ஒவ்வொரு வேளை உணவும் உடலுக்கு எப்படி அவசியமாகிறது?

by **ahmad78** Sun 15 Jun 2014 - 17:00

ஒவ்வொரு வேளை உணவும் உடலுக்கு எப்படி அவசியமாகிறது? | Why Food is So Important | Eat Food on Time |

பெரும்பாலானவர்களுக்கு தெரிந்திருக்கும். ஆனால் ஒவ்வொரு வேளை உணவும் உடலுக்கு எப்படி அவசியமாகிறது என்பது உங்களுக்குத் தெரியுமா?

காலை

காலை உணவு உடலுக்கும், மூளைக்கும் சிறந்த ஊட்டச்சத்தாகும். காலை உணவு சாப்பிடாவிட்டால் மூளை சுறுசுறுப்பை இழப்பதால் நீங்களும் சோர்வடைந்து விடுவீர்கள். மேலும் இடைவேளை நேரத்தில் தேவையில்லாமல் எதையாவது சாப்பிடத் தூண்டும். பிறகு மதியசாப்பாடு சாப்பிட வேண்டிய நேரத்தில் பசியின்மையும், சலிப்பும் ஏற்படும். இதனால் மதிய சாப்பாடும் தடைப்படலாம்.

சிலர் காலை சாப்பாட்டை குறைப்பதன் மூலம் உடல் எடையை கட்டுப்படுத்தலாம் என்று நினைப்பதுண்டு. தவறாமல் காலை உணவை சாப்பிட்டாலே உடல் எடை கட்டுப்பாட்டில் இருக்கும் என்பதுதான் உண்மை.

காலையில் பணிகள் செய்யத் தொடங்குவதால் உடலுக்கு புரதம் மற்றும் நார்ச்சத்து அவசியம். எனவே கொழுப்பு குறைந்த மற்றும் புரதம் நிறைந்த உணவுகளை உண்ணலாம். முட்டை, பீன்ஸ், பால் பொருட்களை சாப்பிடலாம். முளைகட்டிய தானியம், கொட்டை வகைகள், காய்கறி மற்றும் பழங்களும் காலையில் சாப்பிட ஏற்றது.

மதியம்

மதிய உணவு சரியாக 12.30 மணியில் இருந்து 1.30 மணிக்குள்ளாக சாப்பிடுவது அவசியம். நமக்கு பெரும்பாலான வியாதிகள் வரக்காரணமே காலம் தவறி சாப்பிடுவது மற்றும் கண்டதையும் சாப்பிட்டு வயிற்றைக் கெடுத்துக்கொள்வதால் தான். எனவே சாப்பாட்டு நேரத்தை ஒழுங்காக கடைப்பிடித்தால் சில வியாதிகளை கட்டுப்படுத்த முடியும்.

காலை உணவுக்குப் பின் சிலர் நொறுக்குத் தீனி, டீ, ஜூஸ் என்று கண்டதையும் சாப்பிடுகிறார்கள். இது மதிய உணவை தள்ளிப் போடச் செய்யும். மதிய உணவும் உடல் நலத்துக்கு மிகவும் உகந்தது. ஏனெனில் நாம் பகல் முழுவதும் உழைப்பதால் உடலுக்கு சக்தி தேவை. அதற்கு மதிய உணவுதான் சரியானது. எனவே எக்காரணத்தைக் கொண்டும் மதிய உணவை தவற விடாதீர்கள்.

மதிய உணவுக்குப் பிறகு சிறிது பழ ஜூஸ் குடிக்கலாம். எலுமிச்சை, ஆப்பிள், திராட்சை ஜூஸ் போன்றவை நல்லது. மதிய உணவு தரமானதாக இருக்க வேண்டும். முழு வயிற்றுக்கும் சாப்பிட வேண்டும். தரமற்ற உணவுகள் செரிமானம் ஆகாமல் பாதிப்பை ஏற்படுத்தும். உடல் எடை கூடவும் வாய்ப்புள்ளது.

இரவு

இரவு உணவு நல்ல தூக்கத்திற்கு வழி வகுக்கும். பெற்றோருடன் ஒன்றாக அமர்ந்து இரவு உணவை சாப்பிடுவது சிறந்த பலன்களை தருவதாக ஒரு ஆய்வு கூறுகிறது. மாதத்தில் அதிக நாட்கள் பெற்றோருடன் அமர்ந்து சாப்பிட்ட பருமனான குழந்தைகளின் எடை 15 சதவீதம் குறைந்திருந்தது. இதற்கு பெற்றோரின் கண்டிப்பும், கண்காணிப்பும் ஒரு காரணம்.

மற்றொரு ஆய்வு, "பெற்றோருடன் ஒன்றாக இரவு சாப்பாடு சாப்பிடும் பழக்கமுள்ள டீன்ஏஜ் குழந்தைகள் மது, போதை போன்ற தவறான பழக்கத்தின் பக்கம் செல்வதில்லை" என்று கூறுகிறது. உடல் எடையை குறைக்க விரும்புபவர்கள் வழக்கத்தைவிட ஒரு மணி நேரம் முன்பாக இரவு உணவைச் சாப்பிட்டால் நல்ல பலன் கிடைக்கும்.

