மழைநீர் சேகரிப்பிற்கு விளம்பரங்கள் மட்டும் போதாது; அரசின் களப்பணியும், கண்டிப்பும் அவசியம் தேவை

மழை நீர் சேகரிப்பை ஊக்குவிக்க விளம்பரங்கள் மட்டும் போதாது. அரசின் நேரடி களப்பணியும், கண்டிப்பும் அவசியம் தேவை என்றும் சமூக ஆர்வலர்கள் விரும்புகின்றனர்.

வறட்சிக்கான திட்டம்:

வறட்சி ஏற்படும் போதெல்லாம், மழை நீர் சேகரிப்பு மீது தமிழக அரசு அதிகம் கவனம் செலுத்தும். இரண்டு அல்லது மூன்று ஆண்டுகள் தொடர்ந்து மழை பொய்க்கும் போது ஆறு, குளம், குட்டைகள், வரத்துக் கால்வாய்கள் மற்றும் அணைகட்டுகள் என அனைத்து நீர் நிலைகளும் வறண்டு போகும். இதனால் ஆழ்துளை கிணறுகள் மற்றும் திறந்த வெளியில் அமைந்துள்ள கிணறுகளில் நீர்மட்டம் குறைந்து, பொது மக்கள் குடிநீருக்காக சிரமப்படுகின்றனர். ஏரி, அணைகட்டுகளில் ஆக்கிரமிப்பு அதிகரித்து, கோடையில் கால்நடைகளுக்கு குடிநீர் கிடைக்காமலும், பாசன நீர் கிடைக்காமலும், விவசாயிகள் பாதிக்கின்றனர்.

நீண்ட காலத் திட்டம்:

மழைநீர் சேகரிப்பு அரசும், பொது மக்களும் இணைந்து செயல்படுத்தக் கூடிய நீண்டகால திட்டம். ஆனால் அரசும், அதிகாரிகளும், மழைநீர் சேகரிப்பு குறித்து விழிப்புணர்வு பிரசாரம் செய்ததும் பொது மக்களின் தண்ணீர் தேவை தீர்ந்து விடும் என்பது போல் இப்பணியை மேற்கொள்கின்றனர்.

உடனடித் தீர்வு அல்ல:


குடிநீர் பிரச்னைக்கு நிரந்த தீர்வு காண, வீடுகள், அரசு அலுவலகங்கள், வணிக வளாகங்கள் மற்றும் திருமண மண்டபங்களில் மழைநீர் சேகரிப்பு கட்டமைப்புகளை ஏற்படுத்த வேண்டும். மழை நீர் சேகரிப்பு கட்டமைப்பு இல்லாத கட்டங்களுக்கு மின்சாரம், குடிநீர் இணைப்புகளைத் துண்டித்தல் போன்ற கடும் நடவடிக்கை எடுக்க வேண்டும். அப்போது தான் மழைநீர் சேகரிப்பு நிரந்தமாக்கப்பட்டு, மக்களுக்கு பயனுள்ளதாக அமையும்.

இயற்கையை அழித்து:


ஆறுகள், ஏரிகள், குளம், குட்டைகள் போன்றவற்றில் இயற்கையான முறையில் மழைநீர் சேகரிப்பை நம் முன்னோர்கள் செய்தனர். மழைநீர் சேமிக்கும் போது, அருகிலுள்ள ஆழ்துளை கிணறுகள் மற்றும் திறந்தவெளி கிணறுகளில் நிலத்தடி நீர்மட்டம் அதிகரித்து தண்ணீர் தட்டுப்பாடு இல்லாமல் இருந்தது. கடந்த 10 ஆண்டுகளாக இயற்கை முறையில் மழைநீரை அதிகம் சேமித்து வைக்கும் ஆறுகளிலிருந்து, மணல் சுரண்டலை அரசே முன்னின்று நடத்தி வருகிறது. பசுமைத் தீர்ப்பாயம், தன்னார்வ அமைப்புகள் மற்றும் சில அரசியல் கட்சிகள் எதிர்ப்பு தெரிவித்தும், வருவாயை குறிக்கோளாக வைத்து மணல் விற்பனையை அரசு வேகப்படுத்தி வருகிறது. ஆறுகள் கட்டாந்தரைகளாக மாறின. நீர்மட்டம் வெகுவாக குறைந்து, ஆற்றங்கரைக்கு அருகிலுள்ள கிராம மக்களே குடிநீர் கேட்டு, மறியலில் ஈடுபடும் அபாய நிலை ஏற்பட்டுள்ளது.

நிரந்தரத் தீர்வு:


சுவர் விளம்பரங்கள், விழிப்புணர்வு முகாம்கள் மூலம் சுய விளம்பரங்கள் தேடுவதைத் தவிர்த்து, ஆக்கப்பூர்வமான முறையில் மழைநீர் சேகரிப்பிற்கு நிதி ஒதுக்கீடு செய்து நீர்நிலைகளை ஆழப்படுத்தவும், கட்டடங்களில் நிரந்த மழைநீர் சேகரிப்பு மையங்களை ஏற்படுத்த அரசு துரித நடவடிக்கை மேற்கொள்ள வேண்டும்.

- நமது நிருபர் -

பெரும்பாலான கோயில்களில் குளம் இருக்கிறது.
-
தூர் வாரி தூய்மையான நீரை சேகரித்தால்
அந்த பகுதி மக்களுக்கு தண்ணீர் பற்றாக்குறை
நீங்கும்.
-

இன்று மக்கள் தொகை பெருக்கத்திற்கேற்ப நீர் நிலைகள் உயர்த்தப் பட வில்லை . இன்னும் கேரளாவில பல லட்சம் கோடி  நல்ல நீர் வீணாக கடலில் கலக்கிறது ...ஆனாலும் குடி நீருக்காக வரும் சிறுவானி அணை நீரை கேரள அரசு அரசியலாக்கி பணம் பண்ண நினைக்கிறது .....கேவலம் . தமிழ் நாட்டில் கேடு கெட்ட திராவிட கட்சிகளின் 50 ஆண்டுகால ஆட்சி மக்களை ஏமாற்றி ஏமாற்றி கோடீஷ்வரகளாக ஆனதுதான் மிச்சம் .....மக்கள் மாறினால்தான் இதற்கு விடுவு பிறக்கும்