மரத்தின் குழந்தைகள்...

by **rammalar** Fri Jun 20, 2014 1:36 pm

-
இந்த மாமரத்தின் இலைகள்
எந்த தலைவாசலிலும்
தோரணங்களாகாமல் இருக்கட்டும்
-
கிளிகளே! உள்ளிருந்து குடையும் வண்டுகளே
இதன் கனிகளை
இப்போது ஒன்றும் செய்யாதீர்கள்
-
இந்த மாமரத்தைப் போலத்தான்
வளர்ந்தார்கள்
இந்த இரண்டு சிறுமிகளும்
இலைகள் கிழிக்கப்பட்டு
மொட்டுக்கள் நசுக்கப்படு
இதன் கிளைகளில்
தூக்கில் தொங்கவிடப்படும் வரை
-
தள்ளி நின்று வேடிக்கை பாருங்கள்
இந்த மரத்தின் நிழல்
சாதியின் ரத்தம்
வன்புணர்வின் துக்கம்
-
அந்த சிறுமிகளின் முடிகளையும் நகங்களையும்
அவர்களின் ஆடைகளில்
இந்த மரத்திலேயே முடிந்து வைத்து
இயற்கையிடம்
ஒரு வேண்டுகோள் வைக்கிறேன்
-
இந்த மரம் மலை பிளந்து
வானளந்து
வளர வேண்டும்
ஒரு வன தேவதையாக
முகம் சிவந்து
முடி கலைந்து
நகம் கிளர்ந்து
ஆட வேண்டும்
ஒரு கொற்றவையாக
-
----------------------
>பழநிபாரதி
நன்றி: ஆனந்த விகடன்
-
(30-5-2004 அன்று உத்திரபிரதேசத்தில் பாலியல்
வன்முறையில் கொல்லப்பட்டு ஒரு மரத்தில்
தொங்கவிடப்பட்ட இரண்டு தலித் சிறுமிகள்
நினைவாக)

by **jaleelge** Sat Jun 21, 2014 3:11 am

சமூக அலங்கோலத்தின்...

சுமை வரிகள்/////

மரத்தின் குழந்தைகள்...

மரத்தின் குழந்தைகள்...

Re: மரத்தின் குழந்தைகள்...