இரவு பெரும்பாலும் ஓய்வுதான் என்பதால் அளவோடு உணவு சாப்பிட்டால் போதுமானது. வேலை செய்பவர்களாக இருந்தால் இரவில் புரோட்டா போன்ற கடினமான உணவுகளை உண்ணலாம். குழந்தைகள், தூங்கச் செல்பவர்களுக்கு சப்பாத்தி, இட்லி போன்ற உணவுகளே போதுமானது.

http://enntamilnadu.blogspot.ae/2011/05/why-food-is-so-important.html

by **jaleelge** Sun 15 Jun 2014 - 17:32

எங்களின் வாழ்வியலில் மிக முக்கியமான பாத்திரத்தை...

சொல்லி இருக்கிறீங்கள்...பாராட்டுக்கள் உறவே...

முக்கிய பதிவு....

"பெற்றோருடன் ஒன்றாக இரவு சாப்பாடு சாப்பிடும் பழக்கமுள்ள டீன்ஏஜ் குழந்தைகள் மது, போதை போன்ற தவறான பழக்கத்தின் பக்கம் செல்வதில்லை" என்று கூறுகிறது. உடல் எடையை குறைக்க விரும்புபவர்கள் வழக்கத்தைவிட ஒரு மணி நேரம் முன்பாக இரவு உணவைச் சாப்பிட்டால் நல்ல பலன் கிடைக்கும்.

by **பானுஷபானா** Mon 16 Jun 2014 - 9:33

பயனுள்ள தகவல் நன்றி முஹைதீன்

by **jaleelge** Mon 16 Jun 2014 - 16:31

பானுஷபானா wrote:பயனுள்ள தகவல் நன்றி முஹைதீன்

தங்கச்சி முஹைதீன் நானா சொன்ன மாதிரி உணவுக் கட்டுப்பாட்டை பேணுங்கள்...

உங்கள் ஆரோக்கியம்தான் மிக முக்கியம்....

உங்கள் உடலும்,,உளமும் சுகமாய் இருக்க பிராத்திக்கின்றேன்.....

by **ராகவா** Mon 16 Jun 2014 - 16:38

jaleelge wrote:
பானுஷபானா wrote:பயனுள்ள தகவல் நன்றி முஹைதீன்

தங்கச்சி முஹைதீன் நானா சொன்ன மாதிரி உணவுக் கட்டுப்பாட்டை பேணுங்கள்...

உங்கள் ஆரோக்கியம்தான் மிக முக்கியம்....

உங்கள் உடலும்,,உளமும் சுகமாய் இருக்க பிராத்திக்கின்றேன்.....

என்னே! தங்கையின் மீது உள்ள பாசம்...
எங்கு பாத்து பாத்து என்று இப்படி என் கண்ணே பட்டிடும் போல இருக்கு...

by **jaleelge** Tue 17 Jun 2014 - 2:05

அனுராகவன் wrote:
jaleelge wrote:
பானுஷபானா wrote:பயனுள்ள தகவல் நன்றி முஹைதீன்

தங்கச்சி முஹைதீன் நானா சொன்ன மாதிரி உணவுக் கட்டுப்பாட்டை பேணுங்கள்...

உங்கள் ஆரோக்கியம்தான் மிக முக்கியம்....

உங்கள் உடலும்,,உளமும் சுகமாய் இருக்க பிராத்திக்கின்றேன்.....
என்னே! தங்கையின் மீது உள்ள பாசம்...
எங்கு பாத்து பாத்து என்று இப்படி என் கண்ணே பட்டிடும் போல இருக்கு...

நான் சொல்ல வில்லையா....

இவர்ர கண்தான் பட்டுடும்.....

நாம கொஞ்சம் ஜாக்கிடதையாக இருந்துக்கனும் தங்கச்சி...

by Sponsored content

ஒவ்வொரு வேளை உணவும் உடலுக்கு எப்படி அவசியமாகிறது?

ஒவ்வொரு வேளை உணவும் உடலுக்கு எப்படி அவசியமாகிறது?

Re: ஒவ்வொரு வேளை உணவும் உடலுக்கு எப்படி அவசியமாகிறது?

Re: ஒவ்வொரு வேளை உணவும் உடலுக்கு எப்படி அவசியமாகிறது?

Re: ஒவ்வொரு வேளை உணவும் உடலுக்கு எப்படி அவசியமாகிறது?

Re: ஒவ்வொரு வேளை உணவும் உடலுக்கு எப்படி அவசியமாகிறது?

Re: ஒவ்வொரு வேளை உணவும் உடலுக்கு எப்படி அவசியமாகிறது?

Re: ஒவ்வொரு வேளை உணவும் உடலுக்கு எப்படி அவசியமாகிறது?