சுந்தர மூர்த்தி நாயனார் (திருவாரூரில் அடியவருக்காக இறைவனே நேரில் சென்ற காதல் சமரசத் தூது): *

by **Rj Nousath Mohamed** Tue 10 Jun 2014 - 15:18

சுந்தரர் திருவொற்றியூரில் சங்கிலியாரை மணம் புரிந்த நிகழ்வை கேள்வியுற்ற பரவையார் வெகுண்டார். 'இனி தம்மைக் காணுமுகமாக சுந்தரர் வருகை புரிந்தாலோ உயிர் துறப்பேன்' என்றும் சூளுரைத்தார். பரவையாரின் நிலையறிந்த சுந்தரர் செய்வதறியாது திகைத்து, ஆரூரில் வீற்றிருக்கும் பெருமானிடம் பரவையாருடன் ஏற்பட்ட பிணக்கைத் தீர்த்தருளுமாறு வேண்டினார்.
*
இறைவனும் அதற்கு இசைந்து 'யாம் இப்பொழுதே உன் தூதனாக பரவையின் இல்லம் செல்வோம்' என்று ஆறுதல் மொழி கூறியருளினார். சுந்தரர் மிக மகிழ்ந்து இறைவனை வழியனுப்ப, அந்த நள்ளிரவு நேரத்தில் ஆதி சைவர் தோற்றம் கொண்டு இறைவன் பரவையின் இல்லம் அடைந்தார். 'பரவையே சுந்தரன் பால் உள்ள கோபம் விடுத்து ஆறுதல் கொள்வாய். அவன் உன் இல்லம் சேரவும் இசைவாய்' என்று மொழிந்தருளினார்.
*
பரவையாரோ 'சங்கிலியாரை மணம் புரிந்த அவருக்கு இங்கு என்ன வேலை? அவர் பொருட்டு தாம் இந்த நள்ளிரவில் வந்தது மிகவும் நன்று!!' என்று மறுமொழி கூறிக் கடிந்து அனுப்பினார். இறைவன் சுந்தரர் முன் தோன்றி 'யாம் நேரில் சென்றும் அவள் சினமானது தணியவில்லை' என்று கூறியருள, சுந்தரர் 'தேவரீரே நேரில் சென்றும் அவள் இரங்கவில்லையா ? இனி நான் உயிர் துறப்பதே நலம்' என்று பலவாறு புலம்பினார்.
*
சுந்தரரின் துக்கத்தைக் காணச் சகியாத இறைவன் 'சுந்தரா வருத்தத்தை விடு..யாம் மீண்டும் சென்று பரவையின் சினம் தணித்து உன்னிடம் சேர்ப்போம்' என ஆறுதல் மொழி கூறியருளினார். இறைவன் இம்முறை தம் சுய வடிவுடனேயே, அந்த நள்ளிரவில் மீண்டும் தன் திருப்பாதம் தோய நடந்து, தேவர் யோகியர் முனிவர் முதலிய கணங்கள் சூழ, பரவையாரின் மாளிகையை அடைந்தருளினார்.
*
அந்த மாளிகையே திருக்கயிலாயம் போல் காட்சி அளித்தது. இறைவனைக் கண்ட பரவையாயர் பதை பதைத்து விரைந்து வெளியில் சென்று, பிறவிப் பிணி போக்கும் சிவபெருமானின் திருவடிகளை பணிந்து வணங்கி கண்ணீரால் அபிஷேகம் செய்தார். இறைவன் 'பரவையே சுந்தரனின் ஏவலால் யாம் மீண்டும் எழுந்தருளினோம். கோபம் விடுத்து அவனை ஏற்பாய்' என்று கூறியருளினார்.
*
பரவையார் 'தேவரீர், வேதங்களும் காணாத நின் திருப்பாதங்கள் நோக இந்த நள்ளிரவில் என் பொருட்டு இரு முறை நடந்தீர். என்னை மன்னித்து அருளும்' எனப் பணிந்து, சுந்தரரை ஏற்க இசைந்தார். இறைவன் மிக மகிழ்ந்து சுந்தரரிடம் இச்செய்தியை அறிவித்தருள, சுந்தரர் ஆனந்தக் கடலில் மூழ்கினார். தன் தோழனான ஆரூர்ப் பெருமானின் திருவடி தொழுது இன்புற்றார். !_

by **Nisha** Tue 10 Jun 2014 - 15:58

ம்!

ஆச்சரியம் தான்! உங்கள் பெயரில் சுந்தரமூர்த்தி நாயனார் குறித்த பகிர்வு உங்கள் அறிவின் ஆழத்தையும் தேடலின் தெளிவையும் புரிய வைக்கின்றது. பாராட்டுகள்!

தொடருங்கள்..

திரியை ஆன்மீகப்பகுதியில் இந்து மதம் குறித்த கட்டுரைகள் பகிர்வில் நகர்த்தி விட்டேன்!

சுந்தர மூர்த்தி நாயனார் (திருவாரூரில் அடியவருக்காக இறைவனே நேரில் சென்ற காதல் சமரசத் தூது): *

சுந்தர மூர்த்தி நாயனார் (திருவாரூரில் அடியவருக்காக இறைவனே நேரில் சென்ற காதல் சமரசத் தூது): *

Re: சுந்தர மூர்த்தி நாயனார் (திருவாரூரில் அடியவருக்காக இறைவனே நேரில் சென்ற காதல் சமரசத் தூது): *