வலிக்குதடா மகனே ....!

by **ahmad78** Mon 26 May 2014 - 14:39

வலிக்குதடா மகனே ....!
~~~~~~~~~~~~~~~~~~~~~~

வலிக்குதடா மகனே ....! 10402023_730912600305709_3082569814889902966_n

முகநூலில் வந்த இந்த பட செய்தியை படித்தபோது உண்மையிலேயே மனம் ரொம்பவும் வலித்தது !...இந்த நேரத்தில் அல்லாஹ்வின் வசனத்தை படித்து பார்க்கிறேன் !..

அல்குர்ஆன் 17:23 '' பெற்றோரில் ஒருவரோ அல்லது அவர்கள் இருவருமோ உம்மிடத்தில் நிச்சயமாக முதுமை அடைந்து விட்டால் அவர்களை உஃப் (சீ) என்று (சடைந்தும்) சொல்ல வேண்டாம் – அவ்விருவரையும் (உம்மிடத்திலிருந்து) விரட்ட வேண்டாம் – இன்னும் அவ்விருவரிடமும் கனிவான கண்ணியமான பேச்சையே பேசுவீராக!

அல் குர் ஆன் -46:15..மனிதன் தன் பெற்றோருக்கு நன்மை செய்யும்படி உபதேசம் செய்தோம்; அவனுடைய தாய், வெகு சிரமத்துடனேயே அவனைச் சுமந்து வெகு சிரமத்துடனேயே அவனைப் பெற்றெடுக்கிறாள்; (கர்ப்பத்தில்) அவனைச் சுமப்பதும்; அவனுக்குப் பால் குடி மறக்கச் செய்வதும் (மொத்தம்) முப்பதுமாதங்களாகும்.

இப்படிப்பட்ட தாயின் காலடியிலே சொர்க்கம் இருக்கிறது .
நசயீ- 3104,அஹ்மத்15475...என அண்ணலார் கூறியுள்ளார்கள்.

எவருக்கு பெற்றோர்களில் இருவரோ அல்லது அவர்களில் ஒருவரோ இருந்து,அவர்களுடன் நல்ல முறையில் நடந்துகொள்ளவில்லை என்றால் அவர் நரகத்தில் நுழைவார்.மேலும்,அல்லாஹ் அவனைத் தனது அருளை விட்டு தூரமாக்கிவிடுவான்.தப்ரானீ-346....

அல்லாஹ் மற்றும் அவனது ரசூல் (ஸல்) அவர்களின் கட்டளைகளை மீறி செயல்பட்ட பிள்ளைகளாக நாம் ஆவதை விட்டும் அல்லாஹ் நம் அனைவரையும் பாதுகாப்பானாக !...

- தக்கலை கவுஸ் முஹம்மத்