11 அதிகாரிகளும் 4816 இராணுவ வீரர்களும் பொது மன்னிப்புக்கு விண்ணப்பம்

by **நண்பன்** Sun 13 Feb 2011 - 23:07

4630 இராணுவ வீரர்கள் கைது

பதினொரு இராணுவ அதிகாரிகளும், 4816 இராணுவ வீரர்களும் பொது மன்னிப்புக்கான
விண்ணப்பங்களை சமர்ப்பித்துள்ளதாக இராணுவப் பேச்சாளர் மேஜர் ஜெனரல் உபய மெதவல
தெரிவித்தார்.இராணுவத்திலிருந்து தப்பியோடி யவர்களின் நலனை கருத்திற்கொண்டு சுதந்திர தினத்தை
முன்னிட்டு கடந்த 4ம் திகதி முதல் இராணுவ தலைமையகத்தினால் அறிவிக்கப்பட்ட பொது
மன்னிப்புக்கான காலம் நேற்று முன்தினம் 12ம் திகதியுடன் நிறைவு பெற்றுள்ளதாக அவர்
மேலும் தெரிவித்தார்.இதேவேளை, இராணுவத்திலிருந்து தப்பியோடியவர்களை தேடி கைது செய்யும் நடவடிக்கையின்
கீழ் கடந்த நவம்பர் மாதம் முதல் இதுவரையும் 12 அதிகாரிகளும், 4630 இராணுவ வீரர்களும்
கைது செய்யப்பட்டுள்ளதாக இராணுவப் பேச்சாளர் மேலும் சுட்டிக்காட்டினார்.நாட்டிலுள்ள இராணுவப் படைப் பிரிவுகளில் சமர்ப்பிக்கப்பட்ட விண்ணப்பங் கள் தொடர்பில்
விரைவில் ஆராயப்பட்டு அவர்களை இராணுவத்திலிருந்து உத்தியோகபூர்வமாக விடுவிக்க உரிய
நடவடிக்கை எடுக்கப்ப டும் என்று தெரிவித்த இராணுவப் பேச்சாளர், மீண்டும்
இராணுவத்தில் இணைந்து சேவையாற்ற விரும்பும் பட்சத்தில் அவர்கள் தப்பி ஓடிய கால
எல்லையை கருத்திற்கொண்டு தேவைப் படின் மீண்டும் பயிற்சிகளுடன் புனர்வாழ்வு
வழங்கப்பட்டு சேவையில் இணைத்துக் கொள்ள நடவடிக்கை எடுக்கப்படும் என்றும் சுட்டிக்
காட்டினார்.தப்பி ஓடியவர்களில் எஞ்சிய வர்களை தேடிக் கைது செய்யும் நடவடிக்கையை இராணுவம்
தொடர்ந்தும் முன்னெடுத்து வருவதாக இராணுவப் பேச்சாளர் மேலும் தெரிவித்தார்.