதால், போக்குவரத்து நிறுத்தப்பட்டுள்ளது. ராணுவ விமானங்கள் மட்டுமே, இயக்கப்பட்டு வருகின்றன. 10 லட்சம் மக்கள் வெளியேற்றப்பட்டு, பாதுகாப்பான இடங்களில் தங்க வைக்கப்பட்டுள்ளனர். "ஹையான்' புயல் தாக்கியதில், லெயத் தீவு கடுமையாக பாதிக்கப்பட்டது.

இப்போது 10000 பேர் என்று செய்தி வருகிறதே

Muthumohamed wrote:இப்போது 10000 பேர் என்று செய்தி வருகிறதே

சற்று நேரத்தில் சரியான செய்தியைத் தருகிறேன் நன்றி உறவே!_ 

வீசிய கடும் பயல் மணி நேரத்துக்கு 379 கிலோ மீட்டர் வேகத்தில் தாக்கியதால், சேதம் மிகக் கடுமையானது.
-